Tuesday, 18 June 2019

ပူပြီးစပ်နေတဲ့ မျှစ် ပိန္နဲသီးဟင်း














ရာသီဥတုကလဲ အေးစက်ပြီး ရေခဲနေတဲ့ အချိန်မှာ နေရစားရတာလဲ  တော်တော်လေးလဲ ခက်ပါတယ် ဒီတော့လဲ စိတ်ထဲက စားချင်တာလေးတွေ ချက်ရင်း ရာသီဥတုဒဏ်ကို ကြံ့  ကြံ့ ခံနိူင်အောင် ကြိုးစားရပါတယ် ဒီတော့ကာ နွေးနွေးထွေးထွေးလေးလဲနေရင်း ဒီနေ့တော့ ပူပူစပ်စပ်ဟင်းလေးကို ချက်ဖြစ်ပြန်ပါတယ်။

ဒါကြောင့်မို့လို့ မျှစ်နဲ့ ပိန္နဲသီးလေးတွေကို ငရုတ်သီးစိမ်းနဲ့ ဆန်လှော်မှုန့်လေးအုပ်ကာ ချက်ဖြစ်တဲ့အတွက် အာပူလျှာပူပြီး ပူလောင်စပ်နေတဲ့ မျှစ်ဆန်လှော်ဟင်း ချက်နည်းလေး မျှ ဝေလိုက်ပါတယ်။

ပါဝင်ပစ္စည်းများ

  • မျှစ် - 454 g (ready made ဗူးကိုသုံးထားပါတယ်)
  • ပိန္နဲသီး - 545 g (ready made ဗူးကိုသုံးထားပါတယ်)
  • ဆန်လှော်မှုန့် - ထမင်းစားဇွန်း ၂ဇွန်း
  • ပုဇွန်ငါးပိ - ကွမ်းသီးဆံလုံးလောက်
  • ကြက်သွန်ဖြူ - အမွှာကြီးကြီး ၂ မွှာ
  • ငရုတ်​သီးစိမ်း အစပ်​​တောင့်​ - စားနိူင်သလာက်
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ဆား - လက်ဖက်ရည်ဇွန်း တဇွန်း
  • ငါးငံပြာရည် - ထမင်းစားဇွန်း တဇွန်း
  • အရသာမှုန့် - လက်ဖက်ရည်ဇွန်း တဇွန်း
  • မန်ကျည်းသီးအနှစ် - ထမင်းစားဇွန်း တဇွန်း

ပြင်ဆင်ပုံ
  • မျှစ်ကို ရေဆေးပြီး ပုံပါအတိုင်း အတုံးလေးတွေ တုံးထားပါ
  • ပိန္နဲသီးကို ရေဆေးပြီး ရေစစ်ထားပါ
  • ကြက်သွန်ဖြုကို အခွံခွာပြီး ရေဆေးထားပါ
  • ငရုတ်သီးစိမ်းကို အညှာခြွေပြီး ရေဆေးထားပါ
  • ပြီးတာနဲ့ ကြက်သွန်ဖြူ ငရုတ်သီးစိမ်းနှင့် ဆားတို့ကိုရောပြီး မညက်တညက် ထောင်းထားပါ
  • ပုဇွန်ငါးပိကို ရေအနည်းငယ်နှင့် ဖျော်ထားပါ
  • ဆန်လှော်မှုန့်ကိုလဲ ရေအနည်းငယ်နှင့် ဖျော်ထားပါ
  • နနွင်းမှုန့် အရသာမှုန့်နှင့် ငါးငံပြာရည်တို့ကို ပြင်ထားပါ
ဟင်းချက်ရန်
  • ဇောက်နက်သော အိုးထဲမှာ ဆန်လှော်မှုန့်မှလွဲပြီး ပါဝင်ပစ္စည်းများ အားလုံးကို ထည့်ပေးပါ
  • ပြီးတာနဲ့ ရေအနည်းငယ်ထည့်ကာ အိုးအဖုံးအုပ်ပြီး တည်ပေးပါ
  • ရေပွက်ပွက် ဆူလာတာနဲ့ အရသာ သမအောင် မွှေပေးပြီး ထည့်ထားဖသာ အရည်ခမ်းအောင် တည်ပေးပါ
  • ပထေမ တရည်ခမ်းပြီးပါက နောက်ထပ်ရေမြုပ်အောင် ထပ်ထည့်ပေးပြီး တည်ပေးပါ
  • မျှစ်နှင့် ပိန္နဲသီးက ပြုပ်ပြီးသား နူးပြီးသားဖြစ်တဲ့အတွက် အကျက်မြန်စေပါတယ်
  • နောက်ထပ် ထပ်ထည့်ထားသော ရေပွက်ပွက်ဆူလာပါက ရေဖျော်ထားသော ဆန်လှော်မှုန့်များကိုထည့်ပြီး မွှေပေးပါ 
  • ရေမခမ်းခင် အရသာမြည်းပြီး လိုသလို ပြင်ပေးပါ
  • ဟင်းအရည် ပျစ်ပျစ်လေးကြိုက်ရင် ရေခမ်းအောင် ချက်ပေးပြီး ဟင်းအရည်နှင့် ကြိုက်ပါက ရေမခမ်းခင် မီးပိတ်ပေးပါ
  • ပြီးတာနဲ့ ဆန်လှော်မှုန့် အနံ့လေး မွှေးနေပြီး ပူပူစပ်စပ်မွှေးမွှေးလေးနဲ့ စားလို့အရမ်ကောင်းတဲ့ ဟင်းပွဲလေးကို စားသုံးရန်​ ပြင်​ပေးနိုင်​ပါပြီ။

No comments:

Post a Comment