ပါဝင်ပစ္စည်းများ
- သရက်ချဉ် - အနေတော် တစ်လုံး
- မြေပဲလှော် - ထမင်းစားဇွန်း နှစ်ဇွန်း
- ကြက်သွန်နီ - အနေတော် တစ်လုံး
- ပဲအကျက်မှုန့် - ထမင်းစားဇွန်း တစ်ဇွန်းမောက်မောက်
- ပုဇွန်ခြောက်မှုန့် - ထမင်းစားဇွန်း တစ်ဇွန်းမောက်မောက်
- ငရုတ်သီးအလှော်မှုန့် - လက်ဖက်ရည်ဇွန်း တစ်ဇွန်းမောက်မောက်
- ကြက်သားမှုန့် - လက်ဖက်ရည်ဇွန်း တစ်ဝက်
- ကြက်သွန်ဖြူဆီချက် - ထမင်းစားဇွန်း တစ်ဇွန်းခွဲ
- ငါးငံပြာရည် လက်ဖက်ရည်ဇွန်း တစ်ဇွန်း
ပြင်ဆင်ပုံ
- သရက်ချဉ်ကို ထက်ခြမ်းခြမ်းပြီး ခပ်ရှည်ရှည် အမြှောင်းလေးများ ရအောင်လှီးပေးပါ
- မြေပဲလှော်ကို အခွံခွာများခွာပြီး သန့်စင်ပေးကာ မညက်တစ်ညက် ထောင်းပေးပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- သရက်ချဉ်နှင့်အတူ ပါဝင်ပစ္စည်းများကို ဇလုံကျယ်ကျယ် တစ်လုံးထဲမှာထည့်ပြီး ခပ်ဖွဖွ နယ်ပေးပါ
- သရက်ချဉ်က အငံပါပြီးသားမို့လို့ ငါးငံပြာရည်ကို နည်းနည်းဘဲထည့်ပြီး နယ်ပေးပါ
- အရသာ နယ်ပြီးပါက သရက်ချဉ်သုပ်ကို အရသာ မြည်းပေးကာ မိမိနှစ်သက်တဲ့ အရသာ ရလာအောင် ပြင်ပေးပါ
- ပြီးတာနဲ့ ချဉ်ငံစပ် သရက်ချဉ်သုပ်ကို စားသုံးရန် ပြင်ပေးကာ နှစ်သက်သလို သုံးဆောင်နိူင်ပါပြီ။
No comments:
Post a Comment