Saturday 30 May 2020

မုံလာဥ Kimchi



ဒီနေ့တော့ မုံလာဥဖြူ  အကြီးကြီးတွေ ဝယ်လာပြီး ချဉ်ရည်ဟင်း ချက်စားလိုက် သုပ်စားလိုက် ကြော်စားလိုက်နဲ့ မကုန်နိူင်တဲ့အဆုံး kimchi လေး လုပ်မိပြန်ပါတယ် ဒီတော့လဲ ထမင်းပူပူလေးနဲ့ လိုက်ဖက်လွန်းတဲ့ မုံလာဥ kimchi လေးကို အချဉ်တည်မိပြန်ပါတယ်။

ပြင်ဆင်ပုံ အဆင့်ဆင့်ကတော့ အရင်တစ်ခါ မုံညှင်းဖြူနဲ့ လုပ်တဲ့kimchi လုပ်နည်းအတိုင်းပါဘဲ ပါဝင်ပစ္စည်းတွေကလဲ အတူတူပါဘဲ ဒါကြောင့်မို့လို့ မာမာပြင်ဆင်ပြီး လုပ်ထားတဲ့ kimchi လုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. မုံလာဥဖြူ  - တစ်ကီလိုခွဲခန့်
  2. ရေ - 1 cup  (မုံလာဥဖြူ  ဆားရည်စိမ်ရန်)
  3. ဆား - ထမင်းစားဇွန်း ခြောက်ဇွန်း (မုံလာဥဖြူ  ဆားရည်စိမ်ရန်)
  4. ကောက်ညှင်းအစိမ်းမှုန့် - ထမင်းစားဇွန်း နှစ်ဇွန်း
  5. သကြား - ထမင်းစားဇွန်း သုံးဇွန်း (ကောက်ညှင်းမှုန့်ကျိုရန်)
  6. ငရုတ်သီးမှုန့် - 1 cup (မုန့်လုပ်ရာတွင် ချင်တွယ်သောခွက်)
  7. ငါးငံပြာရည် - ထမင်းစားဇွန်း ငါးဇွန်း (ကောက်ညှင်းမှုန့်ကျိုရန်)
  8. ရေ - 1 cup (ကောက်ညှင်းမှုန့်ကျိုရန်) )
  9. သကြား - လက်ဖက်ရည်ဇွန်း တစ်ဇွန်း (ကြက်သွန်ကြိတ်တဲ့အထဲထည့်ရန်)
  10. ဆား - ထမင်းစားဇွန်း တစ်ဇွန်း (ကြက်သွန်ကြိတ်တဲ့အထဲထည့်ရန်)
  11. ချင်း - တစ်လက်မခန့်
  12. ကြက်သွန်ဖြူ  - အမွှာကြီးကြီး ဆယ့်ငါးမွှာ
  13. ကြက်သွန်နီ - အနေတော် တစ်လုံး
  14. မုံလာဥနီ - အနေတော် တစ်ဥ
  15. မုံလာဥဖြူ  - အနေတော် တစ်ဥ (ခြစ်ပြီးထည့်ရန်)
  16. ကြက်သွန်မိတ် - ဆယ်ပင်ခန့်
  17. နှမ်းလှော် - မိမိနှစ်သက်သလောက် 
ပြင်ဆင်ပုံ
  1. မုံလာဥဖြူကို အခွံခွာပြီး ရေဆေးပေးပါ
  2. ထက်ခြမ်းခြမ်းပြီး နောက်ထပ် မထူမပါးလေးတွေ လှီးပေးပါ
  3. ပြီးတာနဲ့ ဇလုံကျယ်ကျယ် တစ်လုံးထဲမှာ လှီးထားသော မုံလာဥဖြူ များ  ရေနှင့် ဆားထည့်ပြီး ဖြူးပြီး အထက်အောက် သမအောင် နယ်ပေးကာ နှစ်နာရီလောက် နှပ်ထားပါ
  4. နာရီဝက် လောက်နေရင် အထက်အောက် သမအောင် လှန်ပေးပြီး နောက်ထပ် နာရီဝက်နေရင် အထက်အောက် တစ်ခါထပ်လှန်ပေးကာ လေးကြိမ်လောက် အထက်အောက် လှန်လှန်ပေးပြီး နှပ်ထားပါ
  5. ဆားရည်နှင့် နှပ်ထားချိန် နှစ်နာရီပြည့်တာနဲ့ ရေများများနှင့် ငါးထပ်လောက် ဆေးပေးပြီး ရေစစ်ထားပါ
  6. ကြက်သွန်မိတ်ကို ရေဆေးပြီး မထူမပါး လှီးပေးထားပါ
  7. မုံလာဥနီ အနေတော် တစ်ဥကို အခွံခွာပြီး ရေဆေးကာ ခပ်ပါးပါး အချောင်းတွေ ရလာအောင် လှီးထားပါ
  8. မုံလာဥဖြူ  အနေတော် တစ်ဥကို အခွံခွာပြီး ရေဆေးကာ ခပ်ပါးပါး အချောင်းလေးတွေ လှီးထားပါ
ကင်မ်ချီအနှစ် ပြုလုပ်ပုံ
  1. အိုးထဲမှာ ရေထည့်ပြီး ကောက်ညှင်းအစိမ်းမှုန့်နှင့် သကြားတို့ကို ထည့်ပေးကာ မီးနွေးနွေးနဲ့ ကျိုပေးပါ
  2. ကောက်ညှင်းမှုန့်များ မပြစ်မကျဲ  အနေအထား ရလာပြီဆိုရင် မီးဖိုပေါ်မှ ဖယ်ပေးပြီး အအေးခံထားပါ
  3. ကြက်သွန်ဖြူကို အခွံခွာပြီး ရေဆေးထားပါ
  4. ကြက်သွန်နီကို အခွံခွာပြီး ရေဆေးကာ လေးစိတ်စိတ်ထားပါ
  5. ချင်းကိုအခွံခွာပြီး ရေဆေးထားပါ
  6. ငရုတ်သီးမှုန့် ငံပြာရည် ကြက်သွန်ဖြူ  ကြက်သွန်နီ ချင်း ကျိုထားသော ကောက်ညှင်းမှုန့်အနှစ် ဆား သကြားနှင့် ငရုတ်သီးမှုန့်တို့ကို အဆင်သင့် ပြင်ထားပါ
  7. ကြိတ်စက်ထဲမှာ ကြက်သွန်ဖြူ  ကြက်သွန်နီ ချင်း အရည်ကျိုထားသော ဆန်နှစ် ငံပြာရည် သကြားနှင့် ငရုတ်သီးမှုန့်တို့ကို ထည့်ပေးပြီး ညက်နေအောင် ကြိတ်ပေးထားပါ
Kimchi ပြုလုပ်ပုံ
  • ဇလုံတစ်လုံးထဲမှာ ကြက်သွန်မိတ် မုံလာဥနီ မုံလာဥဖြူ  နှင့် ကင်မ်ချီအနှစ်တို့ကို သမသွားအောင် ရောနယ်ပေးထားပါ
  • ပြီးတာနဲ့  အနှစ်စပ်ထားသော ဇလုံထဲမှာ ရေဆေးပြီး စစ်ထားသော မုံလာဥဖြူ  များကို ထည့်ပေးပြီး အရသာ သမအောင် နယ်ပေးပါ
  • အရသာ သမသွားပြီ ဆိုတာနဲ့ အချဉ်တည်ထားမည့် ဗူးကို သန့်နေအောင် ရေဆေးပြီး ရေခြောက်အောင် သုတ်ပေးကာ ကင်မ်ချီများကို ထည့်ပေးပါ
  • အခန်းအပူချိန်အတိုင်း နှစ်ရက်လောက် ထားပေးပြီးရင် မုံလာဥ ကင်မ်ချီ မွှေးမွှေးလေးကို မိမိနှစ်သက်သလို ပြင်ဆင်ပြီး နှမ်းလှော်လေး ဖြူးပေးကာ စားသုံးရန် ပြင်ပေးနိူင်ပါပြီ။
မှတ်ချက် ။ ။ ရေ 1 cup =  Zebra ထမင်းစားဇွန်း ၁၄ဇွန်းခန့်နှင့် ညီပါသည်။

No comments:

Post a Comment