Tuesday 1 September 2020

Spaghetti Shrimp










ဒီနေ့တော့ မာမာတို့တွေ ပုဇွန်ထုတ်လေးတွေနဲ့ Spaghetti Shrimp လေး လုပ်စားဖြစ်ပါတယ် ပြင်ဆင်ရတာ အရမ်းလွယ်သလောက် စားလို့ကောင်းလွန်းတဲ့အတွက် မာမာပြင်ဆင်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
  1. Spaghetti - 300 g
  2. ဆီ - ထမင်းစားဇွန်း တစ်ဇွန်း (spaghetti ပြုပ်ရန်)
  3. ရေ - 5 cups (spaghetti ပြုပ်ရန်) မုန့်လုပ်ရာတွင် ဆန်ချင်သောခွက်
  4. ဆား - ထမင်းစားဇွန်း တစ်ဇွန်း ( spaghetti ပြုပ်ရန်)
  5. Fresh parsley - မိမိနှစ်သက်သလောက် ထည့်ပါ (သို့မဟုတ်)
  6. Parsley အခြောက် - ထမင်းစားဇွန်း နှစ်ဇွန်း
  7. ပုဇွန်ထုတ် - 150 g
  8. ကြက်သွန်ဖြူ  - အမွှာကြီးကြီး လေးမွှာ
  9. Spaghetti ပြုပ်ရည် - 1 cup (မုန့်လုပ်ရာတွင် ချင်တွယ်သောခွက်)
  10. ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
  11. Mozzarella cheese - ထမင်းစားဇွန်း နှစ်ဇွန်း
  12. ဆီ - ထမင်းစားဇွန်း ငါးဇွန်း (spaghetti ကြော်ရန်)
  13. ဆီ - ထမင်းစားဇွန်း တစ်ဇွန်း (ပုဇွန်အိုးပူတိုက်ရန်)
ပြင်ဆင်ပုံ
  • ဇောက်နက်သော အိုးထဲမွာ ရေ ဆီနှင့် ဆားတို့ကို ထည့်ပေးပြီး ပွက်ပွက်ဆူအောင် တည်ပေးပါ
  • ရေပွက်ပွက် ဆူလာတာနဲ့ spaghetti ကိုထည့်ပြီး ပြုပ်ပေးပါ
  • Spaghetti ပြုပ်ရာမှာ မိမိအသုံးပြုသော မီးအပူရှိန် ကွာခြားတတ်တဲ့အတွက် ပြုပ်နေစဉ် နူးမနူးကို ဆယ်ပြီး ဇွန်းလေးနှင့် ထိုးကြည့်ပေးပါ
  • Spaghetti နူးလာတာနဲ့ ဇကာခံပြီး ဇလုံသန့်သန့်ထဲကို ပြုပ်ရည်များ သွန်ချပေးကာ ရေစစ်ထားပါ
  • ကြက်သွန်ဖြူ ကို အခြံခြာကာ ရေဆေးပြီး အကွင်းလိုက်လေးတွေ လှီးပေးပါ
  • Parsley ရွက်များကို ရေဆေးပြီး ခပ်နုတ်နုတ်လေးတွေ စင်းပေးပါ
  • ပုဇွန်ကို ရေဆေးပြီး အခွံ ခေါင်းနှင့် ကြောဖက်မှ အမဲကြောင်းကို ထုတ်ပေးထားပါ
  • ဒယ်အိုးထဲကို ဆီထည့်ပြီး အပူပေးပါ
  • ဆီပူလာတာနဲ့ ပုဇွန်များကို ထည့်ပေးပြီး အိုးပူတိုက်ပေးပါ
  • တစ်ဖက်ကျက်တာနဲ့ တစ်ဖက်ကို လှန်ပေးပြီး ကျက်အောင် လုပ်ပေးပါ
  • ပုဇွန်ကျက်တာနဲ့ ဒယ်အိုးနောက်တစ်လုံးထဲမှာ ဆီထည့်ပြီး ကြက်သွန်ဖြူ ကို ထည့်ပေးပြီး အပူပေးပါ
  • ကြက်သွန်ဖြူ  နံ့လေး သင်းလာတာနဲ့ ပြုပ်ထားသော spaghetti နှင့် ငရုတ်ကောင်းမှုန့်တို့ကို ထည့်မွှေပေးပါ
  • ပြီးတာနဲ့ spaghetti ပြုပ်ထားသော အရည်နှင့် ပုဇြန္မ်ားကို ထည့်မွှေပေးပါ
  • ရေခမ်းလာတာနဲ့ parsley အရွက်များကို ထည့်မွှေပေးပါ
  • အရသာ သမသွားတာနဲ့ အရသာ မြည်းပေးကာ လိုသလို ပြင်ပေးကာ ပန်းကန်ထဲ ထည့်ပေးပြီး mozzarella cheeseကို ထည့်ပေးပြီး ပူပူနွေးနွေးလေး သုံးဆောင်နိူင်ပါပြီ။


No comments:

Post a Comment