ဒီနေ့တော့ ကြက်သားပြုပ်ကြော် အိအိလေးချက်ကာ အိုးကပ်ဆီ မွှေးမွှေးလေးနဲ့ ထမင်းပူပူလေးကို နယ်စားလို့ ရနိူင်အောင် အလွယ်တစ်ကူ ချက်နည်းလေး မျှဝေပေးလိုက်ပါတယ်ရှင်။
ပါဝင်ပစ္စည်းများ
ပါဝင်ပစ္စည်းများ
- ကြက်တောင်ပံ - လေးဆယ်သား
- ချင်း - ခပ်ပါးပါး ငါးပြား
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ခနော ကြက်သားမှုန့် - လက်ဖက်ရည်ဇွန်း တစ်ဇွန်း
- ဆား - အနည်းငယ်
- ဆီ - ထမင်းစားဇွန်း ဆယ်ဇွန်း
ပြင်ဆင်ချက်ပြုပ်ပုံ
- ကြက်သားကို ရေဆေးပြီး အနေတော်တုံးကာ ဆား ကြက်သားမှုန့် နနွင်းမှုန့် တို့နှင့် နယ်ပြီး ဆယ့်ငါးမိနစ်လောက် နှပ်ထားပါ
- ဇောက်နက်သော အနေတော် အိုးထဲမှာ ကြက်သားနှင့် ချင်းပြားကိုထည့်ပေးကာ ရေအနည်းငယ်ထည့်ပြီး ပြုပ်ပေးပါ
- အပေါ်ယံအသား နည်းနည်းမာလာတာနဲ့ အထက်အောက် သမအောင် လှန်ပေးပြီး ရေမြုပ်အောင်ထည့်ကာ ပြုပ်ပါ
- ပြုပ်နေသောရေ မခမ်းခင်လေးမှာ ဆီထည့်ပြီး မွှေပေးကာ မီးလျှေ့ာပြီး ဆက်တည်ပေးပါ
- ကြက်သားအိုးထဲမှာ ရေခမ်းပြီး ဆီကျွတ်ကျွတ် မြည်လာပါက အထက်အောက် သမအောင် မွှေပေးပြီး မီးပိတ်ပေးပါ
- ကြက်သားပြုပ်ကြော် မွှေးမွှေးလေးကို ပန်းကန်ထဲ ထည့်ပြီး အိုးထဲမှာ ကျန်နေသော ဆီမွှေးမွှေးလေးကို ထမင်းပူပူနှင့် နယ်ကာ စားသုံးရန် ပြင်ပေးနီူင်ပါပြီ။
No comments:
Post a Comment