Friday, 15 August 2014

မြေပဲဇံကြော် ကြွတ်ကြွတ်လေး



အကြော်ဆိုရင် ဘာအကြော်ဘဲဖြစ်ဖြစ် အရမ်းကြိုက်တတ်တဲ့ မာမာတစ်ယောက် ဒီနေ့တော့မြေပဲဇံကြော်လေး ကြော်စားဖြစ်ပါတယ် ကြော်ရတာလဲလွယ်ကူလွန်းတဲ့အတွက် ကြော်စားကြည့်စေချင်ပါတယ် ထမင်းပူပူလေးကို ဆီစမ်းပြီးစားမလား ထမင်းကြမ်းခဲလေးမှာ ဆားလေးပုံပြီး အကြော်တစ်ကိုက် ထမင်းတလုပ်စားမလား အရမ်းကို စားမိန်တဲ့ အကြော်လေးပါ။

မာမာတို့အိမ်မှာ အသားဆိုလက်တွန့်ချင်ကြပေမဲ့ ဒီလိုအကြော်မျိုးဆို ကြော်နေရင်းတောင် ကုန်တတ်တဲ့ သဘောမှာရှိပါတယ် မာမာ မြေပဲ အကြွတ်ကြော်နည်းလေးကို ပြောပြပါမယ်။

ပါဝင်ရမှာလေးတွေက

  • နာရီဝက်လောက်ရေစိမ်ထားသော မြေပဲဇံအခြောက် - ထမင်းပေါင်းအိုးဆန်ချင်ခွက် တစ်ဗူး
  • တန်ပူရာမှုန့် - ထမင်းပေါင်းအိုးဆန်ချင်ခွက် တစ်ဗူး
  • ရေ - ထမင်းပေါင်းအိုး ဆန်ချင်ခွက် တစ်ဗူးခွဲ မရှိတရှိ
  • ဆီ - လက်ဖက်ရယ်ပန်းကန်လုံး တစ်လုံးခွဲသာသာ
ကြော်ရန်
  • တန်ပူရာမှုန့် ရေတို့ကို တန်ပူမှုန့်ကြေတဲ့ထိ ရောပြီးဖျော်ပါ
  • ဖျော်ထားသော မုန့်နှစ်ထဲသို့မြေပဲကို ရောမွှေပေးပါ
  • ဆီကို မီးအနေတော်ထားပြီးအပူပေးပါ
  • ဆီပူလာပါက ရောစပ်ထားသောမုန့်နှစ်ရည်ကို ယောက်ချိုဇွန်း တစ်ဝက်လောက်ခပ်ပြီးထဲ့ပေးပါ
  • ဆီထဲမှာ အကျက်ညီစေရန် ဖြန့်ပြီးခပ်ပါးပါးထဲ့ပေးပါ
  • တစ်ဖက်ကျက်ပါက တစ်ဖက်ကိုလှန်ပေးပြီး နှစ်ဖက်လုံးကျက်ပါက ရွှေဝါရောင် သန်းလာလျှင်တယ်ပြီး ဆီစစ်ပေးပါ
  • ဆီစစ်သွားပါက ကြွတ်ကြွတ်မွှေးမွှေး မြေပဲဇံကြော်လေးရပါပြီ။

No comments:

Post a Comment