Thursday 16 November 2017

ငှက်ပျောဖူး ငရုတ်သီးစိမ်း အစပ်ဟင်း


ဒီနေ့တော့ ငှက်ပျောဖူးကို ချဉ်ငံစပ်လေး ချက်ပါတယ် ငါးပိချက်ယောင်ယောင်လေးမို့ ထမင်းပူပူလေးနဲ့ အရမ်းလိုက်ဖက်တဲ့ ဟင်းပွဲလေးပါ ချဉ်ငံစပ်လေး ကြိုက်တယ်ဆိုရင်တော့ မာမာချက်ထားတဲ့ နည်းအတိုင်း ချက်စားကြည့်စချင်ပါတယ်ရှင်။

ပါဝင်ပစ္စည်းများ

  1. ငှက်ပျောဖူး - အနေတော် တစ်ဖူး
  2. ကြက်သွန်နီ - အနေတော် တစ်လုံး
  3. ကြက်သွန်ဖြူ - အမွှာကြီးကြီး သုံးမွှာ
  4. ပုဇွန်ငါးပိ - ထမင်းစားဇွန်း တစ်ဇွန်း
  5. ငရုတ်သီးစိမ်း - စားနိူင်သလောက်
  6. ငံပြာရည် - ထမင်းစားဇွန်း နှစ်ဇွန်း
  7. မန်ကျည်းသီးမှည့်အနှစ် - ထမင်းစားဇွန်း တစ်ဇွန်း
  8. နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  9. အရသာမှုန့် - လက်ဖက်ရည်ဇွန်း တစ်ဇွန်း
  10. ဆီ - ထမင်းစားဇွန်း နှစ်ဇွန်းခန့်
  11. ဆား - ထမင်းစားဇွန်း တစ်ဇွန်း (ငှက်ပျောဖူးဆေးရန်)

ပြင်ဆင်ပုံ
  • ရင့်နေသော အဖတ်များဖယ်ကာ သန့်စင်ပြီးသား ငှက်ပျောဖူး အနုများကိုများကို ခပ်ပါးပါး လှီးပေးပါ
  • လှီးပြီးတာနဲ့ ဆားထမင်းစားဇွန်း ၂ဇွန်းခန့်ထည့်ပြီး ခပ်နာနာနယ်ပေးပါ
  • နယ်ပြီးသောအခါ မည်းမည်းအရည်များ ကုန်သွားအောင် ရေစင်အောင်ဆေးပေးထားပါ
  • ကြက်သွန်နီကို အခွံခွာပြီး အလုံးလိုက်ရေဆေးကာ ခပ်ပါးပါး လှီးထားပေးပါ
  • ကြက်သွန်နီကို အခွံခွာပြီး ရေဆေးကာ ဓါးပြားရိုက်ထားပေးပါ
  • ငရုတ်သီးစိမ်းကို ရေဆေးပြီး မညက်တညက် ထောင်းထားပေးပါ
  • မကျည်းသီးမှည့်ကို ရေဖျော်ထားပေးပါ
  • ပုဇွန်ငါးပိကို ပြင်ထားပေးပါ
  • အားလုံးအဆင်သင့်ဖြစ်တာနဲ့ ဒယ်အိုးထဲ နနွင်းမှုန့်နှင့် ဆီထည့်ကာ အပူပေးပါ
  • ဆီပူလာတာနဲ့ ကြက်သွန်နီ ကြက်သွန်ဖြူနှင့် ငရုတ်သီးစိမ်းတို့ကို အနည်းငယ် ကြော်လိုက်ပါ
  • ကြော်နေစဉ်မှာ အရမ်းညှော်တတ်တဲ့အတွက် လေဝင်တခါးများကို ဖွင့်ထားပေးပါ
  • ကြက်သွန်များ အနည်းငယ် နွမ်းတာနဲ့ ပုဇွန်ငါးပိကိုထည့်မွှေပေးပါ
  • ပုဇွန်ငါးပိများ သမသွားတာနဲ့ ငှက်ပျောဖူးနှင့် အရသာမှုန့်ကို ထည့်မွှေပေးပါ
  • ပြီးတာနဲ့ ရေမြုပ်အောင်ထည့်ပြီး ငှက်ပျောဖူးများ နူးအောင် အိုးအဖုံးအုပ်ပြီး တည်ပေးပါ
  • ဟင်းအိုးထဲ ထည့်ထားသော အရည်များ ခမ်းလာတာနဲ့ မကျည်းသီးမှည့် အရည်ထည့်ပေးပြီး အရသာမြည်းပေးပါ
  • အရသာ ပေါ့နေပါက ငံပြာရည် အနည်းငယ်ထပ်ထည့်ပေးပါ
  • မကျည်သီးးမှည့်ရည် မခမ်းခင် မီးပိတ်ပေးပြီး ပူပူစပ်စပ် ချဉ်ငံစပ်နေတဲ့ ငှက်ပျောဖူး အစပ်ဟင်းပွဲကို ပြင်ပေးနိူင်ပါပြီ။

No comments:

Post a Comment