Wednesday, 16 September 2020

ပြည်ကြီးငါးကင် မွှေးမွှေးလေး








ဒီနေ့တော့ ပြည်ကြီးငါး ခေါင်းပိုင်း ပိုင်းပြီးသားလေးတွေ ဝယ်လာပြီး အကင်အိုးလေးနဲ့ ကင်ဖြစ်ပါတယ် စားလို့ကောင်းလွန်းတဲ့အတွက် မာမာကင်တဲ့နည်းလေး မျှဝေလိုက်ပါတယ် မိမိအသုံးပြုတဲ့ ပြည်ကြီးငါးရဲ့ အသားတုံး အကြီးအသေး အပေါ်မူတည်ပြီး မိနစ်အနည်းအများကို လိုတိုးပိုလျှော့ လုပ်ပေးဖို့တော့ သတိလေး ပြုစေချင်ပါတယ်ရှင်။

ပါဝင်ပစ္စည်းများ

  1. ပြည်ကြီးငါးခေါင်းပိုင်း - လေးပိုင်း
  2. ဆား - လက်ဖက်ရည်ဇွန်း လေးပုံတစ်ပုံ
  3. ငရုတ်သီး အကြမ်းဖတ် - ထမင်းစားဇွန်း  တစ်ဇွန်း
  4. နနွင်းမှုန့် လက်ဖက်ရည်ဇွန်း သုံးပုံတစ်ပုံ
  5. အရသာမှုန့် - လက်ဖက်ရည်ဇွန်း တစ်ဝက်
  6. ဆီ - ထမင်းစားဇွန်း တဇွန်းခွဲ
  7. သံပုရာသီး - တစ်လုံး
  8. ဆားကြမ်း - ထမင်းစားဇွန်း တစ်ဇွန်း (ပြည်ကြီးငါးဆေးရန်)
  9. အကင်ဒုတ်တံ - လေးချောင်း

ပြင်ဆင်ပုံ

  • အကင်ဒုတ်တံကို ရေနာရီဝက်လောက် ကြိုပြီးစိမ်ထားပါ
  • ပြည်ကြီးငါး ခေါင်းပိုင်းနှင့် ဆားတို့ကို ဇလုံထဲမှာ ထည့်ပေးပြီး အယိအရွဲများ ကုန်သွားအောင် နယ်ပေးပါ
  • ပြီးတာနဲ့ ရေစင်အောင်ဆေးပြီး ရေစစ်ထားပါ
  • သံပုရာသီးကို ရေဆေးပြီး အစိတ်လေးတွေ စိတ်ထားပါ
  • ရေစစ်ထားသော ပြည်ကြီးငါးကို နနွင်းမှုန့် ဆား အရသာမှုန့်နှင့် ငရုတ်သီး အကြမ်းဖတ်တို့ဖြင့် နယ်ပေးပါ
  • အရသာ နယ်ပြီးတာနဲ့ အကင်ဒုတ်တံလေးတွေနဲ့ ထိုးပေးပါ 
  • အားလုံး အဆင်သင့် ဖြစ်တာနဲ့ ပြည်ကြီးငါး ကင်ရန်အတွက် အကင်အိုးကို အပူပေးပါ
  • အိုးပူလာပါက ဆီထည့်ပြီး အိုးအဖုံးနှင့် အိုးအပြားကို ဆီနှံ့သွားအောင် လိုက်သုတ်ပေးပါ
  • ပြီးတာနဲ့ အရသာ နယ်ထားသော ပြည်ကြီးငါးကို စပြီးထည့်ပေးပါ
  • ပြည်ကြီးငါးရဲ့တစ်ဖက်ကို သုံးမိနစ်လောက် ကင်ပေးပြီးမှ နောက်တစ်ဖက်ကို လှန်ပေးပြီး ဆက်ကင်ပါ
  • နောက်တစ်ဖက်ကိုလဲ သုံးမိနစ်လောက်ဘဲ ကင်ပေးပါ
  • ပြည်ကြီးငါးကင်နှင့်သံပုရာသီး အစိတ်လေးများကို ပြင်ပေးပြီးတာနဲ့ ပြည်ကြီးငါးကင် မွှေးမွှေးလေးကို သံပုရာညှစ်ကာ သုံးဆောင်နိူင်ပါပြီ။

No comments:

Post a comment