ဒီနေ့တော့ အနေတော် ဘူးသီးတစ်လုံး ၀ယ်လာကာ သတ်သတ်လွတ် ကြော်ချက်လေး ချက်ဖြစ်ပါတယ် စားမြိန်ဟင်းတမယ်အတွက် မာမာချက်ထားတဲ့ ချက်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ဘူးသီး - ခပ်သေးသေး တစ်လုံးစာ
- ကြက်သွန်နီ - အနေတော်တစ်လုံး
- ကြက်သွန်ဖြူ - အမွှာကြီးကြီး သုံးမွှာ
- နနွင်းမှုန့် - လက်ဖက်ရည်ဇွန်း တစ်၀က်
- ဆား - လက်ဖက်ရည်ဇွန်း နှစ်ဇွန်း
- အချိုမှုန့် - လက်ဖက်ရည်ဇွန်း တစ်ဇွန်း
- ဆီ - ထမင်းစားဇွန်း သုံးဇွန်း
- ငရုတ်ကောင်းမှုန့် - အနည်းငယ်
- ရေ - လိုသလောက်
ပြင်ဆင်ပုံ
- ဘူးသီးကို အခွံခွာပြီး တစ်၀က်ခြမ်း၍ ရေဆေးပေးကာ ခပ်ထူထူ အတုံးလေးတွေ တုံးပေးထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်နုတ်နုတ် လှီးထားပေးပါ
- ကြက်သွန်ဖြူကို အခွံခွာပြီး ဓါးပြားရိုက်ကာ ခပ်နုတ်နုတ် လှီးထားပါ
- အားလုံးအဆင်သင့်ဖြစ်ပါက ကြက်သွန်ဖြူနှင့် ကြက်သွန်နီတို့ကို ညက်နေအောင် ထောင်းထားပါ
- ဇောက်နက်သော အိုးတစ်လုံးထဲမှာ ဆီနှင့် နနွင်းမှုန့်ထည့်ပြီး အပူပေးပါ
- ဆီပူလာတာနဲ့ ကြက်သွန်ထောင်းကို ထည့်ကြော်ပေးပါ
- ကြက်သွန်ထောင်း အနည်းငယ် မွှေးလာတာနဲ့ ဘူးသီးများ ထည့်မွှေပေးပါ
- ပြီးတာနဲ့ ဆား အရသာမှုန့် နှင့် ရေအနည်းငယ်ထည့်ကာ မီးအားအနေတော်ဖွင့်ပြီး လုံးချက်ချက်ပေးပါ
- ဟင်းချက်နေစဉ် အိုးမကပ်စေရန် မကြာမကြာ အိုးကိုလှုပ်ပေးပြီး အထက်အောက် သမအောင် မွှေပေးပါ
- ၁၀မိနစ်ခန့် လုံးချက် ချက်ပေးပြီးပါက ရေထည့်ပြီး အဖုံးအုပ်ကာ ဘူးသီးနူးအောင် တည်ပေးပါ
- ဘူးသီးနူးတာနဲ့ ငရုတ်ကောင်းမှုန့်ထည့်ပေးကာ မီးပိတ်ပြီး အရသာမြည်း၍ လိုသလို ပြင်ပေးကာ စားသုံးရန် ပြင်ဆင်နိူင်ပါပြီ
- ငါးပိထောင်း ချဉ်ငံစပ်လေးနှင့် လိုက်ဖက်လွန်းသော ဘူးသီးကြော်ချက် အရည်သောက်ဆမ်းဟင်းကို နှစ်သက်သလို သုံးဆောင် နိူင်ပါပြီ။
No comments:
Post a Comment