Monday, 23 March 2020

ချဉ်ငံစပ် ငါးဖယ်သုပ်








ဒီတစ်ခါတော့ ဗီယက်နမ် ဈေးကနေ ငါးဖယ်ခြစ်လေးတွေ ဝယ်လာပြီး ကြာကြာအထားခံအောင် ငါးဖယ်ငါးဆုတ်လေးတွေ ကြော်ပြီး သိမ်းသင့်တာသိမ်းပြီး ပိုနေတာလေးတွေကို အသုပ်သုပ်စားချင်တဲ့ စိတ်လေး ပေါ်လာခဲ့ပါတယ်။

အဲဒါနဲ့ဘဲ အိမ်မှာရှိတဲ့ အသီးအရွက်လေးတွေကို ဆေးကြောပြီး လှီးပေးကာ ချဉ်ငံစပ်လေး သုပ်စားဖြစ်တဲ့အတွက် မာမာပြင်ဆင်ပြီး သုပ်စားဖြစ်တဲ့ ငါးဖယ်သုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ငါးဖယ်ငါးဆုတ် - ဆယ်ခု 
  2. နံနံပင်  - အနည်းငယ်
  3. ကြက်သွန်နီ - အနေတော် တစ်လုံး
  4. ဂေါ်ဖီ - တစ်စိတ်
  5. မုံလာဥနီ - အနေတော် တစ်ဥ
  6. ပဲအကျက်မှုန့် - ထမင်းစားဇွန်း တစ်ဇွန်း
  7. ငရုတ်သီး အလှော်မှုန့် - လက်ဖက်ရည်ဇွန်း တစ်ဇွန်းသာသာ
  8. အရသာမှုန့် - လက်ဖက်ရည်ဇွန်း တစ်ဝက်သာသာ
  9. သံပုရာသီး - တစ်ခြမ်း
  10. ငါးငံပြာရည် - ထမင်းစားဇွန်း တစ်ဇွန်း
  11. ငရုတ်သီးစိမ်း - ခွန်နှစ်တောင့်ခန့်
  12. ကြက်သွန်နီဆီချက် - ထမင်းစားဇွန်း တစ်ဇွန်းခွဲ
ပြင်ဆင်ပုံ
  • ကြော်ပြီးသား ငါးဖယ်ကို ကပ်ကျေးနဲ့ ခပ်ပါးပါးလေးတွေ ညှပ်ထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
  • မုံလာဥနီကို အခွံခွာပြီး ရေဆေးကာ ခြစ်နှင့် ခြစ်ထားပါ
  • ဂေါ်ဖီကို ရေဆေးပြီး ခပ်ပါးပါး လှီးထားပါ
  • သံပုရာသီးကို ရေဆေးပြီး အစိတ်လေးတွေ လှီးထားပါ
  • ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
  • ပဲမှုန့် ငါးငံပြာရည် ငရုတ်သီးအလှော်မှုန့် ကြက်သွန်နီ ဆီချက်နှင့် အရသာမှုန့်တို့ကို ပြင်ထားပါ
အသုပ် တပွဲစာပြင်ရန်
  • ဇလုံတစ်လုံးထဲမှာ ခပ်ပါးပါး ညှပ်ထားသော ငါးဖယ် ကြက်သွန်နီ ငရုတ်သီးစိမ်း မုံလာဥနီနှင့် ဂေါ်ဖီတို့ကိုထည့်ပေးပါ
  • ကြက်သွန်နီဆီချက် ငါးငံပြာရည်  ပဲအကျက်မှုန့် ငရုတ်သီး အလှော်မှုန့်   အရသာမှုန့် သံပုရာရည် တို့ထည့်ကာ ခပ်ဖွဖွနယ်ပေးပါ
  • အသုပ်စုံ အရသာ နယ်ပြီးတာနဲ့ အရသာမြည်းပြီး မိမိစိတ်ကြိုက် လိုသလို ပြင်ပေးကာ စားပွဲပြင်ပေးပါ
  • ငါးဖယ်သုပ် ချဉ်ငံစပ်ကို ထမင်းပူပူလေးနှင့် တွဲဖက်ကာ သုံးဆောင်နိုင်ပါပြီ။

No comments:

Post a comment