ရာသီဥတု အရမ်းအေးနေချိန်မှာ ဘာစားချင်မှန်း မသိဖြစ်နေပြီး ဂဏန်းသားလေးတွေ ရှိနေတာနဲ့ ဂဏန်းသားကော်ရည် လုပ်စားဖြစ်ပါတယ်။
တယောက်နဲ့တယောက် အကြိုက်ချင်း မတူနိူင်ကြတဲ့အတွက် အပေါ့အငံ အရသာကိုတော့ မိမိစိတ်ကြိုက် ပြင်ဆင်ပြီး ချက်ပေးနိူင်ပါတယ် ဒါကြောင့်မို့လို့ မာမာပြင်ဆင်တဲ့ ကော်ရည်လုပ်နည်းလေး မျှဝေလိုက်ပါတယ်။
ပါ၀င်ပစ္စည်းများ (ပွဲကြီးနှစ်ပွဲစာ)
- ဂဏန်းအသား - မိမိနှစ်သက်သလောက်
- ကြက်ရင်ပုံ - 150 g
- ခေါက်ဆွဲဖတ် အစို - တရုတ်ဟင်းပြင်ပန်းကန် အလတ် တစ်လုံးစာ
- မှိုမဲ - ၁၀ပွင့်
- မုန်လာဥနီ - အနေတော် တစ်ဥ
- ကြက်ဥ - တစ်လုံး
- ကော်မှုန့် ( corn flour ) - ထမင်းစားဇွန်း ၄ဇွန်းမောက်မောက်
- ရေ - 1 cup (ကော်မှုန့်ဖျော်ရန်)
- ငရုတ်ကောင်းမှုန့် - လက်ဖက်ရည်ဇွန်း တစ်ဇွန်း
- ပဲငံပြာရည်အပျစ် - ထမင်းစားဇွန်း နှစ်ဇွန်း
- ကြက်သွန်ဖြူဆီချက်အဖတ် - ထမင်းစားဇွန်း နှစ်ဇွန်း
- တရုတ်မဆလာ - လက်ဖက်ရည်ဇွန်း တစ်ဇွန်း
- ကြက်သားမှုန့် - လက်ဖက်ရည်ဇွန်း နှစ်ဇွန်း
- ဆား - လက်ဖက်ရည်ဇွန်း နှစ်ဇွန်း
- ရေ - 6 cups (ကြက်သားပြုပ်ရန်)
ပြင်ဆင်ပုံ
- ကြက်သားကို ရေဆေးထားပါ
- ဇောက်နက်သော အိုးထဲမှာ ရေ 6 cups ကိုထည့်ပြီး ပွက်ပွက်ဆူအောင် တည်ပေးပါ
- ပွက်ပွက်ဆူနေသော ရေနွေးထဲမှာ ကြက်သားကို ထည့်ပေးပြီး မီးအားပြင်းပြင်းနှင့် ၈ မိနစ်ခန့် ပြုပ်ပေးပါ
- ပြုပ်ပြီးတာနဲ့ ဆယ်ပြီးအအေးခံကာ အသားများကို အမျှင်လေးများဖြစ်အောင် ထွင်ထားပေးပါ
- ဂဏန်းအသားကို ပြင်ထားပါ
- ကြက်သွန်ဖြူ ဆီချက်ဖတ်ကို ပြင်ထားပါ
- မှိုမည်းကို ရေ၃နာရီလောက် စိမ်ထားပြီး ပါးပါးလှီးထားပါ
- မုံလာဥနီကို မိမိနှစ်သက်သည့်ပုံစံ လှီးပေးထားပါ
- ကြက်ဥကို ခလောက်ထားပါ
- ခေါက်ဆွဲဖတ်ကို ပြင်ထားပါ
- ကော်ရည်အိုးတည်ရန်
- ကြက်ပြုပ်ရည်အိုးကို ပွက်ပွက်ဆူအောင် ပြန်တည်ပေးပါ
- ရေပွက်ပွက် ဆူလာတာနဲ့ အသားထွင်ထားသော ကြက်သားနှင့် ဂဏန်းအသားများကို ထည့်ပေးပါ
- လှီးထားသော မှို မုန်လာဥနီနှင့် ပဲပြားတို့ကို ဟင်းရည်အိုး ဆူဆူထဲ ထည့်ပေးပါ
- တရုတ်မဆလာ ကြက်သားမှုန့်နှင့် ဆားတို့ကို ထည့်ပေးပါ
- ဟင်းရည်အိုး ပြန်ဆူလာတာနဲ့ ခလောက်ထားသော ကြက်ဥကို ဇကာခံပြီး ထည့်ပေးပါ
- ကြက်ဥအမျှင်လေးများ ရလာအောင် ဇကာထဲသို့ လောင်းထည့်နေသည့် အချိန်မှာ ဇကာကို ဝေ့ဝှိုက်ပေးပါ
- ကြက်ဥထည့်ပြီး ဟင်းရည်အိုး ပြန်ဆူလာပါက မီးကိုအလယ်လောက်ထိ လျှော့ပေးပြီးမှ ဖျော်ထားသော ကော်မှုန့်အရည် အနည်ထိုင်နေတာတွေကို ပြန်မွှေပေးပြီးမှ လောင်းထည့်ပေးပါ
- ကော်မှုန့်များ ခဲမသွားစေရန် နှစ်မိနစ်ခန့် အဆက်မပြတ် မွှေပေးပါ
- ပြီးတာနဲ့ ပဲငံပြာရည်အပျစ် ငရုတ်ကောင်းမှုန့် နှင့် ကြက်သွန်ဖြူဆီချက်တို့ကို ထည့်ပြီး ဟင်းရည်အိုးကို အဖုံးဖုံးကာ မီးကိုပိတ်ပေးပါ
- မီးပိတ်ပြီးတာနဲ့ မိမိစားနိူင်သလောက် ခေါက်ဆွဲဖတ်ကို ပန်းကန်လုံးထဲမှာ ထည့်ပေးပြီး ဟင်းရည်ကိုထည့့်ပေးကာ ကော်ရည်ခေါက်ဆွဲ ပူပူလေးကို ပုဇွန်ငါးပိထောင်း ချဉ်ငံစပ်လေးနှင့် တွဲဖက်ကာ သုံးဆောင်နိုင်ပါပြီ။
No comments:
Post a Comment