မာမာဈေးသွားရင်းက မှိုအညို လတ်လတ်ဆတ်ဆတ်လေးတွေ ရလာတာနဲ့ ဝယ်လာခဲ့ပြီး မှိုလုံးကြော်လေး လုပ်စားဖြစ်ပါတယ် ဒါကြောင့်မို့လို့ မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- မှိုအညို အစို - တစ်ဆယ်ငါးပွင့်
- ကြက်သွန်နီ -အနေတော် နှစ်လုံး
- အကြော်မှုန့် - ထမင်းစားဇွန်း နှစ်ဇွန်းမောက်မောက်
- ကြက်ဥ - တစ်လုံး (အရသာယ်ရန်)
- ကြက်ဥ - တစ်လုံး (မှိုလုံးစိမ်ရန်)
- မဆလာ - လက်ဖက်ရည်ဇွန်း တစ်ဝက် (မကြိုက်လျှင် မထည့်ပါနှင့်)
- ဆား - လက်ဖက်ရည်ဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဇွန်း
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
- ခရုဆီ - ထမင်းစားဇွန်း တစ်ဇွန်း
- ပေါင်မုန့်ခြောက်အမှုန့် - လိုသလောက် သုံးပေးပါ
- ဆီ - လိုသလောက် သုံးပေးပါ
ပြင်ဆင်ပုံ
- မှိုကို ရေဆေးပြီး ခပ်နုတ်နုတ်လေးတွေ လှီးထားပါ
- ကြက်သွန်နီကို အခွံခွာပြီး ရေဆေးကာ ခပ်နုတ်နုတ်လေးတွေ လှီးထားပါ
- အားလုံးအဆင်သင့် ဖြစ်တာနဲ့ ပါဝင်ပစ္စည်းများကို ပြင်ထားပါ
ကြော်ရန်ပြင်ဆင်ပုံ
- ဇလုံတစ်လုံးထဲမှာ လှီးထားသောမှို ဆား အရသာမှုန့် ငရုတ်ကောင်းမှုန့် ကြက်ဥ အကြော်မှုန့် မဆလာ ကြက်သွန်နီ မုံလာဥနီ မှိုနှင့် ခရုဆီတို့ထည့်ပြီး သမအောင် မွှေပေးပါ
- ကြက်ဉတစ်လုံးကို ခလောက်ထားပါ
- ပေါင်မုန့်ခြောက် အမှုန့်ကို ပြင်ထားပါ
- မှိုများ အရသာ နယ်ပြီးတာနဲ့ လက်ထဲမှာ ဆုတ်ပြီး လုံးလို့ရသလောက် အနေအထားလေးဘဲ လုံးပေးပါ
- ပြီးတာနဲ့ ကြက်ဉထဲမှာ နှစ်ပေးပါ
- နောက်တစ်ဆင့် ပေါင်မုန့်ခြောက် အမှုန့်ထဲမှာ လှိမ့်ပေးပါ
- ကြော်မှာဖြစ်တဲ့အတွက် ဆီကို ခပ်များများ ထည့်ပေးပြီး အပူပေးပါ
- ဆီပူလာတာနဲ့ မီးကို အနေတော်လောက် လျှော့ပေးပြီးမှ မှိုလုံးလေးတွေကို တစ်လုံးချင်း အိုးဆန့်သလောက် ထည့်ကြော်ပေးပါ
- ကြော်နေစဉ် အကျက်ညီစေရန် မကြာမကြာ လှန်ပေးပါ
- မှိုလုံးကြော်များလုံး ရွှေဝါရောင် သန်းလာပြီ ဆိုရင်တော့ ဆယ်ပြီး ဆီစစ်ပေးပါ
- အထက်ပါ နည်းအတိုင်း မှို အရသာ နယ်ထားကာ လုံးထားတာတွေကို ကုန်တဲ့အထိ ကြော်ပေးပါ
- ကြော်ပြီးလို့ ဆီစစ်သွားတာနဲ့ မှိုကြော်လေးများကို စားသုံးရန် ပြင်ဆင်ပေးနိူင်ပါပြီ။
No comments:
Post a Comment