Monday, 13 November 2017

သီးရွက်စုံ ဟင်းချိုရည်


ဟင်းရည်လေးပါမှ ထမင်းက မိန်တတ်တာမို့ ဒီနေ့တော့ ကြက်သားပြုပ်ပြီး ဟင်းရည်ချိုချိုလေးချက်ကာ အရည်သောက်ဆမ်းလေး တမယ်ချက်ဖြစ်ပါတယ် အရသာ လျှာကသိ ဆိုသလိုပါဘဲ ပူစပ်ပြီး မွှေးနေကာ ဟင်းရည်ချိုနေတဲ့ မာမာ့အိမ်ချက် ဟင်းချိုရည် ချက်နည်းလေး မျှဝေလိုက်ပါတယ်။

ပါဝင်ပစ္စည်း

  • ကြက်ကြိတ်သား - 150g
  • အရိုးအသား အရည်ပြားတွဲရက် ကြက်သား - 150 g
  • ပဒဲကော - အနည်းငယ်
  • မှို - ဆယ်ပွင့်ခန့်
  • ဘရိုကိုလီ - ၁၀ခက်ခန့်
  • ပဲပင်ပေါက် တရုတ်ဟင်းပြင်ပန်းကန် တလုံးစာ
  • ပဲပြား - တတုံး
  • ကန်စွန်းရွက် - မိမိနှစ်သက်သလောက်
  • သခွားသီး - ခပ်ကြီးကြီး တလုံး
  • ဓါးပြားရိုက်ထားသော ကြက်သွန်ဖြူ - အမွှာကြီးကြီး ၄မွှာ
  • ခပ်ပါးပါးလှီးထားသော ကြက်သွန်နီ - အနေတော် တခြမ်း
  • ငရုတ်ကောင်းမှုန့် - လက်ဖက်ရည်ဇွန်း တ၀က်သာသာ
  • ဆား - လက်ဖက်ရည်ဇွန်း သုံးပုံတပုံ( ကြက်ကြိတ်သားထဲ ထည့်ရန် )
  • ဆား - လက်ဖက်ရည်ဇွန်း တဇွန်းသာသာ (ဟင်းရည်အိုးထဲထည့်ရန်)
  • အရသာမှုန့် - လက်ဖက်ရည်ဇွန်း တ၀က် (ကြက်ကြိတ်သားထဲ ထည့်ရန်)
  • အရသာမှုန့် လက်ဖက်ရည်ဇွန် တဇွန်းသာသာ (ဟင်းရည်အိုးထဲထည့်ရန်)
  • ပြောင်းကော်မှုန့် - ထမင်းစားဇွန်း တ၀က်သာသာ
  • နနွင်းမှုန့် - လက်ဖက်ရည်ဇွန်း လေးပုံတပုံ
ကြက်သားလုံးလုပ်ရန်
  • ကြက်ကြိတ်သား 100g 
  • ဆား လက်ဖက်ရည်ဇွန်း သုံးပုံတပုံ
  • အရသာမှုန့် လက်ဖက်ရည်ဇွန်း တ၀က်
  • ပြောင်းကော်မှုန့် ထမင်းစားဇွန်း တ၀က်သာသာ
ပြင်ဆင်ပုံ
  • အရိုးအသားတွဲရက် ကြက်သားကို အနေတော်ခုတ်ပြီး ရေဆေးကာ အိုးထဲထည့်ပါ
  • ပဒဲကောကို ခပ်ပါးပါးလေးတွေရအောင် ၇ချပ်လောက်လှီးပြီး ဟင်းရည်အိုးထဲ ထည့်ပြုပ်ပါ
  • ဆား အရသာမှုန့် နနွင်းမှုန့်တို့နှင့် အရသာနယ်ပေးပြီး ရေအနည်းငယ်ထည့်ကာ ပြုပ်ပေးပါ
  • ကြက်ပြုပ်ရည် ပွက်ပွက်ဆူလာတာနဲ့ ဟင်းရည်ချိုစေရန် သခွားသီးကို အခွံခွာပြီး ခပ်ပါးပါး လှီးထည့်ပေးပါ
  • ပြီးတာနဲ့  ကြက်သွန်နီကို အခွံခွာကာ ရေဆေးပြီး ၈စိတ်စိတ်ကာ ဟင်းရည်အိုးထဲ ထည့်ပြီးပေးပြီး တည်ပေးပါ
  • ကြက်သွန်များနူးတာနဲ့ ရေကို တရုတ်ဟင်းရည်သောက် ပန်းကန်လုံး သုံးလုံးစာသာသာထည့်ပြီး ဆက်တည်ပေးပါ
  • ဟင်းရည်အိုး တည်ထားတုန်း ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • ကြက်ကြိတ်သားကို ဆား အရသာမှုန့် ပြောင်းကော်မှုန့်တို့နဲ့ နယ်ထားပေးပါ
  • အရသာနယ်ထားသော ကြက်ကြိတ်သားကို အနေတော် အလုံးလေးတွေ လုံးထားပါ
  • ငရုတ်ကောင်းမှုန့်ကို ပြင်ထားပါ
  • ဘလိုကိုလီကို အခက်လေးတွေ ရအောင်လှီးပြီး ရေဆေးထားပါ
  • ပဲပင်ပေါက်နှင့် ကန်စွန်းရွက်ကို ရေဆေးထားပါ
  • ပဲပြားကို အနေတော် တုံးထားပါ
  • မှိုကိုရေဆေးပြီး ခပ်ထူထူ လှီးထားပါ
  • ဟင်းရည်အိုး ပွက်ပွက်ဆူလာပြီး ၁၀မိနစ်လောက် နေတာနဲ့ အထက်အောက် သမအောင်မွှေကာ ပဲပြား ကြက်သားလုံးများကို ထည့်ပြီး ၃မိနစ်လောက် အဖုံးအုပ်ထားပါ
  • ကြက်သားလုံး ကျက်တာနဲ့ ဘလိုကိုလီနှင့် မှိုထည့်ပြီး ၃မိနစ်လောက် ရေဆူအောင်တည်ပေးပါ
  • ဟင်းရည်ဆူလာပါက အရသာမြည်းပြီး လိုသလိုပြင်ကာ ကြက်သွန်ဖြူနှင့် ငရုတ်ကောင်းမှုန့်ခပ်ပြီး ဟင်းပြင်ပန်းကန်ထဲမှာ မိမိနှစ်သက်သလို အသီးအရွက်များထည့်ကာပဒဲကောနံ့ သင်းနေတဲ့ ကြက်ပြုပ်ရည်ကို လောင်းထည့်ပေးပြီး  ဟင်းရည်ပွဲပြင်ပေးကာ ပူပူလေး သောက်နိူင်ပါပြီ။

No comments:

Post a Comment