Tuesday 28 April 2020

ဝဥခေါက်ဆွဲကြော်


ဒီတစ်ခါတော့ ဝဥခေါက်ဆွဲလေးတွေ ဝယ်လာပြီးသတ်သတ်လွတ်လေး ကြော်စားဖြစ်ပါတယ် စားလို့ကောင်းပြီး အရသာ ကောင်းမွန်တဲ့အတွက် မာမာပြင်ဆင်ပြီး ကြော်ထားတဲ့ ကြော်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ
  1. ဝဥခေါက်ဆွဲ - တစ်ပွဲစာ (လက်တစ်ဆုပ်စာ)
  2. ကြက်သွန်နီ - အနေတော် တစ်လုံး
  3. ကြက်ဥ - တစ်လုံး
  4. မုန်လာဥနီ - အနတော် တစ်ဥ
  5. ပဲတောင့်ရှည် - ငါးတောင့်
  6. ဂေါ်ဖီ - တစ်စိတ်
  7. ရွှေပဲသီး - ဆယ့်ငါးတောင့်
  8. ကြက်သွန်မိတ် - နှစ်ပင်
  9. ငံပြာရည်အကြည် - ထမင်းစားဇွန်း တစ်ဇွန်းခွဲ
  10. ဆား - လက်ဖက်ရည်ဇွန်း တစ်ဝက်
  11. ခရုဆီ - ထမင်းစားဇွန်း တစ်ဇွန်း
  12. အရသာမှုန့် - လက်ဖက်ရည်ဇွန်း တစ်ဇွန်း
  13. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
  14. ပဲငံပြာရည် အနောက် - ထမင်းစားဇွန်း တစ်ဇွန်း
  15. ဆီ - ထမင်းစားဇွန်း - ရှစ်ဇွန်း
  16. နှမ်းဆီ - လက်ဖက်ရည်ဇွန်း တစ်ဝက်
ပြင်ဆင်ပုံ
  • ဝဥခေါက်ဆွဲက်ို ရေမြုပ်အောင်ထည့်ပြီး နာရီ၀က်လောက် ရေစိမ်ထားပါ
  • ကြက်သွန်နီကို အခွံခွာပြီး ရေဆေးကာ ရှစ်စိတ်စိတ်ပြီး အဖတ်လေးတွေ ရလာအောင် ခွာထားပါ 
  • ကြက်သွန်ဖြူ ကို အခွံခွာပြီး ရေဆေးကာ ဓါးပြားရိုက်ထားပါ
  • ရွှေပဲသီးကို အကြောသင်ပြီး ရေဆေးကာ ရေစစ်ထားပါ
  • ဂေါ်ဖီကို ရေဆေးပြီး ခပ်ကြမ်းကြမ်းလှီးကာ ရေစစ်ထားပါ
  • မုံလာဥနီကို အခွံခွာပြီး ရေဆေးကာ မိမိနှစ်သက်သလို လှီးပေးပြီး ရေစစ်ထားပါ
  • ပဲသီးကို ရေဆေးပြီး အနေတော်လှီးကာ ရေစစ်ထားပါ
  • ကြက်သွန်မိတ်ကို ရေဆေးပြီး လက်တစ်ဆစ်ခန့် လှီးထားပါ
  • ဇလုံတစ်လုံးထဲမှာ ကြက်ဥကိုထည့်ပြီး ခလောက်ထားပါ
  • ငရုတ်ကောင်းမှုန့်ကို အဆင်သင့် ပြင်ထားပါ
  • ရေစိမ်ထားသော ဝဥခေါက်ဆွဲ  ပျော့လာပါကဆယ်ပြီး ရေစစ်ထားပါ
  • ဇလုံတစ်လုံးထဲမှာ ဆား အရသာမှုန့် ငံပြာရည်အကြည် ငံပြာရည်အနောက် ခရုဆီနှင့် နှမ်းဆီမွှေးတို့ကို အရသာ သမအောင် စပ်ပေးထားပါ
  • ဒယ်အိုးကို အပူပေးပြီး ဆီကိုထည့်ပါ
  • ဆီပူလာပါက ကြက်သွန်ဖြူ ကို မွှေးသွားအောင် အရင်ဆုံး ကြော်ပေးပါ
  • ကြက်သွန်နံ့ဖ မွှေးလာတာနဲ့ ရွှေပဲသီးနှင့် ကြက်သွန်မိတ်မှလွဲပြီး ကြက်သွန်နီနှင့် အသီးအရွက်များကို တစ်မိနစ်လောက် ထည့်ကြော်ပါ
  • ပြီးတာနဲ့ ခလောက်ထားသော ကြက်ဥကို ထည့်ကြော်ပါ
  • ကြက်ဥကျက်တာနဲ့ ဝဥခေါက်ဆွဲကိုထည့်ပြီး အရသာ စပ်ထားသော အရည်တို့ကိုထည့်ကာ သမအောင် မွှေပေးပါ
  • အသီးအရွက်ကြော်စဉ် ထွက်လာသော အရည်ဖြင့် ဝဥခေါက်ဆွဲများ ပျော့သွားအောင် ခနထားပေးပါ 
  • ဝဥခေါက်ဆွဲများ ပျော့လာပါက အရသာမြည်းကာ မိမိစိတ်ကြိုက် အရသာ ရလာအောင် လိုသလို ပြင်ပေးပါ
  • ပြီးတာနဲ့ရွှေပဲသီး ငရုတ်ကောင်းမှုန့်နှင့် ကြက်သွန်မိတ်ထည့်ပြီး  အရသာနှံ့အောင် မွှေပေးကာ ဝဥခေါက်ဆွဲကြာ်ကို နှစ်သက်သလို စားသုံးနိူင်ပါပြီ။

No comments:

Post a Comment