Friday, 18 November 2016

ချဉ်ပေါင်ဟင်း ပင်စိမ်းအုပ်တောချက်




ဒီနေ့တော့ ခြံထွက်ဓါတ်ချဉ်ပေါင် အဖြူလေးတွေနဲ့ ချဉ်ရည်ဟင်းလေး တခွက်ချက်ဖို့ ပြင်ဆင်နေရင်း ဟိုရောဒီရော ပင်စိမ်းရွက်လေးခပ်လို့ တောချက်လေးချက်ဖို့ ပြင်မိပြန်ပါတယ်။

ပါဝင်ပစ္စည်းများ

  • ချဉ်ပေါင်ဖြူအရွက် - အနေတော် ဇကာတလုံး
  • ပြုပ်ပြီးသား မျှစ်ပေါက်အနု - ၁၅ခုခန့်
  • ရုံးပတေသီး - ၇တောင့်
  • ပင်စိမ်းရွက် - လက်တဆုတ်စာ
  • ပုဇွန်ခေါင်းချိုး - ၁ဆယ်သား 
  • ကြက်သွန်နီ - အနေတော် တခြမ်း
  • ကြက်သွန်ဖြူ -၂မွှာ
  • ငံပြာရည် - ထမင်းစားဇွန်း ၂ဇွန်း
  • ဆား - လက်ဖက်ရည်ဇွန်း တဇွန်း
  • နနွင်းမှုန့် - လက်ဖက်ရည်ဇွန်း တ၀က်
  • အချိုမှုန့် - လက်ဖက်ရည်ဇွန်း တဇွန်း
  • ငရုတ်သီး အရောင်တင်မှုန့် - လက်ဖက်ရည်ဇွန်း တ၀က်သာသာ
  • ပုဇွန်ငါးပိ - ကွမ်းသီးဆံလုံးလောက်
  • ဆီ - ထမင်းစားဇွန်း ၂ဇွန်း
ပြင်ဆင်ပုံ
  1. ချဉ်ပေါင်ရွက်များကို အညှာဖက်မှ ခြွေပေးပြီး သန့်စင်သွားအောင် ရေနိုင်နိုင်ဆေးချပါ
  2. ရေဆေးပြီး ဇောက်နက်သော အိုးတလုံးထဲမှာ ထည့်ပေးပါ
  3. ပြုပ်ပြီးသား မျှစ်ပေါက်အနုကို ထက်ဝက်ခြမ်းကာ အနေတော် လှီးပေးထားပါ
  4. ရုန်းပတေသီးကို အတောင့်လိုက် ရေဆေးပြီး အညှာကို လှီးပေးထားပါ
  5. ကြက်သွန်ဖြူ ကြက်သွန်နီကို ငရုတ်သီးမှုန့်နှင့် ရောပြီးထောင်းပေးပါ
  6. ပုဇွန်ငါးပိကို ရေလက်ဖက်ရည်ပန်းကန်လုံး တလုံးသာသာနှင့် စိမ်ထားပါ
  7. ပုဇွန်ခေါင်းချိုးကို ရေဆေးပြီး ကြောဖက်မှ အမည်းကြောင်း ထုတ်ကာ အခွံမခွာဘဲ ခေါင်းဖြုတ်ပေးထားပါ
  8. ချဉ်ပေါင်ရွက် ထည့်ထားသော ဇာက်နက်သော အိုးတလုံးထဲမှာ ရေလက်ဖက်ရည်ပန်းကန်လုံး တလုံးလောက်နှင့် နနွင်းမှုန့်ထည့်ပြီး မီးပြင်းပြင်းနှင့် တည်ပေးပါ
  9. ရေပွက်ပွက်ဆူလာပါက ချဉ်ပေါင်ရွက်များကို ကျေသွားအောင် သစ်သားယောင်းမနှင့် ချဉ်ပေါင်ရွက်များ ဘိုးသိုးဘတ်သတ် ကျေလာတဲ့အထိ မွှေပြီးချေပေးပါ
  10.  သန့်စင်ထားသော ပုဇွန်ကို ဆား ငံပြာရည် ငရုတ်သီးထောင်း ဆီ အချိုမှုန့်တို့ကို ရောပြီး နယ်ပေးပါ
  11. ချဉ်ပေါင်ရွက်များ ကျေလာပါက လှီးထားသောမျှစ်ပေါက်များ အရသာ နယ်ထားသော ပုဇွန်များကို အိုးထဲသို့ရောထည့်ပြီး တည်ပေးပါ
  12. ရေဆူလာပြီး ပုဇွန်များ အရောင်ပြောင်းလာပါက ရေလိုသလောက်ထည့်ပြီး တည်ထားပါ
  13. ရေပွက်ပွက်ဆူလာမှ အရည်ဖျော်ထားသော ပုဇွန်ငါးပိအရည်ကို လောင်းထည့်ပြီး ဆူအောင်တည်ပါ
  14. ရေဆူလာတာနဲ့ အရသာမြည်းကာ လိုသလို ပြင်ပေးပြီး ရုန်းပတေသီးနှင့် ပင်စိမ်းရွက်အုပ်ကာ ချဉ်ပေါင်တောဟင်းကို အသားကင် ငါးပိထောင်းတို့နှင့် အရသာရှိစွာ သုံးဆောင်နိူင်ပါပြီ။

No comments:

Post a Comment