ဗီယက်နမ်ဈေးကနေ ဝယ်လာတဲ့ သျှားဖြူသီးလေးတွေကို နေ့လည်နေ့ခင်း အပျင်းပြေ စားရလေအောင် ချဉ်ငံစပ်လေး ထောင်းပါတယ်။
ထောင်းနည်းက လွယ်လွယ်လေးမို့လို့ လူတိုင်းလဲ ထောင်းတတ်ကြမှာပါ ဒါပေမဲ့ မာမာပြင်ဆင်ပြီး ထောင်းထားတဲ့ ထောင်းနည်းအလွယ်လေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- သျှားဖြူသီး - အလုံး ၁၀၀ခန့်
- ငရုတ်သီး အခြောက်တောင့် - ၅တောင့်
- အရသာမှုန့် - လက်ဖက်ဇွန်း တစ်ဝက်သာသာ
- ဆား - လက်ဖက်ရည်ဇွန်း တစ်ဝက်
- ကြက်သွန်ဖြူ - အမွှာကြီးကြီး ၃မွှာ
- ငါးငံပြာရည်အနောက် - ထမင်းစားဇွန်း တစ်ဇွန်း
- ငါးငံပြာရည်အကြည် - ထမင်းစားဇွန်း တစ်ဇွန်း
ပြင်ဆင်ပုံ
- သျှားဖြူသီးကို ရေဆေးပြီး ရေစစ်ထားပါ။
- ငရုတ်ဆုံ ခပ်ကြီးကြီးထဲမှာ ကြက်သွန်ဖြူ နှင့် ငရုတ်သီးအခြောက်တောင့်တို့ကိုထည့်ပြီး မညက်တစ်ညက် ထည့်ထောင်းပါ။
- ပြီးတာနဲ့ သျှားဖြူသီးကို မညက်တစ်ညက် ထည့်ထောင်းပေးပါ။
- အနည်းငယ် ညက်သွားတာနဲ့ ငံပြာရည်နှစ်မျိုးလုံးနှင့် အရသာမှုန့်တို့ကို ထည့်ထောင်းပေးပါ။
- ထောင်းနေစဉ် အရသာ သမသွားအောင် ဇွန်းအရိုးရှည်ရှည်နှင့် မွှေမွှေပေးပါ။
- အရသာ သမသွားတာနဲ့ အရသာ သမအောင် ဇွန်းနှင့် မွှေပေးပါ။
- အရသာ သမလောက်ပြီ ဆိုတာနဲ့ သျှားဖြူသီး ချဉ်ငံစပ်ထောင်းလေးကို စားသုံရန် ပြင်ပေးးနိူင်ပါပြီ။
No comments:
Post a Comment