တစ်ခါတစ်လေလဲ ငါးလေးတွေကို ဒီအတိုင်း ကြော်စားရတာထက်စာရင် အခုလိုလေး အကြော်မှုန့်နဲ့ ငါးပေါင်းကြော်လေး ကြော်စားရတာက ပိုပြီးကောင်းတယ်လို့ ထင်မိပါတယ်။
တန်ပူရာမှုန့်ကို ကိုယ်လိုချင်တဲ့ အနေအထားရအောင် ရေနဲ့ရောစပ်ပြီး ကြော်ထားတာမို့လို့ ကြွတ်ကြွတ်ရွရွ မွှေးမွှေးလေးနဲ့ စားလို့ကောင်းလွန်းတဲ့အတွက် မာမာပြင်ဆင်ပြီး ကြော်ထားတဲ့ ကြော်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ငါးဖြူသေးသေးလေးတွေ - 500 g
- အချိုမှုန့် - လက်ဖက်ရည်ဇွန်း တစ်ဝက်
- ဆား - လက်ဖက်ရည်ဇွန်း တစ်ဝက်
- တန်ပူရာမှုန့် - ထမင်းစားဇွန်း ရှစ်ဇွန်းမောက်မောက်
- Lemon Pepper - လက်ဖက်ရည်ဇွန်း တစ်၀က်သာသာ
- Lemon Pepper မရှိပါက သံပုရာရည် ထမင်းစားဇွန်းတစ်၀က်နဲ့ငရုတ်ကောင်းမှုန့် အနည်းငယ်ကို ရောနယ်ပေးပါ
- ဆီ - လိုသလောက် သုံးပေးပါ
- ရေ - တန်ပူရာ မုန့်နှစ်ခပ်ပျစ်ပျစ်ဖြစ်အောင် ရေကိုနည်းနည်းခြင်း ထည့်မွှေပြီး ခပ်ပျစ်ပျစ် အနေအထား ရအောင်ဖျော်ရန်
ပြင်ဆင်ပုံ
- ငါးများကို ခေါင်းဖြုတ်ပြီး အကြေးခွံနှင့် ဗိုက်ထဲမှ မလိုတာတွေ ဖယ်ပေးပါ
- ပြီးတာနဲ့ ရေခပ်များများ ထည့်ကာ ဆယ်ထပ်လောပ် ဆေးပေးကာ ရေစစ်ပေးပါ
- ရေစစ်သွားပါက ဆား အချိုမှုန့် lemon pepper တို့နဲ့အရသာ၀င်အောင် ခပ်ဖွဖွလေး ဆုတ်ဆုတ်ပြီး နယ်ပေးကာ ဆယ့်ငါး မိနစ်လောက် နှပ်ထားပေးပါ
- တန်ပူရာမှုန့်ကို ရေနှင့် ခပ်ပျစ်ပျစ်ဖျော်ပေးပါ
- ငါးအရသာ နယ်ပြီးနှပ်ပြီးပါက ရေဖျော်ထားသော တန်ပူရာ မုန့်နှစ်ထဲမှာ ငါးလေးတွေကို နည်းနည်းစီယူကာ နယ်ပေးပါ
- အောက်ချေမကပ်သော ဒယ်အိုးခပ်ကြီးကြီး တစ်လုံးကို ဆီထည့်ကာ အပူပေးပါ
- ဆီပူလာပါက တန်ပူရာမုန့်နှစ် လူးထားသောငါးကို တစ်ချပ်စာလေးတွေ အိုးဆန့်သလောက် ထည့်ကြော်ပေးပါ
- တဖက်ရွှေဝါရောင် သန်းလာရင် နောက်တစ်ဖက်လှန်ပေးပြီး နောက်တဖက်ရွှေဝါရောင် သန်းလာပါက ဆယ်ပြီး ဆီစစ်ပေးပါ
- ဆီစစ်သွားပါက ကြွတ်မွပြီး မွှေးနေသော ငါးပေါင်းကြော် မွှေးမွှေးလေးကို စားသုံးရန် ပြင်ပေးနိူင်ပါပြီ။
No comments:
Post a Comment