ဒီနေ့တော့ ဝက်သုံးထပ်သားကို ဒယ်အိုးနဲ့ ကင်ကြော်လေး ကြော်ဖြစ်ပါတယ် ထမင်းပူပူလေးနဲ့ဘဲစားစား ဒီအတိုင်းလေးဘဲစားစား အရမ်းကိုမှ စားလို့ကောင်းလွန်းတဲ့ ဝက်အကြွတ်ကြော်ကို မာမာပြင်ဆင်ပြီး ကြော်ဖြစ်တဲ့ ကြော်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ဝက်သုံးထပ်သား - လေးခု
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- အရသာမှုန့် - လက်ဖက်ရည်ဇွန်း တစ်၀က်သာသာ
- ဆား - လက်ဖက်ရည်ဇွန်း တစ်ဇွန်း
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ဝက်သားများကို ရေဆေးပေးကာ အသားများကို နနွင်းမှုန့် ဆား အရသာမှုန့် ငရုတ်ကောင်းမှုန့်တို့နဲ့အရသာ၀င်အောင် ဆုတ်ဆုတ်ပြီး နယ်ပေးပါ
- အရသာ သမအောင် နယ်ပေးကာ တစ်နာရီလောက် နှပ်ထားပေးပါ
- အောက်ချေ မကပ်သော ဒယ်အိုးတစ်လုံးထဲမှာ ဝက်သားကို ရေမြုပ်အောင်ထည့်ပြီး ပြုပ်ပေးပါ
- ပြုပ်ထားသော ရေများခမ်းလာပါက အိုးကိုအဖုံးအုပ်ကာ မီးခပ်မျှင်းမျှင်းနဲ့ တည်ပေးပါ
- ဝက်သားထဲမှ ဆီများထဲ ထွက်လာပြီး အောက်ဖက်အပိုင်းက ကျပ်လာပါက နောက်တစ်ဖက်ကို လှန်ပေးကာ ဆက်တည်ပေးထားပါ
- နောက်တစ်ဖက် ရွှေဝါရောင် သန်းလာပါက နောပ်တစ်ဖက်ကို လှန်ပေးကာ မီးမျှင်းမျှင်းနဲ့ ဆက်တည်ပေးပါ
- ထိုနညါးအတိုင်း သုံးလေးခါလောက် လုပ်ပေးပြီးပါက ဆယ်ပြီး ဆီစစ်ပေးပါ
- ဆီစစ်သွားပါက ဝက်သုံးထပ်သား ကြွတ်ကြွတ်မွှေးမွှေးလေးကို စားသုံရန် ပြင်ပေးနိုင်ပါပြီ။
No comments:
Post a Comment