ဒီနေ့တော့ ပုဇွန်တန်ပူရာလေး ကြော်ရအောင်ပါ ပုဇွန်ကို ကြော်လိုက် ချက်လိုက် လှော်လိုက် ပြုပ်လိုက်နဲ့ သံသရာလည်နေတဲ့ ပုဇွန်ဟင်းလျာတွေထဲက တမျိုးပါဘဲ ဒီတခါတော့ အရသာလေးပြောင်းပြီး ကြော်ကြည့်ကြမယ်နော်။
ပါဝင်တာလေးပြောပါမယ်
- အခွံခွာ ခေါင်းဖြုတ်ပြီးကြောမှခွဲကာ အမဲကြောင်းထုတ် အမြှီးချန်ထားသော ပုဇွန်ထုတ် - ၁၀ကောင်
- ကြက်ဥ - တလုံး
- တန်ပူရာမှုန့် ထမင်းစားဇွန်းမောက်မောက် - လေးဇွန်း
- ငရုတ်ကောင်းမှုန့် လက်ဖက်ရည်ဇွန်း - တ၀က်
- ပုဇွန်အရသာနယ်ရန် ဆား လက်ဖက်ရည်ဇွန်း - လေးပုံတပုံ
- ပုဇွန်အရသာနယ်ရန် နနွင်းမှုန့် လက်ဖက်ရည်ဇွန်း - လေးပုံတပုံ
- ပုဇွန်အရသာနယ်ရန် အရသာမှုန့် လက်ဖက်ရည်ဇွန်း - တ၀က်
- ဆီ လက်ဖက်ရည် အကြမ်းပန်းကန် -၂လုံး
- အရသာမှုန့် ကြက်သားမှုန့် မထဲ့လဲရပါတယ်
ပြင်ဆင်ပုံလေးပြောပါမယ်
- ပုဇွန်ကို သန့်စင်ပြီးပါက ဆား အရသာမှုန့် နနွင်းမှုန့်တို့နဲ့နယ်ပေးပါ
- တန်ပူရာမှုန့်ကို ရေ ကြက်ဥ ငရုတ်ကောင်းမှုန့်တို့နဲ့ ခပ်ပြစ်ပြစ်ဖျော်ပေးပါ
- ရေကို ထမင်းပေါင်းအိုး ဆန်ချင်ခွက်နှင့် တ၀က်ကို နည်းနည်းချင်းထဲ့ပြီးဖျော်ပေးပါ
- တန်ပူရာမုန့်နှစ်က ပျစ်နေရပါမယ်
- အားလုံးသမသွားပါက ပုဇွန်ကိုတန်ပူရာ မုန့်အနှစ်ထဲနှစ်ပေးပါ
- ဆီကိုအပူပေးပါ ဆီပူလာတာနဲ့မီးကို အနည်းငယ်လျော့ပြီးမှ တန်ပူရာ မုန့်အနှစ်လူးထားသော ပုဇွန်ကို တကောင်ချင်းထဲ့ပေးပါ
- ကြော်နေစဉ် တဖက်ရွှေဝါရောင်သန်းလာပါက နောက်တဖက်ကို လှန်ပေးပါ
- တကောင်လုံး ရွှေဝါရောင်သန်းလာပါက ဆယ်ပြီးဆီစစ်ပေးပါ
- ဆီစစ်သွားပါက ငရုတ်ကောင်းမှုန့် သင်းသင်းလေးနဲ့တန်ပူရာ ပုဇွန်ကပ်ကြော်လေးကို နှစ်သက်သလို သုံးဆောင်နိုင်ပါပြီ
No comments:
Post a Comment