မာမာ ဒီနေ့တော့ ဝါတွင်းကာလ သတ်သတ်လွတ် စားလို့ရလေအောင် ဂေါ်ဖီ နဲ့ပဲပြားကို သတ်သတ်လွတ်လေး ကြော်ပါတယ်။ ကြော်ရတာတော့ အရမ်းမြန်ပြီး စားလို့လဲ အရမ်းကောင်းပါတယ် ဒါကြောင့်မို့လို့ မာမာပြင်ဆင်ပြီး ကြော်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ဂေါ် ဖီ လှီးပြီးသား - ဟင်းပြင်ပန်းကန်အလတ်တစ်လုံံးစာ
- ကြော်ပြီးသား ပဲပြား - ခပ်သေးသေး ငါးတုံး
- ကြက်သွန်နီ - အနေတော် တစ်ဥ
- အရသာမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဝက်သာသာ
- ဆီ - ထမင်းစားဇွန်း လေးဇွန်းခန့်
- နနွင်းမှုန့်. - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ဂေါ်ဖီ ပုံပါအတိုင်း မထူမပါး ခပ်ရှည်ရှည်လေးတွေ လှီးပေးကာ ရေဆေးထားပါ
- ကြော်ပြီးသား ပဲပြားကို မထူမပါးလေးတွေ လှီးထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- လိုအပ်သော ပစ္စည်းများကို ပြင်ထားပါ
- အောက်ခြေမကပ်သော အိုးကိုအပူပေးပြီး ဆီနှင့်နနွင့်မှုန့်ကိုထည့်ပါ
- ဆီပူလာပါက ကြက်သွန်နီကို ထည့်ပြီး မွှေးလာအောင် ကြော်ပေးပါ
- ကြက်သွန်ကြော်နံ့ မွှေးလာတာနဲ့ ဂေါ် ဖီကို ထည့်ပေးကာ ကြော်ပေးပါ
- အားလုံး သမသွားတာနဲ့ ဆားနှင့် အရသာမှုန့် တို့ကိုထည့်ပြီး သုံးမိနစ်လောက် ကြော်ပေးပါ
- အားလုံး အရသာ သမသွားပြီ ဆိုတာနဲ့ ပဲပြားကို ထည့်ကြော်ပေးပါ
- ပြီးတာနဲ့ အရသာမြည်းပြီး မိမိစိတ်ကြိုက် အရသာကို လိုသလို ပြင်ပေးပြီးပါက သတ်သတ်လွတ် ဂေါ် ဖီကြေ် မွှေးမွှေး စိမ့်စိမ့်လေး ရပါပြီ။
No comments:
Post a Comment