မုန့်ဖတ်လေးကိုတော့ အလွယ်အမြန်ရအောင် ဆန်ကြာဇံကို ရေစိမ်ပြီးမှ ပေါင်းထားတဲ့အတွက် မာမာပြင်ဆင်ပြီး လုပ်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ဆန်ကြာဇံ - ခြောက်ခွေစာ (စားမဲ့သူများရင် ပိုသုံးပေးပါ)
- ရေ - လိုသလောက် သုံးပေးပါ
- Pressure cooker - တစ်လုံး (သို့မဟုတ်)
- ရေနွေးငွေ့ခံကာ ပေါင်းသော ရိုးရိုး ပေါင်းအိုး - တစ်လုံး
- သကြား - မိမိနှစ်သက်သလောက်
- အုန်းသီးခြစ်ပြီးသား - မိမိနှစ်သက်သလောက်
ပြင်ဆင်ပြုလုပ်ပုံ
- ပြင်ဆင်ပုံ (pressure cooker နှင့်ပေါင်းရန်)
- ဇလုံတစ်လုံးထဲမှာ ကြာဇံကို ရေမြုပ်တဲ့အထိ ထည့်ပေးကာ တစ်ညသိပ် ထားပေးပါ
- ရေစိမ်ပြီးတာနဲ့ ရေများသွန်ပေးကာ ရေစစ်ပေးပါ
- ရေစစ်တာနဲ့ ပေါင်းခံဇကာထဲကို ပုံပါအတိုင်း အထုံးလေးတွေ ထုံးပေးပြီး ဇကာဆန့်သလောက် ထည့်ပေးပါ
- ပေါင်းအိုးအောက်ခံ အိုးထဲကို ရေထည့်ပေးပါ
- ရေထည့်ရာမှာလဲ ဇကာအောက်ခံခုံ ထိတယ်ဆိုရုံလေးဘဲ ထည့်ပေးပါ
- ပြီးတာနဲ့ ကြာဇံအထုံးလေးများ ထည့်ထားတဲ့ ဇကာကို ပေါင်းခံခုံပေါ် တင်ပေးပါ
- ပြီးတာနဲ့ အိုးအဖုံးကို လေလုံအောင် အုပ်ပေးပြီး steam ခလုတ်ကို နှိပ်ပေးကာ ငါးမိနစ်ချိန်ပေးပြီး ပေါင်းပေးပါ
- ငါးမိနစ် ပြည့်တာနဲ့ ပေါင်းအိုးထဲမှ လေကိုကုန်အောင် ထုတ်ပေးပြီးမှ အိုးအဖုံးကို ဖွင့်ပေးကာ မုန့်ဖတ်များကို ထုတ်ပေးပါ
- အထက်ပါ နည်းအတိုင်း ကြာဇံများ ကုန်တဲ့အထိ ပေါင်းပေးပါ
စားသုံးရန် ပြင်ဆင်ပုံ
- မုန့်ဖတ်များကို ပန်းကန်ထဲ ပြောင်းထည့်ကာ သကြားနှင့် အုန်းသီးတို့ဖြူးကာ စားသုံးရန် ပြင်ပေးနိူင်ပါပြီ။
No comments:
Post a Comment