ဘဲပေါင်းဆီချက်လေး လုပ်စားမယ်ဆိုပြီး ဘဲပေါင်လေး ၂ချောင်းကို ပေါင်းဖြစ်ပါတယ် ဘဲပေါင်းပေါင်းရတာ လွယ်ကူပေမဲ့ ပေါင်းချိန်ကြာတဲ့အတွက် အချိန်လေး နည်းနည်းပေးရတာ တခုပါဘဲ စားတဲ့အချိန်မှာတော့ ကောင်းလွန်းတဲ့အတွက် ပင်ပန်းရကျိုးတော့ နပ်မယ်ထင်ပါတယ်။
ပါဝင်ပစ္စည်းများ
- ဘဲပေါင် - ၂ခု
- ဟင်းခတ်မှုန့် - အနည်းငယ်
- ချင်း ခပ်ပါးပါး - ၃ပြားခန့်
- ဆား - လက်ဖက်ရည်ဇွန်း သုံးပုံတပုံ
ပြင်ဆင်ပုံ
- ဘဲအသားတုံးများကို ရေစင်အောင်ဆေးပြီး ဟင်းခတ်မှုန့် အနည်းငယ် ဆားတို့နှင့် နယ်ထားပါ
- ချင်းကို အခွံခွာကာ ရေဆေးပြီး ခပ်ပါးပါးလေးတွေ လှီးပေးထားပါ
- အပူခံနိုင်သော ကြွေပန်းကန်လုံး တခုထဲမှာ အရသာနယ်ထားသော ဘဲသားနှင့် ချင်းတို့ကို ထည့်ပေးပါ
- ဘဲသားပန်းကန် ၀င်ဆန့်နိူင်မည့် ဇောက်နက်သော အိုးထဲမှာ ရေထည့်ပြီး အောက်ခံသံဇကာ အခင်းကို ထည့်ပေးပါ
- ထိုသံဇကာပေါ်မှာ ဘဲသားပန်းကန်ကို တင်ပေးပါ
- ပေါင်းမည့်အိုး အောက်ခြေမှရေများ ပွက်ပွက်ဆူလာစဉ် ဘဲသားပန်းကန်ထဲ မ၀င်စေရန် ဘဲပေါင်းမည့် ပန်ကန်လုံးအောက်မှ သံဇကာခုံလေး မြုပ်ရုံရေထည့်ပေးပါ
- ပြီးလျှင် အိုးကို အဖုံးဖုံးပြီး ဘဲသားနူးအိလာတဲ့အထိ ပေါင်းပေးပါ
- ဘဲသားပေါင်းနေစဉ် တဖက်ပြီး တဖက် လှန်လှန်ပေးပြီး အိုးထဲမှာ ရေမခမ်းအောင် သတိပြုပြီး ထပ်ထပ်ဖြည့်ပေးပါ
- မီးအားပြင်းပြင်းနဲ့ ပေါင်းပါက ၂နာရီလောက် ပေါင်းပေးပါ
- ဘဲသားပေါင်းနေစဉ် အောက်ဖက်မှ ပေါင်းရည်မကြာမကြာ ခမ်းတတ်တဲ့အတွက် သတိထားပြီး ထပ်ထပ် ဖြည့်ပေးပါ
- ဘဲသားစပေါင်းစဉ် ပန်းကန်လုံးထဲမှာ ရေမထည့်ထားသော်လဲ ဘဲပေါင်းစဉ် ထွက်လာတဲ့ အရည်များ ပန်းကန်လုံးထဲမှာ ပြည့်လာပါလိမ့်မယ်
- ထို ဘဲပေါင်းပန်းကန်ထဲမှ ဘဲပေါင်းရည်များကို ဟင်းချိုရည် ပြင်ဆင်ရာမှာ ပြန်သုံးပေးပါ။
No comments:
Post a Comment