ဒီတစ်ခါတော့ အစပ်မစားတဲ့ ကလေးတွေ အဖေအတွက် ထမင်းပူပူလေးနဲ့ လိုက်ဖက်လွန်းတဲ့ ငါးဆုတ်ကြော်နှပ်လေး ချက်ဖြစ်လို့ မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေလိုက်ပါတယ်ရှင်။
ပါဝင်ပစ္စည်းများ
ငါးဆုတ်ကြော်အတွက် ငါးအရသာနယ်ရန်
ငါးဖယ်ခြစ် - သုံးဆယ့်ငါးကျပ်သား
ဆား - လက်ဖက်ရည်ဇွန်းတစ်ဝက်
ဟင်းချိုမှုန့် - လက်ဖက်ရည်ဇွန်းတစ်ဝက်
နနွင်းမှုန့် - လက်ဖက်ရည်ဇွန်းလေးပုံတစ်ပုံ (အားလုံကိုရောနယ်ပြီး ဇလုံကျယ်ကျယ်ထဲမှာ အချက် ၃၀၀လောက်ပေါက်ပေးပါ)
ငါးဆုတ်ကြော်ရန်
ဆီ - လက်ဖက်ရည်ပန်းကန်လုံး တစ်လုံးခွဲ
ငါးပေါက်ပြီးသားကို အရင်ဆုံး ငါးဆုပ်ပုံစံလေး လုံးပေးပြီးမှ လက်ဝါးပေါ်တင်ကာ တင်ထားသော လက်၏ လက်မလေးဖြင့် ဖိပြားပေးပြီးမှ ဆီပူအိုးထဲသို့ တစ်ခါထဲ တန်းထဲ့ပြီးကြော်ပေးပါ
ကြော်နေစဉ် အကျက်ညီစေရန် ငါးဆုတ်လုံးကို လှည့်ပေးပါ
ငါးဆုတ်တစ်ခုလုံး ရွှေဝါရောင်သန်းပါက ဆယ်ပြီး ဆီစစ်ထားပါ
ငါးဆုတ်ကြော်နှပ်အတွက် ပါ၀င်ပစ္စည်းများ
ငါးဆုတ် - ၁၀ခု
ကြက်သွန်နီ - အနေတော် ၂လုံး
ကြက်သွန်ဖြူ - အမွှာကြီးကြီး ၂မွှာ
ချင်း - လက်တစ်ဆစ်ခန့်
ငံပြာရည် - ထမင်းစားဇွန်း တစ်ဇွန်း
အရသာမှုန့် - လက်ဖက်ရည်ဇွန်း တစ်၀က်
နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ဆီ - ထမင်းစားဇွန်း ဆယ်ဇွန်း
ပြင်ဆင်ချက်ပြုပ်ပုံ
ကြော်ထားသော ငါးဆုတ်ကို အအေးခံပြီး ခပ်ပါးပါး လှီးထားပါ
ကြက်သွန်နီကို အခွံခွာပြီး အလုံးလိုက် ရေစင်အောင်တေးကာ ခပ်ပါးပါး လှီးထားပါ
ကြက်သွန်ဖြူကို အခွံခွာပြီး ရေဆေးကာ ခပ်ပါးပါး လှီးထားပါ
ချင်းကို အခွံခွာပြီး ရေဆေးကာ အမြှောင်းရှည်ရှည်လေးတွေ လှီးထားပါ
အားလုံး အဆင်သင့်ဖြစ်ပါက အောက်ခြေမကပ်သော ဒယ်အိုးကို အပူပေးကာ ဆီကို ထည့်ပေးပါ
ဆီပူလာပါက. နနွင်းမှုန့်ထည့်ပြီး ကြက်သွန်အဖြူ ကြက်သွန်အနီ ချင်းတို့ကို မွှေးသွားအောင် ကြော်ပေးပါ
ပြီးတာနဲ့ လှီးထားသော ငါးဖယ်ငါးဆုတ်နှင့် အရသာမှုန့် ငံပြာရည်တို့ထည့်မွှေပေးပြီး မီးပိတ်ပေးပါ
မွှေးပျံ့သော ငါးဖယ်ကြော်နှပ်လေးကို ထမင်းပူပူလေးနဲ့ သုံးဆောင်ရန် ရပါပြီ။
No comments:
Post a Comment