အသားဟင်းတွေ မစားချင်တဲ့နေ့ဆိုရင် အသီးအရွက်တွေနဲ့ အသားတစ်မျိုးမျိုးကို ရောပြီး အစိမ်းကြော် ကြော်လေ့ရှိပါတယ် အခုခို ချက်စားရတာ ထမင်းစားလို့ ပိုအြပီးကောင်းစေပါတယ် ဒါကြောင့်မို့လို့ စားမြိန်ဟင်းလေး ဖြစ်တဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ကြက်သား - 200 g
- ပဲပြား - တစ်တုံး
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး သုံးမွှာ
- မုံလာဥနီ - အနေတော် တစ်ဥ
- ဂေါ်ဖီ - အနေတော် တစ်စိတ်
- ဘရော့ကိုလီ - အနေတော် ၃ခက်
- ပဲတောင့်ရှည် - ၁၅တောင့်
- ရွှေပဲသီး - ဆယ်တောင့်
- တရုတ်နံနံ - အခက်ကြီးကြီး သုံးခက်
- ဆား - လက်ဖက်ရည်ဇွန်း တစ်ဇွန်း
- သကြား - ထမင်းစားဇွန်း ၂ဇွန်း
- ပဲငံပြာရည်အနောက် - ထမင်းစားဇွန်း တစ်ဇွန်း
- ဆီ - ထမင်းစားဇွန်း ၅ဇွန်း
အရသာစပ်ရန်
- သကြား - ထမင်းစားဇွန်း တစ်ဇွန်း
- ပဲငံပြာရည် အနောက်- ထမင်းစားဇွန်း တစ်ဇွန်း
- ရေ - လက်ဖက်ရည်ပန်းကန်လုံး တစ်လုံးခွဲစာ
- ဆား - လက်ဖက်ရည်ဇွန်း တစ်ဇွန်း (အထက်ပါ ပါဝင်ပစ္စည်း အားလုံးကိုရောပြီး အရသာ အရည်အဖြစ် စပ်ထားပါ)
ပြင်ဆင်ပုံ
- ကြက်သားကို ရေစင်အောင်ဆေးပြီး နုတ်နုတ်စင်း ထားပေးပါ
- ပဲပြားကို ရေဆေးပြီး အနေတော် အတုံးလေးတွေ တုံးထားပါ
- ကြက်သွန်နီကို အခွံခွာပြီး ရေဆေးကာ လေးစိတ်ခွဲပြီး အလွှာတွေရအောင် ခွာထုတ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ပြီး ခပ်သေးသေး လှီးထားပါ
- ဘရော့ကိုလီကို ရေဆေးပြီး အနေတော် အခက်လေးတွေ လှီးထားပါ
- မုံလာဥနီကို အခွံခွာပြီး ရေဆေးကာ အတုံးလေးတွေ လှီးထားပါ
- ဂေါ်ဖီကို ရေစင်အောင်ဆေးပြီး ခပ်ကြမ်းကြမ်း လှီးထားပါ
- ပဲသီးကို အတောင့်လိုက် ရေဆေးကာ အနေတော် လှီးထားပါ
- ရွှေပဲသီးကို အကြောသင်ပြီး ရေဆေးထားပါ
- တရုတ်နံနံကို ရေဆေးပြီး အနေတော် ပိုင်းဖြတ်ထားပါ
- အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီထည့်ပြီး အပူပေးပါ
- ဆီပူလာလျှင် ကြက်သွန်ဖြူကို မွှေးလာရုံလေး ထည့်ကြော်ပေးပါ
- ပြီးတာနဲ့ နုတ်နုတ်စင်းထားတဲ့ ကြက်သားကို အရင်ဆုံး ထည့်ေ ကြာ်ပေးပါ
- ကြက်သားကျက်သွားပါက တရုတ်နံနံနှင့် ရွှေပဲသီးမှလွဲပြီး ကျန်နေသော အသီးအရွက်များနှင့် ကြက်သွန်နီတို့ကို ထည့်မွှေပေးပါ
- အသီးအရွက်များ အနည်းငယ် နွမ်းသွားပါက ပဲပြားနှင့် အရသာ စပ်ထားသော အချိုရည်ကို ထည့်ပေးပါ
- ပြီးတာနဲ့ အရသာ သမသွားအောင် မွှေပေးပါ
- အသီးအရွက်ကြော် ဖြစ်တဲ့အတွက် အရမ်းနွမ်းပြီး အသီးအရွက်များ အရောင်ပြောင်းတဲ့အထိ ကြော်စရာမလိုတဲ့အတွက် ခနဘဲကြော်ပေးပါ
- အသီးအရွက်ကြော်များ အရသာ သမလောက်ပြီ ဆိုတာနဲ့ ရွှေပဲသီးနှင့် တရုတ်နံနံထဲ့ပေးပြီး အရသာမြည်းပြီကား လိုသလို ပြင်ပေးပါ
- မိမိစိတ်ကြိုက် အရသာ ရပြီဆိုတာနဲ့ ပန်းကန်ထဲပြောင်းထဲ့ပေးပါ
- ထမင်းပူပူလေးနဲ့ လိုက်ဖက်လွန်းတဲ့ ကြက်သားစင်းကော ပဲပြားအစိမ်းကြော်ကို စားသုံးရန် ပြင်ပေးနိူင်ပါပြီ။
No comments:
Post a Comment