ပါဝင်ပစ္စည်းများ
- ဝက်သား - မိမိနှစ်သက်သလောက်
- ငရုတ်ပွ အနီရောင် - အနေတော် တစ်ခြမ်း
- ငရုတ်ပွ အစိမ်းရောင် - အနေတော် တစ်ခြမ်း
- နံနံပင် - သုံးပင်ခန့်
- ကြက်သွန်နီ - အနေတော် တစ်ခြမ်း
- ကြက်သွန်ဖြူ - အမွှာကြီးကြီး နှစ်မွှာ
- ဆား - လက်ဖက်ရည်ဇွန်း သုံးပုံနှစ်ပုံ
- အရသာမှုန့် - လက်ဖက်ရည်ဇွန်း တစ်ဝက်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ပဲငံပြာရည်အနောက် - ထမင်းစားဇွန်း တစ်ဇွန်းခွဲ
- ပဲငံပြာရည် အကြည် - ထမင်းစားဇွန်း တစ်ဇွန်း
- ရေ - ထမင်းစားဇွန်း ရှစ်ဇွန်းခန့်
- ဆီ - ထမင်းစားဇွန်း လေးဇွန်း (အစိမ်းကြော်ကြော်ရန်)
- ပြင်ဆင်ပုံ
- ဝက်သားကို အနေတော် အတုံးလေးတွေ တုံးထားပါ
- ပြီးတာနဲ့ ဆား အရသာမှုန့်တို့ကို သင့်တော်သလို ထည့်ပေးကာ နယ်ထားပါ
- ငရုတ်ပွများကို ရေဆေးပြီး ရေဆေးကာ ပုံပါအတိုင်း လှီးထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- နံနံပင်ကို ရေဆေးပြီး အနေတော် ပိုင်းဖြတ်ထားပါ
- ဒယ်အိုးတစ်လုံးထဲမှာ ဆီနှင့် နနွင်းမှုန့်ထည့်ပေးကာ အပူပေးပါ
- ဆီပူလာတာနဲ့ ဝက်သားကို ထည့်ကြော်ပေးကာ အသားများ မာလာပါက ရေမြပ်အောင် ထည့်ပေးကာ ရေခမ်းတဲ့အထိ တည်ပေးပါ
- ဝက်သားကြော်ထားတာ ရေခမ်းလာပါက ငရုတ်ပွများနှင့် ကြက်သွန်ဖြူ ကြက်သွန်နီတို့ကို ထည့်ကြော်ပေးပါ
- ငရုတ်ပွများက အကျက်မြန်တဲ့အတွက် တစ်မိနစ်လောက်ဘဲ ကြော်ကာ အရသာ သမအောင် မွှေပေးပါ
- ပြီးတာနဲ့ ပဲငံပြာရည် အကြည် ပဲငံပြာရည် အနောက် ဆား ရေနှင့် အရသာမှုန့်တို့ကို မိနစ်လောက်ဘဲ ထည့်ကြော်ကာ နံနံပင် အုပ်ပေးကာ မီးပိတ်ပေးပါ
- ပြီးတာနဲ့ အရသာမြည်းကာ မိမိနှစ်သက်တဲ့ အရသာ ရလာအောင် ပြင်ပေးပြီး မီးပိတ်ပေးပါ
- ဝက်သား ငရုတ်ပွကြော်လေးကို ထမင်းပူပူ ဟင်းပူပူလေး တွဲဖက်ပြီး စားသုံရန် ပြင်ပေးနိူင်ပါပြီ။
No comments:
Post a Comment