မာမာ ဒီနေ့တော့ သံပုယိုသီးသနပ်လေး လုပ်ဖြစ်ပါတယ် သတ်သတ်လွတ် စားတဲ့ရက်တွေမှာ တော်တော်လေး အသုံးတည့်တဲ့ သီးစုံသနပ်လေးမို့ စိတ်၀င်စားရင် လုပ်ကြည့်နိူင်အောင် မာမာပြင်ဆင်တဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- သံပုယိုသီး - ၇လုံး
- ဆား - ထမင်းစားဇွန်း လေဇွန်းခန့်
- ဆီ - 500 ml
- ဇီယာစေ့(Cumin Seeds ) - လက်ဖက်ရည်ဇွန်း တဇွန်းမောက်မောက်
- လေးညှင်း(Clove ) - ငါးပွင့်
- ဖာလာ(Cardamom ) - ငါးစေ့
- ကြက်သွန်ဖြူ - အမွှာကြီးကြီး ဆယ်မွှာ
- နနွင်းမှုန့် - လက်ဖက်ရည်ဇွန်း တစ်ဝက်
- ငရုတ်သီးအရောင်တင်မှုန့် - ထမင်းစားဇွန်း နှစ်ဇွန်းခွဲ
သံပုယိုသီး ဆားရည်စိမ်ရန်
- သံပုယိုသီးကို အလုံးလိုက် ရေဆေးပြီး ရေစင်အောင်သုပ်ကာ အောက်ခြေမပြတ်အောင် ၄စိတ်လှီးပေးပါ
- စိတ်ထားသော အစိတ်ထဲသို့ ဆား လက်ဖက်ရည်ဇွန်း တဇွန်း ကျော်ကျော် သိပ်ပေးပါ
- အားလုံးပြီးလျှင် လေလုံပြီး သန့်နေသော ပုလင်းထဲ သံပုယိုသီး အစိတ်များကို အပေါ်မှာထားပြီး စီထည့်ပေးပါ
- အဖုံးကို လေလုံအောင်ပိတ်ပြီး အခန်းအပူချိန်နှင့် အနည်းဆုံး ၅ရက်၆ရက်လောက် ထားပေးပါ
- ရေထည့်စရာမလိုဘဲ ဆားရည်များပျော်ပြီး အရည်များထွက်လာပြီး သံပုယိုသီးများ အိလာရင် ရပါပြီ
ပြင်ဆင်ပုံ
- ဆားရည်ပျော်ကာ အိလာသော သံပုယိုသီးကို အရည်စစ်ကာ ဆယ်ထားပြီး ဇလုံအနေတော်မှာ စီပြီးထည့်ထားပါကြ
- ကြက်သွန်ဖြူကို အခွံခွာကာ ရေဆေးထားပါ
- စမုံစပါးကို အနည်းငယ်ချန်ကာ မီးအနေတော်နှင့် မိနစ်၀က်လောက် လှော်ထားပြီး ညက်အောင်ထောင်းထားပါ
- ဖာလာစေ့ကို အခွံချွတ်ထားပါ
- အားလုံးအဆင်သင့်ဖြစ်ပါက သံပုယိုသီး ဇလုံထဲကို ကြက်သွန်ဖြူ ဖာလာစေ့ စမုံစပါးထောင်းတို့ထည့်ပြီး ပြင်ထားပါ
- ဆီကို မီးအနေတော်နှင့် အပူပေးပါ
- ဆီပူလာပါက စမုံစပါးစေ့ကိုထည့်ကာ အချိန်မကြာစေဘဲ နနွင့်မှုန့်ကို ဆက်ထည့်ပြီး မီးဖိုပေါ်က ချပေးပါ
- တမိနစ်လောက် အအေးခံပြီး ငရုတ်သီးမှုန့်ထဲ့ကာ မွှေပေးပါ
- ဆီမအေးခင် သံပုယိုသီး ထည့်ထားသော ဇလုံထဲ လောင်းချပေးပါ
- အားလုံးပြီးပါက လေလုံပြီးသန့်သော ပုလင်းထဲထည့်ပြီးထားကာ စားသုံးနိူင်ပါပြီ
- ဆီမြုပ်အောင်ထည့်ပြီး ရေခဲသေတ္တာထဲ ထည့်ထားပါက နှစ်ပေါက်အောင် ထားပြီးစားလို့ရပါတယ်
- ကုလားလေး သနပ်မဆလာရှိပါက စမုံစပါး လေးညှင်း ဖာလာစေ့တို့ ထည့်စရာမလိုဘဲ မဆလာ တမျိုးထဲ သုံးနိူင်ပါတယ်။
မှတ်ချက် ။ ။ သံပုယိုသီး ဆားရည်စိမ်စဉ် ထွက်လာသော အရည်များကို အခါးမနှစ်သက်သောသူများ ပြန်သုံးရန် မလိုပါ မာမာလဲ ပြန်မသုံးပါဘူးရှင်။
No comments:
Post a Comment