Sunday, 24 August 2014

ဂဏန်းဆီပြန် မွှေးမွှေးလေး




စားသုံးသူအားလုံးနှစ်သက်မယ်လို့ထင်ပါတယ် ဒီဟင်းကတော့ မာမာအရမ်းကြိုက်တဲ့ဟင်းလေးပါ ဂဏန်းဆိုရင် လယ်ဂဏန်း ပင်လယ်ဂဏန်း ချောင်းဂဏန်းအကုန်ကြိုက်ပါတယ်။

ဂဏန်းကိုချက်တော့မယ်ဆိုရင် မချက်ခင်သူ့ကိုအရင်ဆုံး အပြင်ခွံတွေပြောင်အောင်ဆေးရပါတယ် ပြီးတော့ အခွံကိုခွာ အခွံမှာကပ်နေတဲ့ အဆီတွေကို ပန်းကန်တစ်ခုမှာ ထဲ့ထားပေးပါ ခွာလိုက်တဲ့အသားခြမ်းမှာကပ်နေတဲ့ ပါးဟပ်ကလေးတွေကို ဖယ်ပြစ်ရပါတယ် အဲဒီပါးဟပ်လေးတွေကို စားမိရင်ဗိုက်နာတတ်ပါတယ်။

အခုချက်ထားတဲ့ဂဏန်းဟင်းက မြန်မာပြည်ခနပြန်တုံး ချက်ထားတာလေးပါ ဒီမှာဂဏန်းကဈေးကြီးလွန်းလို့ ချက်စားခဲပါတယ် ဂဏန်းအရသာကိုထိမ်းတာက ချင်းနဲ့မဆလာမို့ ထဲ့ဖို့မမေ့ပါနဲ့နော်။

ပါးဟပ်ဖက်အခြမ်းမှာကပ်နေတဲ့ အစာလမ်းကြောင်းကိုလဲဖယ်ပေးပါ သန့်စင်သွားပြီဆိုရင်တော့ ချက်ဖို့ပြင်ပါမယ်။

ပါဝင်ရမှာလေးတွေကိုပြင်ပါမယ်

  • ရေဆေးသန့်စင်ပြီး အခွံချွတ်ထားသောဂဏန်းအကောင်ကြီးကြီး - ၆ကောင်
  • ငရုတ်သီးအရောင်တင်မှုန့် - လက်ဖက်ရည်ဇွန်းမောက်မောက် တဇွန်း
  • ဆား - လက်ဖက်ရည်ဇွန်း တ၀က်
  • ငံပြာရည် - ထမင်းစားဇွန်း တဇွန်းခွဲ
  • ညက်နေအောင်ထောင်းထားသော ကြက်သွန်နီ - အနေတော် တဥ
  • ညက်နေအောင်ထောင်းထားသော ကြက်သွန်ဖြူ - အမွှာကြီးကြီး ၃မွှာ
  • ညက်နေအောင်ထောင်းထားသော ချင်း - တစ်လက်မမရှိတရှိ
  • မဆလာ - ထမင်းစားဇွန်း တဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ဟင်းချိုမှုန့် - လက်ဖက်ရည်ဇွန်း တ၀က်
  • မကျီးအနှစ် - ထမင်းစားဇွန်း တ၀က်သာသာ
  • ဆီ - လက်ဖက်ရည်အကြမ်းပန်းကန် တ၀က်သာသာ
အရသာနယ်ရန်
  • ဂဏန်းအသားကိုမချက်ခင် ဆား နနွင်း ငံပြာရည် ဟင်းချိုမှုန့် မဆလာတို့နဲ့ဆယ်မိနစ်လောက်ကြိုပြီးနယ်ထားပေးပါ
  • မဆလာကို အသားမှာနယ်ပြီးဆီသတ်ပါက ပိုပြီးမွှေးကြိုင်စေပါတယ်
ဟင်းချက်ရန်ပြင်ပါမယ်
  • ဒယ်အိုးဇောက်နက်နက်တစ်လုံးကို အပူပေးပြီးဆီထဲ့ပါ
  • ဆီပူလာတာနဲ့ထောင်းထားသော ကြက်သွန်ဖြူ နီ ချင်းတို့ကို ငရုတ်သီးနဲ့အတူဆီသတ်ပါ
  • ငရုတ်သီးနံ့သင်းလာတာနဲ့ အရသာနယ်ထားသော ဂဏန်းကိုထဲ့ပြီးဆီသတ်ပေးပါ
  • ဖယ်ထားသော ဂဏန်းဆီကိုထဲ့ပြီး ဆီဆက်သတ်ပေးပါ
  • ဂဏန်းသား ရဲလာပြီဆိုတာနဲ့ရေမြုပ်အောင်ထဲ့ပြီးအဖုံးအုပ်ကာတည်ပေးပါ
  • ရေခမ်းကာနီးပြီဆိုရင် မကျီးအနှစ်ကိုထဲ့မွှေပြီး ရေနဲနဲထပ်ထဲ့ကာ ဆီပြန်အောင်တည်ပေးပါ
  • ဆီပြန်ပြီဆိုတာနဲ့ အရသာမြည်းပြီးလိုအပ်သလိုပြင်ပေးပါ
  • ချင်း မဆလာနံ့မွှေးမွှေးလေးနဲ့ ဂဏန်းချဉ်စပ်ဟင်းလေးရပါပြီ။

3 comments:

  1. ဟား..ရှယ်ပါလားမမာရေ။
    ဂဏန်းဟင်းမစားရတာကြာလှပြီ။
    အချိန်ရှားလွန်းတာကြောင့်စားချင်ပေမဲ့လွယ်လွယ်နဲ့ ပက်ကနဲမ၀ယ်ဖြစ်ဘူး။ ဈေးလည်းကြီးတယ် သိမ်းလို့ လည်းနေရာယူဆုိုတော့လေ။ တခြားအသားငါးဆုို မလုပ်ဖြစ်ရင်ဖရီဇာထဲထဲ့ထားလည်းအုိုခေသေးတယ်လေ။
    အုိုင်အိုရာတုို့ အကုိုတွေငယ်တုန်းက ကာလသားဟင်းက အဲလုိုချက်ထားတဲ့ဂဏန်းဟင်းမီု့ 
    ငယ်ဘ၀ကုိုလည်းသတိရသွားတယ်မမာရေ။
    အုိုင်အိုရာ

    ReplyDelete
    Replies
    1. ဒီမှာလဲ အတူတူဘဲ အိုင်အိုရာရယ် ၅ကောင်တစ်ဗူးကို ၂၄ကျပ်ပေးရလို့ တော်ရုံဝယ်မစားဖြစ်ဖူးနော် အခုက မြန်မာပြည်ပြန်တုံးက ချက်ထားတာလေးတင်လိုက်တာလေ :-D
      မြန်မာပြည်အလွမ်းပြေလေးပေါ့ :-D

      Delete
  2. ကြိုက်ပီဗျို့ အစ်မအိမ်ထောင်ကျလို့နယ်မှာစီးပွါးရေးလိုက်လုပ်နေကထဲက လယ်ဂဏာန်းပဲစားနေရတာ စိတ်မသန့်ဖြစ်နေတာစားလို့ရတယ်ဆိုတော့ ခုနည်းလေးနဲ့စမ်းချက်ဦးမယ် ဒီရာသီက ကျင်းလိုက်နှိုက်မှရတော့မှာပဲ ဟိဟိ ကျေးဇူးပါ

    ReplyDelete