Friday, 29 August 2014

ကြက်သား ဆန်လှော် ဆန်ပြုပ်



ဒီနေ့ပြုပ်သောက်ဖြစ်တဲ့ ဆန်လှော်ဆန်ပြုပ်လေးပါ ရိုးရိုးဆန်ပြုပ်ထက် ပိုပြီးသောက်လို့ကောင်းသလို ဆန်လှော်မွှေးမွှေးလေးကြောင့် သောက်ရတာတဲ့ ဆန်လှော်အနံ့လေးကလဲ စွဲမက်စရာပါ ရိုးရိုးဆန်ပြုပ်လို ပျစ်ခဲခဲကြီးမနေဘဲ ဆန်စေ့လေးတွေက ပြုပ်ပြီးသည့်တိုင် ခပ်ကျဲကျဲလေးနဲ့ကျက်တဲ့ ဆန်လှော်ဆန်ပြုပ်လေးပါ။

မာမာတို့တော့ မိသားစု၃ယောက် တစ်နေကုန် ဆာရင်ဆာသလိုသောက်နိုင်ဖို့ ထမင်းပေါင်းအိုး ဆန်ချင်ဗူး၂ဗူးကို လှော်ပြီးပြုပ်ထားတဲ့ နည်းလေး မျှဝေလိုက်ပါတယ်

ပါဝင်ပစ္စည်းများ

  • ရေဆေးပြီးရေမထဲ့ဘဲ ညိုတဲ့ထိလှော်ထားသောဆန် - ထမင်းပေါင်းအိုးဆန်ချင်ဗူး ၂ဗူး
  • အသားလေးတွေကို လက်သည်းခွံသာသာ လှီးထားသောကြက်သား - ၁၅ကျပ်သား
  • အခွံခွာပြီးရေဆေးထားသော ကြက်သွန်နီ - ဥအသေး ၁၀လုံး
  • ဆား - လက်ဖက်ရည်ဇွန်း ၃ဇွန်းးခွဲ
  • နနွင်းမှုန့်- လက်ဖက်ရည်ဇွန်း သုံးပုံပုံ
  • ဆီ - ထမင်းစားဇွန်း ၄ဇွန်း
  • ပါးပါးလှီးထားသောကြက်သွန်နီ - အနေတော် တဥ
  • ဓါးပြားရိုက်ထားသော ကြက်သွန်ဖြူ - အမွှာကြီးကြီး၂မွှာ
  • ပါးပါးလှီးထားသောကြက်သွန်မိတ် - အပင်ကြီးကြီး ၃ပင်
  • အရသာမှုန့် - လက်ဖက်ရည်ဇွန်း ၃ဇွန်း
  • မညက်တညက်ထောင်းထားသော ကြက်သွန်ဖြူ - အမွှာကြီးကြီး၎မွှာ
  • ထောင်းထားသောငရုတ်ကောင်းမှုန့် - လက်ဖက်ရည်ဇွန်း တ၀က်သာသာ
ပြုပ်ရန်ပြင်ဆင်ပါမယ်
  • လှော်ထားသောဆန်ကို ရေများများထဲ့ပြီး နူးအောင်ပြုပ်ပါ
  • ဆန်လုံးများကျေလာအောင် ပြုပ်ပေးပါ
  • ဆန်ပြုပ်နေတုံး ဆီကို နနွင်းမှုန့်ထဲ့ကာ အပူပေးပြီး လှီးထားသောကြက်သွန်နီ ဓါးပြားရိုက်ထားသော ကြက်သွန်ဖြူတို့ကို ဆီသတ်ပါ
  • ကြက်သွန်များပျော့ပြီး မွှေးလာပါက ကြက်သား ဆားလက်ဖက်ရည်ဇွန်းတ၀က် အရသာမှုန့်လက်ဖက်ရည်ဇွန်း တဇွန်းတို့ထဲ့ပြီး ၅မိနစ်လောက် ဆီသတ်ပေးထားပါ
  • ဆန်လှော်များ မနူးသေးပါကနူးတဲ့ထိရေထဲ့ပြီးပြုပ်ပေးပါ
  • ပြုပ်နေစဉ် မကပ်အောင်မွှေမွှေပေးပါ
  • ဆန်နူးပြီဆိုပါက ရေကိုတရုတ်ဟင်းပြင်ပန်းကန် ၆လုံးစာလောက်ထဲ့ပေးပြီး ကြက်သွန်ဥလေးများနှင့် ကြက်သားဆီသတ်ကို ထဲ့ပြုပ်ပေးပါ
  • ဆားနှင့်အရသာမှုန့်၂ဇွန်းကိုထဲ့ပြီး အရသာမြည်းပါ
  • လိုအပ်သော အရသာပြင်ပေးပြီး ကြက်သွန်ဥလေးများနူးလာပါက ထောင်းထားသော ကြက်သွန်ဖြူ ငရုတ်ကောင်းတို့ကိုထဲ့ပြီး မီးနွေးနွေးနဲ့ထားပြီး လိုသလောက်ထဲ့သောက်ကာ သောက်ကာနီးမှ ကြက်သွန်မိတ်ဖြူးပြီးသောက်နိူင်ပါပြီ။

No comments:

Post a Comment