ပါဝင်ပစ္စည်းများ
- ရှမ်းဆန် - နှစ်ဗူး (ရှမ်းဆန်မရှိပါက ဆူရှီဆန်ကို သုံးလို့ရပါတယ်)
- ငါးခူ - နှစ်ဆယ့်ငါးကျပ်သား
- ခရမ်းချဉ်သီး - နှစ်ဆယ့်ငါးကျပ်သား
- အာလူး - နှစ်ဆယ်ကျပ်သား
- ရှမ်းပဲပုတ်ပြား - ရှစ်ချပ်
- ဆား - လိုသလောက်
- အရသာမှုန့် - လိုသလောက်
- နနွင်းမှုန့် - အနည်းငယ်
တွဲဖက်စားရန်
- နံနံပင် (ရေဆေးထားပါ)
- ငရုတ်သီး အခြောက်တောင့်ကြော်
- မြေပဲကြော်
- ဂျူးမြှစ် (ရေဆေးထားပါ)
ပြုလုပ်ပုံ
- ပထမဦးဆုံး ထမင်းကို မပျော့ မမာစေဘဲ အနေတော် ချက်ထားပေးပါ
- ငါးကို မလိုတာတွေ ဖယ်ပေးပြီး ရေစင်အောင်ဆေးကာ နနွင်းမှုန့် ဆားနှင့် အရသာမှုန့်တို့ သင့်သလိုထည့်ကာ အရသာဝင်အောင် နယ်ပေးပါ
- ပြီးတာနဲ့ ရေအနည်းငယ်ထည့်ပြီး ရေခမ်းအောင် ပြုပ်ပေးပါ
- ငါးပြုပ်ကို အအေးခံပြီး အရိုးမပါအောင် နွှင်ထားပါ
- အာလူးကို နူးအောင်ပြုပ် အခွံခွာကာ ပါးပါးလှီးပြီး ညက်နေအောင် ထောင်းထားပေးပါ
- ရမ်းချဉ်သီးကို နနွင်းမှုန့် အနည်းငယ်ထည့်ကာ ရေအနည်းငယ်ဖြင့် ပြုပ်ပေးပြီး အနှစ်ဖြစ်အောင် ဇကာဖြင့် တိုက်ထားပါ
- ရှမ်းပဲပုတ်ပြားကို မီးအေးအေးဖြင့် မီးကင်ပြီး ကြေနေအောင် ထောင်းထားပါ
- အားလုံးပြီးပြီ ဆိုတာနဲ့ ဇလုံတစ်ခုထဲမှာ ပြင်ဆင်ထားတဲ့ ပါဝင်ပစ္စည်တွေကို အကုန်ရောထည့်ကာ ဆားနှင့် အရသာမှုန့်တို့ထည့်ပြီး သမအောင် နယ်ပေးပါ
- အရသာ နယ်ပြီးတာနဲ့ အပေါ့အငန်ကိုတော့ မြည်းပေးကာ မိမိစိတ်ကြိုက် အရသာ ရလာအောင် ပြင်ပေးပါ
- အရသာ ပြင်ပြီးတာနဲ့ အရသာ အရမ်းကောင်းတဲ့ ငါးထမင်းနယ်ကို ရပါပြီ
- ငါးထမင်းနယ်ကို ပန်းကန်ပြားထဲမှာ ထည့်ပေးပြီး မြေပဲကြော် ငရုတ်သီးကြော် နံနံပင်နဲ့ ဂျူးမြှစ်တို့ထည့်ပြီး စားသုံးလို့ ရပါပြီ။
No comments:
Post a Comment