မာမာ ဒီနေ့တော့ ငါးခေါင်းနဲ့ မျှစ်ပြုပ်ပြီးသားလေးတွေကို အရည်သောက်ဆမ်းလေး ချက်ပါမယ် မျှစ်နဲ့ အသားတစ်ခုခု ရောပြီး ချက်လေတိုင်း အသားက အရသာ နည်းသွားပေမဲ့ မျှစ်ရဲ့ အရသာက အရမ်းရှိတာမို့လို့ မျှစ်ကိုရွေးစားရတာ ပိုကြိုက်ပါတယ်။
စားမဲ့ လူဦးရေ နည်းရင်တော့ ချင့်ချိန်ပြီး ချက်စေချင်ပါတယ် လွယ်ကူတဲ့ ချက်နည်းလေးပေမဲ့ ထမင်းစားလို့ မြိန်စေတဲ့ ဟင်းတစ်မျိုးဖြစ်လို့ မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- မျှစ်ပြုပ်ပြီးသား - 1 kg
- ငါးခေါင်း - နှစ်ခု
- ကြက်သွန်ဖြူ - အမွှာကြီးကြီး ၂မွှာ
- ကြက်သွန်နီ - အနေတော် တစ်လုံး
- ချင်း - ခပ်ပါးပါး ၃ပြားလောက်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ငါးငံပြာရည် - ထမင်းစားဇွန်း ၂ဇွန်း
- အချိုမှုန့် - လက်ဖက်ရည်ဇွန်း တစ်၀က်သာသာ
- ငရုတ်သီးအရောင်တင်မှုန့် - လက်ဖက်ရည်ဇွန်း တစ်ဇွန်း
- ငရုတ်သီးစိမ်း - မိမိနှစ်သက်သလောက်
- ငရုတ်သီး အရောင်တင်မှုန့် - လက်ထက်ရည်ဇွန်း တစ်ဇွန်း
- မျှင်ငါးပိ - အနည်းငယ်
- နံနံပင် - မိမိနှစ်သက်သလောက်
ပြင်ဆင်ပုံ
- ငါးခေါင်းထဲမှ မလိုတာတွေကို ဖယ်ပေးကာ မကျည်းသီးမှည့် ခပ်များများလေးထည့်ကာ အချွဲများ ကုန်လောက်တဲ့အထိ နည်ပေးပါ
- ပြီးတာနဲ့ ရေခပ်များများထည့်ကာ ၇နှစ်ထပ်လောက် ဆေးပေးပါ
- ပြီးတာနဲ့ ဇလုံတစ်လုံးထဲထည့်ပြီး ဆား ငံပြာရည် အချိုမှုန့် နနွင်းမှုန့်တို့ နှင့် အရသာ၀င်အောင် နယ်ထားပါ
- မျှစ်ပြုပ်ပြီးသားကို ရေငါးထပ်လောပ်နဲ့ ဆေးပေးကာ မိမိနှစ်သက်သလို လှီးထားပါ
- ကြက်သွန်ဖြူ ကြက်သွန်နီ ချင်း ငရုတ်သီးမှုန့်တို့ကို ညက်နေအောင် ရောထောင်းပေးထားပါ
- ငရုတ်သီးစိမ်းကို ရေဆေးပြီး ထက်ခြမ်းခွဲထားပါ
- နံနံပင်ကို ရေဆေးပြီး အနေတော် ပိုင်းဖြတ်ထားပါ
- အရည် သောက်ဆမ်းဟင်း အနေအထား ချက်မှာ ဖြစ်တဲ့အတွက် အရင်ဆုံး အိုးထဲမှာ ရေကို ယောက်ချိုဇွန်း လေးဇွန်းလောက် ထည့်ပေးပါ
- ထိုရေထဲမှာ ပုဇွန်ငါးပိ ကြက်သွန်ထောင်း ငရုတ်သီး အရောင်တင်မှုန့် ငရုတ်သီးစိမ်းတို့ ထည့်ကာ ရေပွက်ပွက်ဆူအောင် တည်ပေးပါ
- ရေပွက်ပွက် ဆူလာတာနဲ့ ငါးခေါင်းနဲ့ မျှစ်တို့ထည့်ကာ အိုးအဖုံးအုပ်ပြီး တည်ပေးပါ
- ရေပွက်ပွက် ဆူလာတာနဲ့ အကြာကြီး တည်စရာ မလိုဘဲ ရှစ်မိနစ်လောက် တည်ပေးပြီးတာနဲ့ အရသာမြည်းပြီး မိမိစိတ်ကြိုက် လိုသလို ပြင်ပေးပါ
- အရည်သောက်ဆမ်းဟင်း ဖြစ်တဲ့အတွက် ဟင်းရည်အနေအထားကိုလဲ မိမိစိတ်ကြိုက် အနေအထားလောက် ရလာအောင်လဲ ပြင်ပေးနိူင်ပါတယ်
- ပြီးတာနဲ့ နံနံပင် အုပ်ပေးပြီး မီးပိတ်ကာ ငါးခေါင်း မျှစ် အရည်သောက်ဆမ်းဟင်းကို စားသုံးရန် ပြင်ပေးနိူင်ပါပြီ။
No comments:
Post a Comment