နံနံပင် မြေပဲလှော် ငရုတ်သီးဆီချက် ကြက်သွန်ဖြူ
ဆီချက်
ဒီနေ့တော့ ဟင်းတွေနဲ့ ထမင်းတွေ စားလာရတာ ရိုးအီသလို ဖြစ်လာလေတော့ ပါးစပ်ထဲမှာစိမ့်ပြီး စားလို့အရမ်းကောင်းလွန်းတဲ့ ငါးအာလူး ထမင်းနယ် စိမ့်စိမ့်လေး လုပ်စားဖြစ်ပါတယ် ဒါကြောင့်မို့လို့ မာမာပြင်ဆင်ဖြစ်တဲ့ ငါးထမင်းနယ် နယ်နည်းလေးကို မျှဝေပေးလိုက်ပါတယ်ရှင်။
- အာလူး - အလုံးကြီးကြီး ၃လုံး
- ဘာဆာငါး - ခပ်ကြီးကြီး တစ်ပြား (သို့မဟုတ်) ငါးရံ့  - အနေတော် တစ်ကောင်
- ဆန် - ပေါင်းအိုး ဆန်ချင်ဗူး ၂ဗူး (အပျော့ဆန်ကိုသုံးပါ)
- ကြက်သွန်ဖြူ - အမွှာကြီးကြီး ၁၅မွှာ (ဆီချက်ချက်ရန်)
- ဆား - လက်ဖက်ရည်ဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဇွန်းခွဲ
- ငရုတ်သီးအရောင်တင်မှုန့် - ထမင်းစားဇွန်း နှစ်ဇွန်း
- နနွင်းမှုန့်. - လက်ဖက်ရည်ဇွန်း တစ်ဇွန်းခွဲ (ငါးပြုပ်ရန် ဆီချက်၂မျိုးချက်ရန်)
- ငရုတ်သီး အခြောက်တောင့် - ၁၅တောင့်ခန့်
- မြေပဲကြော် - နှစ်သက်သလောက်
- နံနံပင် - မိမိနှစ်သက်သလောက်
- ငါးငံပြာရည် - လိုသလောက်သုံးပါ
- ဆီ - ဆီချက်၂မျိုးချက်ရန် လိုသလောက် သုံးပါ
- ဆီ - ထမင်းစားဇွန်း သုံးဇွန်း (ငရုတ်သီးအခြောက်တောင့်ကြော်ရန်)
ဆီနီဆီချက်ချက်ရန်
- ငရုတ်သီး အစိမ်းမှုန့် - ထမင်းစားဇွန်း နှစ်ဇွန်း
- ဆီ - ထမင်းပေါင်းအိုး ဆန်ချင်ဗူး နှစ်ဗူးစာ
- နနွင်းမှုန့် - လက်ဖက်ရည်ဇွန်း တစ်ဝက်
- ဒယ်အိုးတစ်လုံးထဲမှာ ဆီနှင့်နနွင်းမှုန့် တို့ကိုထည့်ပြီး အပူပေးပါ
- ဆီပူလာတာနဲ့ ဒယ်အိုးကို မီးဖိုပေါ်မှ ဖယ်ပေးပြီး ငရုတ်သီး အစိမ်းမှုန့်ကို ခပ်မြန်မြန်လေး ထည့်ပေးပါ
- ပြီးတာနဲ့ အကျက်ညီစေရန် ဇွန်းနဲ့ မွှေပေးပါ
- ငရုတ်သီးနံ့လေး သင်းလာတာနဲ့ ပန်းကန်တစ်ခုထဲကို ပြောင်းပြီးထည့်ပေးထားပါ
ကြက်သွန်ဖြူ ဆီချက် ချက်ရန်
- ကြက်သွန်ဖြူ - အမွှာကြီးကြီး ၁၅မွှာ
- ဆီ - ထမင်းပေါင်းအိုး ဆန်ချင်ဗူး နှစ်ဗူး
- နနွင်းမှုန့် - လက်ဖက်ရည်ဇွန်း တစ်ဝက်
- ကြက်သွန်ဖြူကို အခွံခွာပြီး ရေဆေးကာ ငရုတ်ဆုံထဲထည့်ပြီး မညက်တစ်ညက် ထောင်းပေးပါ
- ဒယ်အိုးတစ်လုံးထဲမှာ ဆီနှင့်နနွင်းမှုန့် တို့ကိုထည့်ပြီး အပူပေးပါ
- ဆီပူလာတာနဲ့ မီးကိုအနေတော် လျှော့ပေးပြီးမှ ထောင်းထားသော ကြက်သွန်ဖြူကို ထည့်ပေးပါ
- ပြီးတာနဲ့ အကျက်ညီစေရန် မကြာမကြာ မွှေပေးပါ
- ဆီချက်ဖတ်များ ရွှေဝါရောင်လေး သန်းလာတာနဲ့ ဆယ်ပြီးဆီစစ်ပေးကာ အအေးခံထားပါ
- ဆီချက်ကိုလဲ အအေးခံထားပါ
- နှစ်မျိုးစလုံး အေးသွားပြီ ဆိုရင်တော့ ပန်းကန်တစ်ခုထဲမှာရောပြီး ထည့်ထားပေးပါ
ငါးပြုပ်ရန်
- ငါးကိုရေစင်အောင် ဆေးပေးပါ
- ဇောက်နက်သော အိုးတစ်လုံးထဲမှာ ငါး နနွင်းမှုန့် လက်ဖက်ရည်ဇွန်း တစ်ဝက် ဆား လက်ဖက်ရည်ဇွန်း တစ်ဝက် အရသာမှုန့် လက်ဖက်ရည်ဇွန်း တစ်ဝက်နှင့် ငါးကိုရေမြုပ်အောင်ထည့်ပြီး ပြုပ်ပေးပါ
- ရေခမ်းတာနဲ့ ငါးကိုအအေးခံပြီး ကျေသွားအောင် ချေပြီး လုံးထားပါ
- အရိုးပါတဲ့ ငါးကိုသုံးရင်တော့ အရိုးပါ တစ်ခါထဲထွင်ပြီး လုံးထားပါ
ထမင်းချက်ရန်
- ဆန်ကို ရေနှစ်ထပ်လောက် ဆေးပေးပါ
- ရေဆေးပြီးတာနဲ့ ဆန်နှင့်အတူ ရေကိုပါ ထမင်းပေါင်းအိုးထဲ ထည့်ပေးပြီး ကျက်သွားအောင် တည်ပေးထားပါ
- ထမင်းကျက်သွားတာနဲ့ လက်ဝါးနှစ်ဖက်ထဲ ဆန့်သလောက်ထည့်ပြီး စေးပိုင်နေအောင် လုံးပေးထားပါ
အာလူးပြုပ်ရန်
- အာလူးကို ရေဆေးပြီး ဇောက်နက်သော အိုးထဲမှာ ထည့်ပေးပါ
- ပြီးတာနဲ့ ရေမြုပ်အောင်ထည့်ပြီး အာလူးနူးတဲ့အထိ ပြုပ်ပးပါ
- အာလူးနူးတာနဲ့ ဆယ်ပြီးအအေးခံကာ အခွံခွာပေးပါ
- အာလူးအေးသွားတာနဲ့ စေးပိုင်နေအောင် နယ်ပေးထားပါ
ငရုတ်သီး အခြောက်တောင့် ကြော်ရန်
- ငရုတ်သီး အခြောက်တောင့်များကို အဝတ်စ သန့်သန့်နှင့် ဖုန်များသဲများ စင်သွားအောင် သုတ်ပေးပါ
- အနေတော် ဒယ်အိုးတစ်လုံးထဲမှာ ဆီထည့်ပြီး အပူပေးပါ
- ဆီပူလာတာနဲ့ မီးကိုပိတ်လိုက်ကာ ချက်ချင်းဘဲ ငရုတ်သီး အခြောက်တောင့်များကို ထည့်မွှေပေးပါ
- ငရုတ်သီးကြော်က ကျွမ်းလွယ်တဲ့အတွက် အိုးထဲထည့်ပြီးတာနဲ့ အဆက်မပြတ် မွှေပေးပါ
- ငရုတ်သီးအရောင် ညိုရောင်ရောင်လေး သန်းသွားတာနဲ့ ဆယ်ပြီးဆီစစ်ပေးထားပါ
ငါး အာလူးထမင်းနယ်ရန် ပြင်ဆင်ပုံ
- ပါဝင်သော ပစ္စည်းများကို ပြင်ထားပါ
- မြေပဲလှော်ကို အခွံချွတ်ပြီး သန့်ထားပါ
- နံနံပင်ကို ရေဆေးပြီး သင့်သလို လှီးထားပါ
- ဇလုံကျယ်ကျယ် တစ်လုံးထဲမှာ ထမင်း အာလူး ငါး ဆား ငံပြာရည် အရသာမှုန့်နှင့်ဆီချက်နှစ်မျိုးတို့ကိုသင့်သလိုထည့်ပေးပြီး စေးပိုင်လာအောင် နယ်ပေးပါ
- အားလုံးကိုရောပြီး နယ်ပြီးပါက ကိုယ်နှစ်သက်သလို ငါးအာလူး ထမင်းနယ်ကို ပုံဖေါ်ကာ ထမင်းအပေါ်မှ ကြက်သွန်ဖြူကြော် ငရုတ်သီးဆီချက် နံနံပင်နှင့် မြေပဲတို့ တင်ပေးပြီး မြှိန်ယှက်စွာ စားသုံးနိူင်ပါပြီ။
မှတ်ချက် ။။ အရသာမှုန့်ကို မိမိနှစ်သက်သော အချိုမှုန့် ကြက်သားမှုန့် အသီးအရွက် အရသာမှုန့် အစရှိသည်တို့ကို အစားထိုးပြီး သုံးပေးပါ။
No comments:
Post a Comment