Tuesday 12 May 2020

ကြက်ဥ အသီးအရွက်ကြော်





ဒီနေ့တော့ အသားတွေ မစားချင်တာနဲ့ ကြက်ဥကို အရွက်လေးတွေ ရောထည့်ပြီး ခေလာက်ထားကာ ကြော်ထားပါတယ် ထမင်းပူပူလေးနဲ့ လိုက်ဖက်သလို ဒီအတိုင်း စားရင်လဲ ကောင်းလွန်းလို့  မာမာပြင်ဆင်ပြီး ကြော်ထားတဲ့ ကြော်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ
  1. ကြက်ဥ - သုံးလုံး
  2. Kale အရွက် - နှစ်ရွက်ခန့်
  3. ကြက်သွန်မိတ် - နှစ်ပင်
  4. မုံလာဥနီ - အနေတော် တစ်ဥ
  5. ကြက်သွန်နီ - အနေတော် တစ်ဥ
  6. ဆီ - ထမင်းစားဇွန်း လေးဇွန်း
  7. ဆား - လက်ဖက်ရည်ဇွန်း တစ်၀က်သာသာ
  8. အရသာမှုန့် - လက်ဖက်ရည်ဇွန်း တစ်၀က်သာသာ
  9. နနွင်းမှုန့် - လက်ဖက်ရည်ဇွန်း လေးပုံတစ်ပုံ
  10. မကပ်သော ဒယ်အိုး - တစ်လုံး

ပြင်ဆင်ပုံ
  • ကြက်ဥကို ဆား အရသာမှုန့်တို့ထည့်ပြီး ခလောက်ထားပါ
  • မုံလာဥနီကို အခွံခွာပြီး ရေဆေးကာ အမျှင်သေးသေးလေးတွေ ခြစ်ထားပါ 
  • ကြက်သွန်နီကို အခြံခြာကာ အလုံးလိုက်ရေဆေးပြီး ခပ်ပါးပါး လှီးထားပါ
  • Kale အရွက်ကို ရေစင်အောင်ဆေးပြီး ရေစစ်ကာ ခပ်ပါးပါး ရိတ်ရိတ်လေးတွေ လှီးထားပါ
  • ကြက်သွန်မိတ်ကို ရေဆေးပြီး တစ်လက်မလောက် အနေလေးတွေ လှီးထားပါ
  • ကြက်ဥခလောက်ထားသော ပန်းကန်ထဲကို ကြက်သွန်မိတ် မုံလာဥနီ ကြက်သွန်နီနှင့် kale အရွက်များကို ထည့်ပေးပြီး မွှေပေးပါ
  • ဒယ်အိုးကို အပူပေးပြီး ဆီနှင့် နနွင်းမှုန့် အနည်းငယ် ထည့်ပေးပါ
  • ဆီအငွေ့တက်လာပါက မီးအနည်းငယ်လျှော့ပြီး အရသာစုံအောင် ခလောက်ထားသော ကြက်ဥကို ထည့်ကြော်လိုက်ပါ
  • ကြက်ဥမွှေကြော် တစ်ဖက်ကျက်လာပါက နောက်တစ်ဖက်ကို လှန်ပြီးကြော်ပေးပါ
  • ကြက်ဥကြော် နောက်တစ်ဖက် ကျက်လာလျှင် ဟင်းပွဲပြင်ရန် ပန်းကန်ထဲသို့ ပြောင်းထည့်ပေးကာ သုံဆောင်နိုင်ပါပြီ။

No comments:

Post a Comment