ဒီနေ့တော့ ကြက်တောင်ပံလေးတွေကို ဒိန်ချဉ်နဲ့ ချက်စားရင် ကောင်းမလား စိတ်ကူးထဲ ရလာတဲ့အတွက်ကြက်သားနဲ့ ဒိန်ချဉ်ကို ချက်ဖြစ်သွားပါတယ်။
စားလို့အရမ်းကောင်းပြီး ထမင်းပူပူလေးနဲ့ လိုက်ဖက်လွန်းတဲ့အတွက် မာမာပြင်ဆင်ပြီး ချက်ထားတဲ့ ကြက်သားဒိန်ချဉ် ချက်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ကြက်တောင်ပံ - 600 g
- ဟင်းချိုမှုန့် - လက်ဖက်ရည်ဇွန်း တစ်ဝက်န
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆား - လက်ဖက်ရည်ဇွန်း တစ်ဇွန်း
- ငါးငံပြာရည် - ထမင်းစားဇွန်း တစ်ဇွန်း
- ဆီ - ထမင်းစားဇွန်း ခွန်နှစ်ဇွန်း
- ကြက်သွန်ဖြူ - အမွှာကြီးကြီး သုံးမွှာ
- ကြက်သွန်နီ - ခပ်ကြီးကြီး တစ်ဥ
- ချင်း - လက်တစ်ဆစ်ခန့်င
- ရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်းမောက်မောက်အု
- ဒိန်ချဉ် - ထမင်းစားဇွန်း သုံးဇွန်း
ကြက်သားအရသာနယ်ရန်
- ကြက်သားကို ရေဆေးကာ ဇလုံတစ်လုံးထဲမှာ ထည့်ထားပါ
- ငါးငံပြာရည် - ထမင်းစားဇွန်း တစ်ဇွန်း
- ဟင်းချိုမှုန့် - လက်ဖက်ရည်ဇွန်း တစ်ဝက်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဒိန်ချဉ် - ထမင်းစားဇွန်း သုံးဇွန်း
- ဆား - လက်ဖက်ရည်ဇွန်း တစ်ဝက် အားလုံးတို့ကို ကြက်သားထဲထည့်ပြီး အရသာ၀င်အောင် နယ်ထားပါ
လိုအပ်သော ပစ္စည်းများ ပြင်ဆင်ပုံ
- ဆီ - ထမင်းစားဇွန်း ခွန်နှစ်ဇွန်း
- ကြက်သွန်ဖြူ ကို အခွံခွာပြီး ရေဆေးထားပါ
- ကြက်သွန်နီကို အခွံခွာကာ ရေဆေးထားပါ
- ချင်းကို အခွံခွာပြီး ရေဆေးထားပါ
- ကြက်သွန်ဖြူ ကြက်သွန်နီ ချင်းနှင့် ငရုတ်သီး အရောင်တင်မှုန့်တို့ကို ရောပြီး ညက်နေအောင် ထောင်းပေးပါ
ပြင်ဆင်ပုံ
- ကြက်သားနှင့်ချက်ရန် လိုအပ်သော ပစ္စည်းများကို ပြင်ထားပါ
- ဇောက်နက်သော အိုးတစ်လုံးကို အပူပေးပြီး ဆီထည့်ပါ
- ဆီပူလာတာနဲ့ ငရုတ်သီးထောင်းထားတာကို ထည့်မွှေပေးပြီး ဆီသတ်ပေးပါ
- ဆီသတ်နံ့ မွှေးလာတာနဲ့ အရသာ နယ်ထားသော ကြက်သားကိုထည့်ပြီး ဆီသတ်ပေးပါ
- ကြက်သားအသားများ မာကျစ်လာတဲ့ထိ ငါးမိနစ်လောက် ဆီသတ်ပေးပါ
- အသားများ မာလာမှ ရေကိုမြုပ်အောင်ထည့်ပြီး ဆက်တည်ပေးပါ
- ဟင်းအိုးတည်ထားစဉ် အိုးမကပ်စေရန် မကြာမကြာ မွှေမွှေပေးပါ
- ရေအရမ်း မခမ်းခင် ဆီလည်ရေလည် ဖြစ်လာပါက အရသာမြည်းပြီး လိုသလို ပြင်ပေးပါ
- မိမိစိတ်ကြိုက် အရသာ ရလာပါက အရသာ ထူးကဲပြီး ဒိန်ချဉ်နံ့ မွှေးကြိုင်နေတဲ့ ကြက်သားဟင်း မွှေးမွှေးလေးကို စားသုံးနိူင်ပါပြီ။
No comments:
Post a Comment