Monday, 11 November 2019

ငါးပေါင်း ဟင်းထုတ်














ဒီနေ့တော့ အိမ်ကကြက်သွန်မိတ်ပင်တွေ မခူးတာကြာနေပြီး အပင်တွေ အရမ်းသန်နေတာ  တွေ့တာနဲ့ ဘာလုပ်စားရင် ကောင်းမလဲလို့ စဉ်းစားမိချိန်မှာ စိတ်ထဲမှာ ဟင်းထုတ်လေး လုပ်စားချင်စိတ် ပေါ်လာခဲ့ပါတယ်။

ထမင်းမစားချင်တဲ့ အခါမျိုးမှာ အခုလို ဟင်းထုတ်လေးတွေ လုပ်စားရတာလဲ ခံတွင်းလိုက်စေတာပါဘဲ ချိုချဉ်ငံစပ် အရသာ အကုန်ပါတဲ့အတွက် ဟင်းထုတ်တစ်ထုတ်ဆို ဆိုလောက်လောက်ကို အရသာ ရှိလွန်းတဲ့အတွက် ရှမ်းရိုးရာ ဟင်းထုတ်တစ်မျိုးကို အခြေခံကာ မာမာပြင်ဆင်ပြီး ပေါင်းထားတဲ့ ငါးပေါင်း ဟင်းထုတ် ထုတ်နည်းလေးကို မျှဝေလိုက်ပါတယ်ရှင်။


ပါဝင်ပစ္စည်းများ

  1. ကြက်သွန်မိတ်ပင် - 400 g
  2. ဆန်မှုန့် - 100 g
  3. ကောက်ညှင်းမှုန့် - 25 g
  4. ငါး အသားလွှာ - 150 g
  5. ရေ - 150 ml
  6. ဆား - လက်ဖက်ရည်ဇွန်း ၁ဇွန်း
  7. ငရုတ်ကောင်းမှုန့် - လက်ဖက်ရည်ဇွန်း တစ်ဝက်
  8. အရသာမှုန့် - လက်ဖက်ရည်ဇွန်း တစ်ဇွန်း
  9. ချင်း - လက်တစ်ဆစ် သာသာ
  10. ကြက်သွန်ုဖြူ - အမွှာကြီးကြီး ၃မွှာ
  11. ဆီ - ထမင်းစားဇွန်း ၃ဇွန်း (အရသာစပ်ရန်)
  12. ဆီ - ထမင်းစားဇွန်း တစ်ဇွန်း (ငှက်ပျောရွက်ကို သုတ်ရန်)
  13. နံနံပင် - မိမိနှစ်သက်သလောက် (မုန့်ညှင်းပေါင်းနှင့်တွဲစားရန် )
  14. ကြက်သွန်ဖြူဆီချက် - လိုသလောက် (မုန့်ညှင်းပေါင်းနှင့်တွဲစားရန် )
  15. ငရုတ်သီး အကြမ်းမှုန့် ဆီချက် - လိုသလောက် (မုန့်ညှင်းပေါင်းနှင့်တွဲစားရန်)
  16. ငရုတ်သီးတောင့်ကြော် - စားနိူင်သလောက်
  17. ပေါင်းခံဇကာပါသော ပေါင်းအိုး - တစ်လုံး 
  18. ငှက်ပျောရွက် - လိုသလောက် သုံးပေးပါ
ပြင်ဆင်ပုံ
အသုံးပြုမည့်ဖက် ပြင်ဆင်ရန်
  • ငှက်ပျောရွက်ကိုသုံးလျှင် ခန့်မှန်းခြေ အနံ ၈လက်မ အလျှား ၁၀လက်မ လောက် ဖြတ်ထားပေးပြီး ဖက်ရွက်ပျော့သွားအောင် မီးနှင့်အရွက် မထိဘဲ ပူတယ်ဆိုရုံလေး ဖက်ပျော့သွားအောင် မီးအနည်းငယ် ကင်ပေးပါ
  • မုန့်ထုတ်ကာနီးပါက ရေစင်အောင် အ၀တ်စသန့်သန့်နှင့် သုတ်ထားပေးပါ
  • အဝတ်စနှင့် သုတ်ပေးပြီးတာနဲ့ ငှက်ပျောရွက်များကို ဆီနှင့် သုတ်ပေးထားပါ
    ပြင်ဆင်ပုံ

    1. ငါးကိုရေစင်အောင်ဆေးပြီး အရိုးထုတ်ကာ အသားလွှာထားပါ
    2. ကြက်သွန်မိတ်များကို ရေစင်အောင်ဆေးပြီး ရေစစ်ထားပါ
    3. ရေစစ်သွားတာနဲ့ လက်နှစ်ဆစ်ခန့် အနေလေးတွေ လှီးထားပါ
    4. ဆန်မှုန့်နှင့် ပါဝင်ပစ္စည်းများကို ပြင်ထားပါ
    5. ကြက်သွန်ဖြူဆီချက်ကို ချက်ထားပါ
    6. ငရုတ်သီး အကြမ်းမှုန့် ဆီချက်ကို ချက်ထားပါ
    7. နံနံပင်ကို ရေဆေးပြီး ရေဆေးပြီး ရေစစ်ထားပါ
    8. ချင်းကိုအခွံခွာပြီး ရေဆေးကာ ညက်နေအောင် ထောင်းထားပါ
    9. ကြက်သွန်ဖြူကို အခွံခွာပြီး ရေဆေးကာ မညက်တညက် ထောင်းထားပါ
    10. အားလုံးအဆင်သင့် ဖြစ်တာနဲ့ ဇလုံခပ်ကြီးကြီး တစ်လုံးထဲမှာ ဆန်မှုန့်နှင့် ကောက်ညှင်းမှုန့်တို့ကို ထဲ့ပေးပြီး ရေနှင့်ပျော်သွားအောင် ဖျော်ထားပါ
    11. ဆန်မှုန့်များ ပျော်သွားတာနဲ့ နှစ်နာရီခန့် နှပ်ထားပေးပါ
    12. ဆန်နှစ်နှပ်ထားချိန် ပြည့်တာနဲ့ ပါဝင်ပစ္စည်း အားလုံးကို ထည့်ပေးကာ သမအောင် ရောနယ်ပေးပါ
    13. အရသာ သမအောင် နယ်ပြီးတာနဲ့ သန့်စင်ထားသော ငှက်ပျောရွက်ကို နှစ်ထပ်ထပ်ပေးပါ
    14. ထိုငှက်ပျောရွက်ထဲမှာ အရသာနယ်ထားသော မုန့်နှစ်ကို ထမင်းစားဇွန်း သုံးဇွန်းလောက် ထဲ့ပေးပါ
    15. ထိုအပေါ်မှ ငါးအသားလွှာ နှစ်တုံးကို တင်ပေးပါ
    16. ငါးအပေါ်မှ ဆန်နှစ် ထမင်းစားဇွန်း တစ်ဇွန်းကို အုပ်ပြီးတင်ပေးပါ
    17. ပြီးတာနဲ့ ငှက်ပျောရွက်ကို အထဲမှ ဆန်နှစ်များ မထွက်အောင် လုံနေအောင် ထုတ်ပေးပါ
    18. အထုတ်ခပ်ကြီးကြီး သုံးထုတ်စာ ရအောင်ထုတ်ပြီး ပေါင်းခံဇကာထဲမှာ အထုတ်များ ပြည်မထွက်ရအောင် မှောက်ပြီး  ထည့်ပေးပါ
    19. ပေါင်းအိုးအောက်ခံအိုးကို ရေတစ်ဝက်သာသာ ထည့်ပေးကာ ပေါင်းခံခုံ အပေါ်မှာ ဇကာကို တင်ပေးပါ
    20. ပြီးတာနဲ့ အိုးအဖုံးကို အုပ်ပေးကာ ပေါင်းမည့်ခလုတ်ကို နှိပ်ပေးကာ မိနစ်နှစ်ဆယ် ခလုတ်ကို နှိပ်ပေးပါ
    21. ပေါင်းချိန် မိနစ်နှစ်ဆယ် ပြည့်တာနဲ့ အိုးအဖုံးကို မဖွင့်ခင် အိုးထဲမှ လေကုန်အောင် ထုတ်ပေးပြီးမှ အဖုံးကို ဖွင့်ပေးပါ
    22. အိုးအပြင် ထုတ်ပေးပြီးတာနဲ့ ငါးဟင်းပေါင်း မွှေးမွှေးလေးရပါပြီ
    23. အစပ်စားသူတို့အတွက် ငရုတ်သီးကြော် ငရုတ်သီးတောင့်ကြော်တို့နဲ့ ပြင်ပေးပါ
    24. အစပ်မစားပါက ကြက်သွန်ဖြူဆီချက်နှင့် ပြင်ပေးပါ
    25. ဟင်းထုတ်ပူပူလေးကို  နံနံပင် ကြက်သွန်ဖြူဆီချက် ငရုတ်သီးဆီချက်တို့နှင့် တွဲဖက်ကာ မိမိနှစ်သက်သလို သုံးဆောင်နိုင်ပါပြီ။

    No comments:

    Post a Comment