ဒီတခါတော့ ကြက်သားကို မဆလာနံ့ သင်းသင်းလေးနဲ့အရသာ တမျိုးပြောင်းကာ မော်လမြိုင် ကြက်ကလယ် ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- ကြက်သား - တကီလို
- ကြက်သွန်နီ - အနေတော် ၄လုံး
- ကြက်သွန်ဖြူ - အမွှာကြီးကြီး ၃ဥ
- ချင်း - လက်တစ်ဆစ်ခန့်
- ငံပြာရည် - ထမင်းစားဇွန်း တဇွန်း
- ဆား - လက်ဖက်ရည်ဇွန်း တ၀က်သာသာ
- အချိုမှုန့် - လက်ဖက်ရည်ဇွန်း တ၀က်သာသာ
- ငရုတ်သီး အလှော်မှုန့် - ထမင်းစားဇွန်း တဇွန်းသာသာ
- မဆလာ - ထမင်းစားဇွန်း တဇွန်းသာသာ
- ဆီ - စားပွဲတင် ဇွန်းကြီး ၂ဇွန်းခွဲ
ပြင်ဆင်ပုံ
- ကြက်သားကို အကောင်လိုက် ရေဆေးကာ သင့်သလို အတုံးလေးများတုံးပြီး အချိုမှုန့် ဆား နနွင်းမှုန့် ငရုတ်သီးအလှော်မှုန့် ငံပြာရည် မဆလာ တို့ဖြင့် ရောနယ်ပါ
- ကြက်သွန်နီ ကြက်သွန်ဖြူ ချင်း တို့ကို အခွံခွာပြီး ရေစင်အောင် ဆေးပြီးမှ ညက်အောင်ထောင်းကာ ကြက်သားနှင့် ရောနယ်ပြီး ၁ နာရီခန့် ရေခဲသေတ္တာထဲမှာ နှပ်ထားပါ
- ဇောက်နက်သော အိုးတလုံးထဲမှာ အရသာ နှပ်ထားသော ကြက်သား ဆီနှင့် ရေအနည်းထည့်ကာ လုံးချက် ချက်ပေးပါ
- ကြက်သား အသားများ မာတင်းလာပါက ရေကို နည်းနည်းချင်းစီ ထည့်ပေးပြီး ကြက်သား နူးတဲ့အထိ တည်ပေးပါ
- ကြက်သား အသားများနူးလာပြီး ဆီမပြန်ခင် အရသာ မြည်းကာ လိုသလိုပြင်ပေးပြီး ဆီပြန်လာတာနဲ့ မီးပိတ်ပေးပြီး သုံးဆောင်ရန် ပြင်နိူင်ပါပြီ။
No comments:
Post a Comment