ဒါကြောင့်မို့လို့ ကောက်ညှင်းပေါင်းကို အုန်းနို့ မွှေးမွှေးစိမ့်စိမ့်လေးနဲ့ စားဖို့ပြင်ဆင်ခဲ့အတွက် မာမာပေါင်း အုန်းနို့ဆမ်းတဲ့ နည်းလေးကို မျှဝေလိုက်ပါတယ်ရှင်။
ပါ၀င်ပစ္စည်းများ
- ကောက်ညှင်းဆန် အဖြူ - လေးဗူး (ထမင်းပေါင်းအိုး ဆန်ချင်ဗူး)
- ရေ - 1200 ml (ကောက်ညှင်းပေါင်းအိုး အောက်ခံအိုးတွင် ထည့်ပေးပါ
- ပြုပ်ပြီးသားပဲလွန်း - မိမိနှစ်သက်သလောက်ထည့်ပါ
- Pressure cooker - တစ်လုံး
- Baking paper - လိုသလောက် ပိုင်းဖြတ်ပေးပါ
အုန်းနို့ကျိုရန်
- အုန်းနို့ - 400 ml တစ်ဗူး
- သကြား - ထမင်းစားဇွန်း ငါးဇွန်း (အချိုကြိုက်ပါက ပိုထည့်ပါ)
- ဆား - လက်ဖက်ရည်ဇွန်း သုံးပုံတစ်ပုံ
- ရေ - ထမင်းပေါင်းအိုး ဆန်ချင်ဗူး သုံးဗူး
- အိုးတစ်လုံးထဲမှာ အုန်းနို့ သကြား ဆားနှင့်ရေတို့ထည့်ကာ ပွက်ပွက်ဆူအောင် တည်ပေးပါ
ပြင်ဆင်ပုံ
- ကောက်ညှင်းဆန်ကို ဇလုံတစ်လုံးထဲမှာ ရေမြုပ်အောင်ထည့်ကာ ၆နာရီခန့် ရေစိမ်ထားပေးပါ
- ရေစိမ်ထားချိန် ပြည့်တာနဲ့ ကောက်ညှင်းဆန်ကို ခပ်ဖွဖွလေး ရေဆေးပေးကာ ရေစစ်ပေးပါ
- ရေစစ်သွားတာနဲ့ အုန်းသီးမှုန့်နှင့် ကောက်ညှင်းဆန် နှစ်မျိုးစလုံးကို ရောထားပေးပါ
- မာမာ အသုံးပြုတဲ့ ပေါင်းခံဇကာက အပေါက်ကြီးတဲ့အတွက် ပေါင်းခံဇကာထဲမှာ baking paper ခံပေးပါ
- ပေါင်းအိုးအောက်ခံအိုးထဲမှာ ရေထည့်ပြီး ပေါင်းခံဇကာကို တင်ပေးပါ
- ထိုပေါင်းခံဇကာ အပေါ်မှာ ပြုပ်ပြီးသား ပဲလွန်းကို ဖြန့်ခင်းပေးပါ
- နောက်တစ်ထပ် ပဲအပေါ်မှ ကောက်ညှင်းဆန်များကို ဖြန့်တင်ပေးပါ
- ပြီးတာနဲ့ ပေါင်းအိုးမှ ပေါင်းမည့်ခလုတ်နှိပ်ပြီး မိနစ်၂၀ ချိန်ပေးကာ ပေါင်းပေးပါ
- ကောက်ညှင်ပေါင်းချိန် ပြည့်တာနဲ့ ပေါင်းအိုးထဲမှ လေကို ကုန်အောင်ထုတ်ပြီးမှ အဖုံးဖွင့်ပေးပါ
- အိုးအဖုံး ဖွင့်ပြီးတာနဲ့ ကောက်ညှင်းပေါင်းကို အထက်အောက် သမသွားအောင် မွှေပေးပြီး အိုးအဖုံး ပြန်ဖုံးပေးကာ ဆယ်မိနစ်လောက် လက်ကျန်အပူရှိန်နဲ့ နှပ်ပေးထားပါ
- ပြီးတာနဲ့ ပန်းကန်လုံးထဲမှာ ကောက်ညှင်း ပဲလွန်းစိမ့်စိမ့်လေးထည့်ပြီး အုန်းနို့ဆမ်းကာ သုံးဆောင်နိူင်ပါပြီ။
No comments:
Post a Comment