ဒါကြောင့်မို့လို့ ဒီတစ်ခါတော့ အရသာလေးလဲ ဆန်းရလေအောင် အကြော်မှုန့် မုန့်နှစ်လေးနဲ့လူးပြီး ကြွတ်ကြွတ်လေး ကြော်ပါတယ် ဒါကြောင့်မို့လို့ မာမာပြင်ဆင်ပြီး ကြော်ဖြစ်တဲ့ ကြက်ကြော် ကြော်နည်းလေးကို မျှဝေပေးလိုက်ပါတယ်။
ပါ၀င်ပစ္စည်းများ
- ကြက်လက်ဖျံသား - ရှစ်ခု
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- အရသာမှုန့် - လက်ဖက်ရည်ဇွန်း တစ်၀က်
- ဆား - လက်ဖက်ရည်ဇွန်း သုံးပုံတစ်ပုံ
- ကြက်သွန်ဖြူ - အမွှာကြီးကြီး လေးမွှာ
- ချင်း - ခပ်ပါးပါး လေးပြား
- အကြော်မှုန့် - ထမင်းပေါင်းအိုး ဆန်ချင်ဗူး တစ်ဗူးစာ
- ရေ - ထမင်းပေါင်းအိုး ဆန်ချင်ဗူး
- ဆီ - လိုသလောက်
ပြင်ဆင်ပုံ
- ကြက်သားကို ရေဆေးပြီး အိုးထဲထည့်ထားပါ
- ချင်းကိုအခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာပြီး ရေဆေးကာ ဒါးပြားရိုက်ထားပါ
- ကြာက်သားကို နနွင်းမှုန့် ဆား အရသာမှုန့်တို့နဲ့ အရသာ၀င်အောင် ဆုတ်ဆုတ်ပြီး နယ်ပေးပါ
- အရသာ နယ်ပြီးပါက ရေမြုပ်အောင်ထည့်ပြီး တည်ပေးပါ
- ရေမခမ်းခင် နောက်ထပ်ရေအနည်းငယ် ထပ်ထည့်ပြီး ရေခမ်းတဲ့အထိ တည်ပေးပါ
- ရေခမ်းသွားပါက မီးပိတ်ပြီး အအေးခံထားပါ
ကြက်ကြော်ကြော်ပုံ
- ဇလုံတစ်လုံးထဲမှာ အကြော်မှုန့် ထည့်ပေးကာ ရေကို နဲနဲချင်း ထည့်ပြီးမွှေပေးပါ
- မုန့်နှစ်ခပ်ပျစ်ပျစ်လေး ရလာရင် ကြော်ဖို့အဆင်သင့် ဖြစ်ပါပြီ
- မုန့်နှစ်ထဲမှာ ပြုပ်ထားသော ကြက်သားတုံးလေးတွေကိုနှစ်ပြီး လူးပေးပါ
- အောက်ချေ မကပ်သော ဒယ်အိုးတစ်လုံးထဲမှာ ဆီကိုခပ်များများထည့်ပြီး အပူပေးပါ
- ဆီပူလာပါက မီးကိုအနေတော်မှာ ထားပေးပြီး ကြက်သားကို အိုးဆန့်သလောက် ထည့်ကြော်ပေးပါ
- ကြက်သားတုံးလေးတွေ တစ်ဖက်ရွှေဝါရောင် သန်းလာရင် နောက်တစ်ဖက် လှန်ပေးပြီး နောက်တစ်ဖက် ရွှေဝါရောင် သန်းလာပါက ဆယ်ပြီး ဆီစစ်ပေးပါ
- ဆီစစ်သွားပါက ကြက်သားကြော် ကြွတ်ကြွတ်မွှေးမွှေးလေးကို စားသုံရန် ပြင်ပေးနိုင်ပါပြီ။
No comments:
Post a Comment