Wednesday 22 November 2017

Teriyaki Chicken အစိမ်းကြော်








ကျောင်းတစ်ဖက် အိမ်အလုပ်တစ်ဖက်နဲ့ တစ်ခါတစ်လေ ဟင်းချက်တာတောင် ကရောသောပါး ချက်ရတဲ့ရက်လေးတွေ ရှိပါတယ် အဲဒီလို ရက်မျိုး ဆိုရင်တော့ အသားနဲ့ အသီးအရွက် တစ်ခါထဲ ရောချက်ပြီး ထမင်းစားမြိန်အောင် ဖန်တီးရပြန်တာဘဲ ဒီနေ့တော့ အသားနဲ့ အသီးအရွက် တစ်ခါထဲ ရောကြော်ဖို့ Teriyaki Chicken အစိမ်းကြော် ကြော်နည်းလေး တင်ပေးလိုက်ပါတယ်။

ပါဝင်ပစ္စည်းများ

  1. ကြက်ပေါင်သား - 200 g
  2. ကြက်သွန်နီ - အနေတော် တစ်ဥ
  3. ကြက်သွန်ဖြူ - အမွှာကြီးကြီး သုံးမွှာ
  4. မုံလာဥနီ - အနေတော် တစ်ဥ
  5. ဇူကီးနီ - တစ်တောင့်
  6. ပဲတောင့်ရှည် - ဆယ့်ငါးတောင့်
  7. ဘလိုကိုလီ - အနေတော် သုံးခက်
  8. မှို - ခွန်နှစ်ပွင့်
  9. ချင်း - ခပ်ပါးပါး နှစ်ပြား
  10. Teriyakiအနှစ် - ထမင်းစားဇွန်း သုံးဇွန်း
  11. ဆား - လက်ဖက်ရည်ဇွန်း တစ်ဇွန်းသာသာ
  12. အရသာမှုန့် - လက်ဖက်ရည်ဇွန်း တစ်ဇွန်း
  13. ဆီ - ထမင်းစားဇွန်း ငါးဇွန်း 




ပြင်ဆင်ပုံ
  • ကြက်သားကို အရိုးထုတ်ကာ အနေတော် အတုံးလေးတွေတုံးပြီး ဆားအနည်းငယ် အချိုမှုန့်အနည်းငယ်တို့နှင့် အရသာ အနည်းငယ်နယ်ကာ Teriyaki အနှစ်နှင့်နယ်ပေးပြီး နာရီဝက်လောက် နှပ်ထားပေးပါ
  • ကြက်သွန်နီကို လေးစိတ်ခွဲပြီး အလွှာတွေရအောင် ခွာထုတ်ထားပါ
  • ကြက်သွန်ဖြူကို အခွံခွာပြီး ဓါးပြားရိုက်ထားပါ
  • အခြားအသီးအနှံတွေကိုလည်း ရေဆေးကာ အနေတော် လှီးထားပါ
  • ချင်းကိုလဲ အခွံခွာကာ ညက်နေအောင် ထောင်းထားပါ
  • ဒယ်အိုးတစ်လုံးကို ဆီထည့်ပြီး အပူပေးပါ
  • ဆီပူလာလျှင် ချင်းကို ဆီသတ်ပြီး အရသာ နယ်ထားသော ကြက်သားကို ထည့်ကြော်ပါ
  • ကြက်သားအသား မာလာတာနဲ့ ရေမြုပ်အောင်ထည့်ပြီး အဖုံးအုပ်ကာ ရေခမ်းအောင် တည်ပေးပါ
  • ရေခမ်းတာနဲ့ အသီးအရွက်များကို ထည့်ပေးပါ
  • အသီးအရွက်များကို အရမ်းမကျက်စေဘဲ  အနည်းငယ် နွမ်းသွားပါက မီးပိတ်ပေးပြီး အရသာမြည်းကာ လိုသလို ပြင်ပေးပါ
  • အလွန်စားကောင်းလို့ကောင်းတဲ့Teriyaki ကြက်သား အသီးအရွက် အစိမ်းကြော်လေး ရပါပြီ။
  • ၀က်သားစားပါက ကြက်သားအစား ဝက်သားအစားထိုးပြီး ကြော်နိုင်သလို အချိုမှုန့် မစားပါက ကြက်သားမှုန့် သကြားတို့တို့ကို အစားထိုးပြီး ကြော်ပေးပါ

No comments:

Post a Comment