ပါ၀င်ပစ္စည်းများ
- ဘရော့ကိုလီ - အနေတော် တစ်ပွင့်
- တန်ပူရာမှုန့် - ထမင်းပေါင်းအိုး ဆန်ချင်ခွက် တစ်၀က်
- ရေ - ထမင်းပေါင်းအိုး ဆန်ချင်ခွက် တစ်၀က်
- ဆီ - လက်ဖက်ရည် အကြမ်းပန်းကန် နှစ်လုံးစာ
ပြင်ဆင်ပုံ
- တန်ပူရာမှုန့်ကို ရေနဲ့ရောပြီး သမအောင်မွှေကာ ခပ်ပျစ်ပျစ် ဖျော်ထားပါ
- ဘရော့ကိုလီကို အပွင့်လိုက် ရေဆေးပြီး ပုံပါအတိုင်း အခက်လေးတွေ လှီးပေးပါ
- ရေနှင့် ဖျော်ထားသော မုန့်နှစ်ထဲမှာ ဘရော့ကိုလီကိုထည့်ပြီး နယ်ထားပါ
- ဒယ်အိုးထဲမှာ ဆီထည့်ပြီး ဆီကိုမီးအပူပေးပါ
- ဆီပူပြီး ကျက်လာပါက မီးကိုအနေတော် လျှော့ပေးကာ မုန့်နှစ်လူးထားသော ဘရော့ကိုလီကို ဇွန်းနှင့်တခုခြင်းခပ်ကာ ဆီအိုးထဲထည့်ပြီး ကြော်ပေးပါ
- မီးအရမ်း မများစေရန် သတိထားပြီး ကြော်ပေးပါ
- တစ်ဖက်ရွှေဝါရောင် သန်းလာပါက နောက်တစ်ဖက်ကို လှန်ပေးပါ
- နှစ်ဖက်လုံး ရွှေဝါရောင် သန်းလာပါက ဆယ်ပြီးဆီစစ်ပေးပါ
- ဆီစစ်သွားပါက ဘရော့ကိုလီကြော် ကြွတ်ကြွတ်လေးကို အချဉ်ရည်နှင့်တွဲဖက်ပြီး စားနိူင်ပါပြီ။
No comments:
Post a Comment