မနေ့က အေးရှန်းဆိုင်ကို ဈေးသွားဝယ်ရင်း ပလို့ပြောင်းဖူးလေးတွေ တွေ့တာနဲ့ ဝယ်လာပြီး ဒီနေ့တော့ ချဉ်ငံစပ်လေး ထောင်းပါတယ်။
ပြောင်းဖူးက အစိမ့်အရသာဖက်နွယ်သလို စေးထန်းတဲ့ အရသာလဲ ရှိတဲ့အတွက် စားလို့အရမ်း ကောင်းပါတယ် ဒါကြောင့်မို့လို့ မာမာပြင်ဆင်ပြီး ထောင်းထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ပလို့ ပြောင်းဖူး - နှစ်ဖူး
- ချယ်ရီခရမ်းချဉ်သီး - ၅လုံးခန့်
- ပဲတောင့်ရှည် - ၅တောင့်ခန့်
- ကြက်သွန်ဖြူ - ၃မွှာ
- ပုဇွန်ခြောက် - ၁၅ကောင်ခန့်
- ငရုတ်သီး အခြောက်တောင့် - ၅တောင့်ခန့်
- ထန်းလျှက်ခဲ - ခပ်သေးသေး တစ်ခဲ
- ငါးငံပြာရည်အကြည် - ထမင်းစားဇွန်း တစ်ဇွန်း
- ဆား - အနည်းငယ်
- သံပုရာသီး - တစ်ခြမ်း
- ကြက်ဥ -၂လုံး
ပြင်ဆင်ပုံ
- ပြောင်းဖူးကို ကျက်အောင်ပြုပ်ပြီး ဓါးနှင့်လှီးချပေးထားပါ
- ကြက်သွန်ဖြူကို အခြံခြာကာ ရေဆေးထားပါ
- ပဲတောင့်ရှည်ကို ရေဆေးပြီး အနေတော် လှီးထားပါ
- ခရမ်းချဉ်သီးကို ရေဆေးပြီး ထက်၀က်ခြမ်းထားပါ
- ပုဇွန်ခြောက်ကို ရေဆေးထားပါ
- ငရုတ်သီး အခြောက်တောင့်ကို ရေဆေးထားပါ
- ငရုတ်သီးတောင့်ကို အညှာခြွေပြီး ရေဆေးထားပါ
- ကြက်ဥကို ကျက်အောင်ပြုပ်ပြီး အခြံခြာကာ အနေတော် စိတ်ပေးထားပါ
- ကျန်လိုအပ်သော ပစ္စည်းများကို ပြင်ထားပါ
- ငရုတ်ဆုံထဲမှာ အရင်ဆုံး ငရုတ်သီးတောင့်နှင့် ပုဇွန်ခြောက်ကို မညက်တစ်ညက် ရအောင် ထည့်ထောင်းပါ
- ပြီးတာနဲ့ထန်းလျှက်ခဲနှင့် ပဲသီးတို့ကို ခပ်ဖွဖွ ထည့်ထားပါ
- ထောင်းထားတာတွေကို သမအောင် ဇွန်းနဲ့မွှေပေးပြီး ခရမ်းချဉ်သီး ဆား ငံပြာရည်နှင့် သံပုရာရည်တို့ထည့်ကာ ခပ်ဖွဖွထည့်ထောင်းကာ ဇွန်းနှင့်သမအောင် မွှေပေးကာ အရသာမြည်းပြီး လိုသလို ပြင်ပေးပါ
- အရသာပြင်ပြီးတာနဲ့ ပန်းကန်တခုထဲမှာ ပြောင်းဖူးထောင်းကိုထည့်ကာ ကြက်ဥကို ထည့်ပေးပြီး ပြောင်းဖူးထောင်း ချိုချဉ်ငံစပ်လေးကို စားသုံးရန် ပြင်ပေးနိူင်ပါပြီ။
No comments:
Post a Comment