မာမာ ဒီနေ့တော့ အမဲအူကြမ်းလေးတွေ ဝယ်လာပြီး အမဲအူကြမ်းပြုပ်လေး ပြုပ်ဖြစ်ပါတယ် သောက်လို့လဲ အရမ်းကောင်းပါတယ်။
ဒါကြောင့်မို့လို့ မာမာပြင်ဆင်ပြီး အမဲအူကြမ်း ပြုပ်ထားတဲ့ ပြုပ်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- အမဲအူကြမ်း - ကီလိုဝက်
- ချင်း - တစ်လက်မခန့်
- ကြက်သွန်ဖြူ - အမွှာကြီးကြီး ဆယ့်နှစ်မွှာ
- စပါးလင် - နှစ်ပင်
- အချိုမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်းသာသာ
- ငရုတ်ကောင်းမှုန့် - လက်ဖက်ရည်ဇွန်း တစ်၀က်
- သံပုရာသီး - တစ်လုံး (ရေဆေးပြီး လှီးထားပါ)
- နံနံပင် - နှစ်သက်သလောက်(ရေဆေးပြီး လှီးထားပါ)
ပြင်ဆင်ပုံ
- အမဲအူကို ရေစင်အောင် ဆေးထားပါ
- ချင်းကို အခွံခွာပြီး ရေဆေးကာ အတုံးလိုက် ထုထားပါ
- စပါးလင်ကို အပင်လိုက် ရေဆေးကာ အပင်လိုက်ထုံးပြီး ထုထားပါ
- အမဲအူ အတုံးလိုက်ကို နနွင်းမှုန့် ဆား အရသာမှုန့် ချင်းနဲ့ စပါးလင်တို့ ထည့်ကာ အရသာဝင်အောင် နယ်ပေးပါ
- ပြီးတာနဲ့ ရေအနည်းငယ်ထည့်ကာ အဖုံးအုပ်ပြီး ပြုပ်ပေးပါ
- အရင်ဆုံး ထည့်ထားတဲ့ ရေမခမ်းခင် နောက်ထပ်ရေမြုပ်အောင်ထည့်ပြီး ရေခမ်းတဲ့အထိ ထပ်ပြုပ်ပေးပါ
- ရေခမ်းသွားတာနဲ့ အနေတော် အတုံးလေးတွေ တုံးပေးပါ
- ကြက်သွန်ဖြူကို အခွံခွာကာ ရေဆေးပြီး ဓါးပြားရိုက်ထားပါ
- ဇောက်နက်သော အိုးထဲမှာ ရေခပ်များများထည့်ပြီး အမဲအူများထည့်ကာ ပြုပ်ပေးပါ
- ရေပွက်ပွက် ဆူလာတာနဲ့ အရသာအတွက် ဆားနှင့် အရသာမှုန့်ကို သင့်သလို ထပ်ထည့်ပေးကာ ပွက်ပွက် ဆူလာအောင် ပြုပ်ပေးပါ
- ဟင်းရည်အရသာကို မြည်းပြီး မိမိစိတ်ကြိုက် အရသာ ရလာအောင် ပြင်ပေးပြီး ဓါးပြားရိုက်ထားသော ကြက်သွန်ဖြူနှင့် ငရုတ်ကောင်းမှုန့်ထည့်ပေးကာ မီးမျှင်းမျှင်းနှင့် တည်ထားပါ
- ဟင်းရည်သောက်ခါနီး ပူနေပါမှ အရသာရှိပြီး မွှေးရနံ့သင်းပျံ့တဲ့ အမဲအူ အရသာကို ရမှာ ဖြစ်ပါတယ်။
- ဟင်းရည် အဆင်သင့် ဖြစ်တာနဲ့ အမဲအူဟင်းချိုကို နံနံပင်နှင့် သံပုရာရည်ညှစ်ထည့်ကာ မိမိနှစ်သက်တာလေးတွေနဲ့ တွဲဘက်ပြီး သောက်သုံးရန် ပြင်ပေးနိူင်ပါပြီ။
No comments:
Post a Comment