ကြက်သားစင်းကော ချိုချဉ်ကြော်

ထမင်းစားလို့ မိန်စေမဲ့ ကြက်သားချိုချဉ်ကြော်လေး ကြော်ပါတယ် စားမိန်ဟင်းလေးဖြစ်ပြီး ဟင်းတမယ်ထဲနဲ့ ထမင်းမိန်စေတဲ့အတွက် ကြော်စားနိူင်အောင် ချိုချဉ်ကြော်နည်းလေး မျှဝေလိုက်ပါတယ်။

ပါ၀င်ပစ္စည်းများ

1. ကြက်ရင်ပုံသား - 200 g
2. ကြက်သွန်နီ - အနေတော် တစ်ဥ
3. ကြက်သွန်ဖြူ - အမွှာကြီးကြီး သုံးမွှာ
4. မုံလာဥနီ - အနေတော် တစ်ဥ
5. ပဲတောင့်ရှည် - ၃တောင့်
6. ပန်းဂေါ်ဖီ - အနေတော် ၃ခက်
7. ချင်း - အနည်းငယ်
8. ကြက်သွန်မြိတ် - ၃ပင်ခန့်
9. ချိုချဉ်ဆော့စ်ရည် - ၃ဇွန်း
10. ကော်မှုန့် - ထမင်းစားဇွန်း တဇွန်း
11. ဆား - လက်ဖက်ရည်ဇွန်း တဇွန်းသာသာ
12. သကြား - ထမင်းစားဇွန်း ၂ဇွန်း
13. ပဲငံပြာရည်အနောက် - ထမင်းစားဇွန်း တဇွန်း
14. သံပုရာရည် - ထမင်းစားဇွန်း တ၀က်း
15. ဆီ - ထမင်းစားဇွန်း ၅ဇွန်း (ချိုချဉ်ကြော်ရန်)

ချိုချဉ်ဆော့စ်ရည်လုပ်နည်း

1. ခရမ်းချဉ်သီးဆော့စ် - ၃ဇွန်း
2. သကြား -၂ဇွန်း
3. ပဲငံပြာရည် - ၁ဇွန်း
4. သံပုရာရည် - ထမင်းစားဇွန်း ဇွန်းတဝက်
5. ရေ - လက်ဖက်ရည်ပန်းကန်လုံး တလုံးစာ
6. ဆား - အနည်းငယ် (အထက်ပါ ပါဝင်ပစ္စည်း အားလုံးကိုရောပြီး ဆော့စ်ရည်အဖြစ် ကျိုထားပါ)

ပြင်ဆင်ပုံ

• ကြက်သားကို ရေစင်အောင်ဆေးပြီး ခပ်နုတ်နုတ်လေးတွေ စင်းပေးကာ ဆားအနည်းငယ် အချိုမှုန့်အနည်းငယ်တို့နှင့် အရသာ အနည်းငယ် နယ်ထားပေးပါ
• ကြက်သွန်နီကို လေးစိတ်ခွဲပြီး အလွှာတွေရအောင် ခွာထုတ်ထားပါ
• ကြက်သွန်ဖြူကို အခွံခွာပြီး ဓါးပြားရိုက်ထားပါ
• အခြားအသီးအနှံတွေကိုလည်း ရေဆေးကာ အနေတော် လှီးထားပါ
• ချင်းကိုလဲ အခွံခွာကာ အမျှင်လေးတွေရအောင် လှီးထားပါ
• ကြက်သွန်မြိတ်ကို ၁လက္မအရွယ် ပိုင်းဖြတ်ထားပါ
• ဒယ်အိုးတစ်လုံးကို ဆီထည့်ပြီး အပူပေးပါ
• ဆီပူလာလျှင် ချင်းမျှင်လေးတွေကို ဆီသတ်ပြီး စင်းပြီးအရသာ နယ်ထားသော ကြက်သားကို ထည့်ကြော်ပါ
• ကြက်သားအသားများ မာပြီးလျတ်လာပါက ရေအနည်းငယ်ထည့်ပြီး အဖုံးအုပ်ပေးကာ တည်ပေးပါ
• ရေခမ်းပြီး ဆီသံကြားလာပါက အိုးအဖုံးဖွင့်ပေးပြီး အသားများကို သမအောင် မွှေပေးပါ
• ပြီးတာနဲ့ ကြက်သွန်မိတ်မှ လွဲပြီး ကျန်အသီးအရွက်များကို ထည့်ကြော်ပေးပါ
• အသီးအရွက်များ အနည်းငယ် နွမ်းသွားပါက ချိုချဉ်ဆော့စ်ရည် လောင်းထည့်ပြီး အရသာ သမသွားအောင် မွှေပေးပါ
• အရသာမြည်းပြီး လိုသလိုပြင်ကာ ကြက်သွန်မြိတ်ထည့်ပြီး မွှေပေးပါ
• အားလုံးသမသွားပြီ ဆိုတာနဲ့ အရမ်းစားလို့ ကောင်းလွန်းတဲ့ ကြက်သားစင်းကော ချိုချဉ်ကြော်လေး ရပါပြီ။