မာမာဒီနေ့တော့ ရုံးပတေသီးကို ချဉ်ငံစပ်လေး ထောင်းဖြစ်ပါတယ် ဒါကြောင့်မို့လို့ ထမင်းပူပူလေးနဲ့ လိုက်ဖက်ပြီး စားလို့ကောင်းလွန်းတဲ့ ရုံးပတေသီး ထောင်းနည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ရုံးပတေသီး - အတောင့်နှစ်ဆယ်ခန့်
- ဆား - အနည်းငယ် (ထောင်းရန်)
- ဆား - လက်ဘက်ရည်ဇွန်း တဇွန်းသာသာ (အသီးပြုပ်ရန်)
- ကြက်သွန်ဖြူ - အမွှာကြီးကြီး ရှစ်မွှာ
- ကြက်သွန်နီ - အနေတော် တစ်ခြမ်း
- ငရုတ်သီး အလှော်မှုန့် - စားနိူင်သလောက်
- ငရုတ်သီးစိမ်း - စားနိူင်သလောက်
- နံနံပင် - အနေတော် တစ်ပင်
- သံပုရာသီး - တစ်ခြမ်း
- အရသာမှုန့် - လက်ဖက်ရည်ဇွန်း တစ်၀က်သာသာ
ပြုပ်ရန် ပြင်ဆင်ပုံ
- ရုံးပတေသီးကို အတောင့်လိုက် ရေစင်အောင် ဆေးထားပါ
- အိုးတစ်လုံးထဲမှာ ရေခပ်များများ ထဲ့ကာ ရေဆူအောင် တည်ပေးပါ
- ရေဆလာတာနဲ့ ဆား လက်ဖက်ရည်ဇွန်း တဇွန်းသာသာထဲ့ကာ တည်ပေးပါ
- ပြီးတာနဲ့ ရုံးပတေသီးများကိုထဲ့ကာ မိနစ်ဝက်လောက် ပြုပ်ပေးပါ
- ပြုပ်ပြီးတာနဲ့ ရေနွေးများ သွန်ပေးကာ ရေအေးခပ်များများနှင့် ရေမြုပ်အောင်ထည့်ကာ နာရီငါးမိနစ်လောက် စိမ်ထားပါ
- ရေစိမ်ပြီးတာနဲ့ ထိုအရည်များ သွန်ပေးကာ ရေစရေထားပါ
ထောင်းရန် ပြင်ဆင်ပုံ
- ပြုပ်ပြီးသား ရုံးပတေသီးများကို မထူမပါးလေးတွေ နွှင်ထားပါ
- နံနံပင်ကို ရေဆေးပြီး မထူမပါး လှီးထားပါ
- ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
- သံပုရာသီးကို ရေဆေးပြီး ထက်ဝက်ခြမ်းထားပါ
- ကြက်သွန်ဖြူကို အခွံခွာပြီး ရေဆေးထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ထူထူ လှီးထားပါ
- ကျန်သော ပါ၀င်ပစ္စည်းများကို အဆင်သင့် ပြင်ထားပါ
- အားလုံးအဆင်သင့် ဖြစ်တာနဲ့ ငရုတ်ဆုံ ကျယ်ကျယ်ထဲမှာ ငရုတ်သီးစိမ်း ကြက်သွန်နီ ကြက်သွန်ဖြူနှင့် ဆားတို့ကိုထည့်ကာ မညက်တညက်လေး ထောင်းပေးပါ
- ပြီးတာနဲ့ ရုံးပတေသီးများ ငရုတ်သီးမှုန့် အရသာမှုန့် ဆားနှင့် သံပုရာရည်တို့ထည့်ပြီး ခပ်ဖွဖွ ထောင်းပေးပါ
- ရုံးပတေသီး ထောင်းထားတာ အရသာ သမသွားပါက အရသာမြည်းပြီး မိမိစိတ်ကြိုက် လိုသလို ပြင်ပေးကာ ချဥ်ငံစပ် ရုံးပတေသီး ထောင်းလေးကို မိမိနှစ်သက်သလို စားသုံးနိူင်ပါပြီ။
No comments:
Post a Comment