ပုဇွန်ခေါင်းထဲမှ အစာအိတ်များကို ဖယ်ထားပါ
အရင်ဆုံး ခပ်ကြမ်းကြမ်း ထောင်းပေးပါ
ရေအနည်းငယ်နှင့် ကျင်ပေးပါ
အရည်စစ်ထားသော အရည်
အထက်ပါနည်းအတိုင်း ထောင်းလိုက်အရည်ငင်
လိုက် ငါးခါလောက် လုပ်ပေးပါ
မီးဖိုပေါ်မှာ တင်ပေးပြီး ကျိုပေးပါ
အ ည်များ ပြစ်လာတာနဲ့ ဆီနှင့်ဆားတို့ ထည့်ပါ
အခုရက်ထဲ မုန်တိုင်းသတင်းကြားတာနဲ့ စိန်ရောလူပါ ယောက်ယက်တွေခပ်ကာ ရေခဲသေတ္တာထဲက အသားငါးတွေကို ကြော်တန်တာကြော် ပြုပ်တန်တာပြုပ် ပြင်ဆင်ပြီး သကာလ ပုဇွန်ထုတ်တွေထဲက ခေါင်းအသားတွေ ဖယ်ထားတဲ့ အထုတ်တစ်ထုတ် ထွက်လာ ပါသေးတယ်။
ပြစ်လိုက်ရမှာလဲ သမျှောနေတာနဲ့ အပင်ပန်းခံကာ ပုဇွန်ဆီချက်ဖို့ ပြင်ရပါတော့တယ် ဒီတော့လဲ ပုဇွန်ခေါင်းတွေကို ထုလိုက်ထောင်းလိုက် ရေနဲ့ကျင်လိုက် ရေထဲက အနှစ်တွေယူလိုက်နဲ့ ၅ခါလောက် ထောင်းပြီးမှဘဲ ဆီချက်ဖို့ ပြင်ရပါတော့တယ် ဒါကြောင့်မို့လို့ မာမာပြင်ဆင်တဲ့ ပုဇွန်ဆီ ချက်နည်းကို မျှဝေလိုက်ပါတယ်ရှင်။
ပါ၀င်ပစ္စည်းများ
- အခွံမပါသော ပုဇွန်ခေါင်းများ - 500 g
- ဆီ - ငါးကျပ်သား
- ဆား - လက်ဖက်ရည်ဇွှန်း တစ်၀က်
- ရေ - တစ်လီတာ
- နနွင်းမှုန့် - လက်ဖက်ရည်ဇွန်း တစ်ဝက်သာသာ
ပြင်ဆင်ပုံ
- ပုဇွန်ခေါင်းများကို အခြံခြာကာ အထဲမှ အစာအိတ်နှင့် သွားများကို ဖယ်ပေးပါ
- ပုဇွန်အဆီနှင့် အသားအနည်းငယ်ပါသော ပုဇွန်ခေါင်းများကို အရင်ဆုံး ငရုတ်ဆုံထဲ ထည့်ပေးကာ မညက်တစ်ညက် ထောင်းပေးပါ
- ထောင်းထားသော ပုဇွန်ခေါင်းများကို ရေအနည်းငယ်နှင့် အရည်ကျင်ပေးပါ
- အရည်ကျင်ထားသော ပုဇွန်ခေါင်းဖတ်များကို ဇကာစိတ်စိတ်လေးခံကာ လက်အားသန်သန်နှင့် အရည်များကို ညှစ်ချပေးပါ
- အရည်ညှစ်ချထားသော ပုဇွန်ခေါင်းဖတ်များကို နောက်တစ်ခေါက် ညက်နေအောင် ထောင်းပါ
- ထောင်းထားသော ပုဇွန်ခေါင်းကို အရည်အနည်းငယ်နှင့် ပထမ နည်းအတိုင်း အရည်ကျင်ကာ အရည်ညှစ်ပြီး ခေါင်းခွံများကို ထပ်ထောင်းပေးပါ
- အထက်ပါ နည်းအတိုင်း ၅ခါလောက် ထောင်းလိုက် အရည်ကျင်လိုက် လုပ်ပေးပြီးရင် ရပါပြီ
- ပုဇွန်ခေါင်း ထောင်းပြီးသားများကို အရည်ကျင်ရာမှာ အရည်အများကြီး မထည့်ဘဲ ကျင်ပေးပါ
- အရည်အများကြီးထည့်ပြီး အရည်ကျင်ပါက ပုဇွန်ဆီချက်ရာမှာ အချိန်ကြာတတ်ပါတယ်။
- ပုဇွန်ခေါင်းသား 500 g လောက်ဆို ရေတလီတာလောက် သုံးပေးရင် ရပါတယ်
- အားလုံးအဆင်သင့် ဖြစ်ပါက ပုဇွန်ခေါင်းအခွံမှ အသုံးမလိုတော့သော အခွံများကို လွှင့်ပြစ်လိုက်ပါ
- အရည်ကျင်ထားသော ပုဇွန်ခေါင်း ထောင်းထားသော အရည်များကို အိုးတစ်လုံးထဲထည့်ကာ နနွင်းမှုန့်နှင့် ဆားထည့်ပြီး ကျိုပေးပါ
- ပုဇွန်အရည်ကျိုနေစဉ် အိုးမကပ်စေရန်နှင့် ဝေမကျစေရန် မကြာမကြာ မွှေပေးပါ
- ပုဇွန်ရည်များ ပြစ်လာပြီ ဆိုတာနဲ့ ဆီထည့်ပြီး မွှေပေးပါ
- ဆီထည့်ပြီးတာနဲ့ ပုဇြန္ဆီမ်ား ဥလာအောင် မီးအနေတော်လောက် လျှော့ကာ တည်ထားပေးပါ
- ပုဇွန်ဆီများ ပြစ်လာပြီး ဆီဥလာပြီ ဆိုတာနဲ့ ပုဇွန်ဆီ မွှေးမွှေးလေး ရပါပြီ
- ပြီးတာနဲ့ မီးပိတ်ပေးပြီး အေအးခံကာ ရေခဲသေတ္တာထဲ ခဲတဲ့အကန့်ထဲမှာ ထည့်ပေးထားပါ
- ပုဇွန်ဆီ မွှေးမွှေးလေးကို ထမင်းကြော်စားရန်သော်၎င်း ထမင်းပူပူလေးနဲ့သော်၎င်း အသုပ်သုပ်စားရာတွင်၎င်း မိမိနှစ်သက်သလောက်ထည့်ပြီး ကြော်လှော် နယ်ဖတ်ကာ စားသုံးရန် ပြင်ပေးနိူင်ပါပြီ။
