Tuesday, 17 September 2019

သံပုရာရည် စမုသီ ချိုချဉ်လေး




သံပုရာရည် ချိုချဉ်​အေးအေး ​မွှေးမွှေးလေးကို ရင်ထဲမှာအေးပြီး ခံတွင်းရှင်းရလေအောင် စမုသီလေးလုပ်ကာ ​ဖျော်ဖြစ်တဲ့အတွက် လွယ်ကူမြန်ဆန်လွန်းတဲ့ ဖျော်နည်းလေး မျှဝေလိုက်ပါတယ်။

ရေခဲကိုတော့ ရေခဲခြစ် မရှိတဲ့အတွက် အသီးကြိတ်တဲ့ ဘလင်​ဒါထဲမှာ နည်းနည်းချင်း ထည့်ပြီး ကြိတ်လိုက်ပါတယ်။

ရေခဲကို ညက်​​နေ​အောင်​ ကြိတ်​ပြီးမှ သံပုရာရည်နဲ့​ရောကာ စမုသီလေး ပြင်​ထားတာမို့ လွယ်​ကူမြန်​ဆန်​ပြီး တဖြည်းဖြည်းချင်းနဲ့ တစိမ့်စိမ့် ​သောက်​နိူင်​ပါတယ်​။

ပါဝင်ပစ္စည်းများ


  • သံပုရာသီး - ခပ်ကြီးကြီး တလုံး
  • သကြား - ထမင်းစားဇွန်း တဇွန်း (အချိုကြိုက်​ပါက ပိုထည့်​ပါ)
  • ဆား - လက်ညှိုးနှင့် လက်မအကြား တညှစ်စာ
  • ရေ - 1 cup
  • ရေခဲတုန်း - 1 cup
  • အသီးအရွက်ကြိတ်သော - ဘလင်ဒါ
ပြင်ဆင်ပုံ
  1. သံပုရာသီးကို ရေဆေးပီး ထက်ဝက်ခြမ်းပေးကာ အစေ့များ ဖယ်ပေးပြီး အရည်ညှစ် ပေးထားပါ
  2. သကြား ဆား ရေနှင့် ရေခဲတုန်းတို့ကို ပြင်ထားပါ
  3. အားလုံးအဆင်သင့် ဖြစ်တာနဲ့ ရေခဲတုန်း ရေ ဆားနှင့်​ သကြားတို့ကို ဘလင်ဒါထဲ ထည့်ပေးပါ
  4. ရေခဲများကို နည်းနည်းချင်းထည့်ပြီး ကျေပြီးသမသွားအောင် ကြိတ်ပေးပါ
  5. ပြီးတာနဲ့ ​ကြိတ်တ်​ထား​သော ​ရေခဲကို ဖန်​ခွက်​ထဲ့ကာ သံပုရာရည်​ကို အ​ပေါ်မှ ​လောင်းချ​ပေးပါ
  6.  သန့်ရှင်းလတ်ဆတ်သော သံပုရာရည် စမုသီ ချိုချဉ်​အေးအေး မွှေးမွှေးလေးကို ရွှေရင်အေးမြပြီး ခံတွင်းရှင်းသွားအောင် ​သောက်​သုံးနိူင်ပါပြီ။

No comments:

Post a comment