မာမာ ဒီနေ့တော့ ချက်ရတာ အရမ်းမြန်ပြီး ထမင်းပူပူလေးနဲ့လိုက်ဖက်တဲ့ ကြက်ဥ အာလူးအပျော့ကြော်လေး ကြော်ပါတယ်။
အာလူးဆို ဘယ်လိုလုပ်လုပ် နှစ်သက်တာမို့ ဒီကြော်နည်းလေးကလဲ ထမင်းကို မြိန်စေအုံးမှာပါမို့လို့ လွယ်ကူမြန်ဆန်တဲ့ အာလူးအပျော့ ကြော်နည်းလေးကို မျှဝေလိုက်ပါတယ်။
ပါ၀င်ပစ္စည်းများ
- အာလူးကြီးကြီး - ၂လုံး
- နနွင်းမှုန့် - လက်ဖက်ရည်ဇွန်း လေးပုံတပုံ
- ဆား - လက်ဖက်ရည်ဇွန်း တ၀က်
- အချိုမှုန့် - လက်ဖက်ရည်ဇွန်း တ၀က်
- ကြက်သွန်နီ - အနေတော် တခြမ်း
- ကြက်ဥ - တလုံး
- ဆီ - ထမင်းစားဇွန်း ၃ဇွန်း
ပြင်ဆင်ပုံ
- အာလူးကို အခွံခွာပြီး ရှည်ရှည်အမြှောင်းလေးတွေ လှီးကာ ရေဆေးထားပါ
- အာလူးကို ဆား နနွင်း အချိုမှုန့်တို့နှင့် နယ်ထားပါ
- ဆီကိုအပူပေးပြီး ပါးပါးလှီထားသော ကြက်သွနီကို နွမ်းအောင် ကြော်ပေးပါ
- ကြက်သွန်နွမ်းတာနဲ့ အာလူးအရသာနယ်ကို ထည့်ကြော်ပြီး အဖုံးအုပ်ထားပါ
- ၂မိနစ်လောက်နေရင် တခါမွှေပေးပြီး အာလူးပျော့လာအောင် ဆက်ကြော်ပေးပါ
- အာလူးပျော့လာတာနဲ့ ကြက်ဥကို ဖောက်ထည့်ပြီး မွှေပေးပါ
- ကြက်ဥအာလူး သမသွားတာနဲ့ အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးပါ
- ပြီးတာနဲ့ အာလူးအပျော့ကြော် ပူပူလေးနဲ့ ထမင်းပူပူလေးကို တွဲဖက်ကာ စားသုံး နိူင်ပါပြီ။
No comments:
Post a Comment