ဒီနေ့တော့ ချက်နည်းအရမ်းလွယ်ပြီး မြန်မြန်ဆန်ဆန်နဲ့ ဟင်းတစ်မယ်ကို ရစေမဲ့ ငါးသေတ္တာ ပြန်ချက်ဟင်းလေး ချက်ပါတယ် ချက်ရတာ မြန်သလောက် စားလို့အရမ်းကောင်းတဲ့ ဟင်းတစ်မယ်အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
ငါးသေတ္တာ - ဗူးကြီး တစ်ဗူး
ကြက်သွန်နီ - ခပ်ကြီးကြီး တစ်လုံး
ဆား - လက်ဖက်ရည်ဇွန်း တစ်၀က်သာသာ
ဆီ - ထမင်းစားဇွန်း လေးဇွန်း
ခရမ်းချဉ်သီး - အလုံးကြီးကြီး နှစ်လုံး
ပြင်ဆင်ပုံ
ငါးသေတ္တာဗူးကို ဖောက်ထားပါ
ကြက်သွန်နီကို အခွံခွာပြီး အလုံးလိုက် ရေဆေးကာ အဖတ်လေးတွေ ရလာအောင် လှီးထားပါ
ခရမ်းချဉ်သီးကို အလုံးလိုက် ရေဆေးပြီး လေးစိတ်စိတ်ထားပါ
ဆီကိုအပူပေးပြီး ကြက်သွန်နီကို နွမ်းအောင်ကြော်ပေးပါ
ကြက်သွန်နီ နွမ်းတာနဲ့ ငါးသေတ္တာနှင့် ဆားတို့ထည့်ပြီး ရေအနည်းငယ်ထည့်ကာ ရေဆူအောင်တည်ပေးပါ
ရေဆူလာတာနဲ့ လှီးထားသော ခရမ်းချဉ်သီးကို ထည့်မွှေပြီး တစ်မိနစ်လောက် တည်ပေးပြီးပါက ငါးသေတ္တာဟင်း ရပါပြီ။
No comments:
Post a Comment