Thursday, 10 November 2016

ချဉ်​ငံစပ်​ ကြာဇံသုပ်​


ကြာဇံသုပ်က မာမာအရမ်းကြိုက်တဲ့ အသုပ်တမျိုးပါ ကြာဇံကို ဖြစ်သလိုလေး သုပ်စားလဲ ကြိုက်မိသလို တခြားအစာတွေနဲ့ရောသုပ်လဲ အရမ်းနှစ်သက်ပြီး ကြာဇံသုပ်ဆို ထမင်းလွတ် စားတတ်တဲ့အတွက်  ဒီနေ့တနေ့တာတော့ ချဉ်ငံစပ် ဆန်ကြာဇံ အသုပ်လေးနဲ့ တနေ့တော့ ကုန်အုံးမှာပါ လွယ်ကူမြန်ဆန် အသုပ်တမျိုး သုပ်စားချင်ရင်တော့ ပြင်ဆင်ပုံလေး မျှဝေလိုက်ပါတယ်။

ပါဝင်ပစ္စည်းများ

  • ဆန်ကြာဆန်အခြောက် - 50g
  • ပဲအကျက်မှုန့် - လိုသလောက်
  • ငရုတ်သီး အလှော်မှုန့် - လိုသလောက်
  • နနွင်းမှုန့် - လက်ဖက်ရည်ဇွန်ု သုံးပုံတပုံ (ဆီချက်ချက်ရန်)
  • နနွင်းမှုန့်  - လက်ဖက်ရည်ဇွန်း သုံးပုံတပုံ( ကြာဇံအရောင်အတွက် သုံးရန်)
  • ဆီ - ဆီချက်ချက်ရန် လက်ဖက်ရည်အကြမ်းပန်းကန်တလုံးစာ
  • အရသာမှုန့် - လိုသလောက်
  • ကြက်သွန်ဖြူ ဆီချက် - ထမင်းပေါင်းအိုး ဆန်ချင်ဗူး နှစ်ဗူး
  • မကျည်းသီးအမှည့် - ကွမ်းသီးဆံလုံး တလုံးစာ
  • ငါးငံပြာရည် - လိုသလောက်
  • နံနံပင် - လိုသလောက်
  • ငရုတ်သီးစိမ်း - စားနိူင်သလောက်
  • ကြက်သွန်ဖြူ (၁၃မွှာ ဆီချက်အတွက် ၅မွှာ ဟင်းခါးအတွက် ၃မွှာ အသုပ်နှင့်စားရန် ၅မွှာခန့်)
  • ပုဇွန်ခြောက်မှုန့် ထမင်းစားဇွန်း နှစ်ဇွန်း
  • ငရုတ်ကောင်းမှုန့် ၅စေ့ခန့်
  • ဂေါ်ဖီ - အနည်းငယ်

အသုပ်ပွဲပြင်ရန် လိုအပ်သော ပစ္စည်းများ
  • ဆီချက်
  • ငံပြာရည်
  • ပုဇွန်ခြောက်မှုန့်
  • ပဲအကျက်မှုန့်
  • ငရုတ်သီး အလှော်မှုန့်
  • ကြက်သားမှုန့်
  • မကျည်းသီးမှည့်
  • နံနံပင်
ကြာဇံပြုပ်ရန်
  • ဆန်ကြာဇံကို ရေ တနာရီလောက် စိမ်ထားပါ
  • ရေကို ပွက်ပွက်ဆူအောင် တည်ပေးပါ
  • ရေဆူလာတာနဲ့ ရေစိမ်ထားသော ကြာဇံကို ရေသွန်ပြီး ကြာဇံအရောင်လှစေရန် နနွင်းမှုန့် လက်ဖက်ရည်ဇွန်း သုံးပုံတပုံထည့်ကာ ရေနွေးကို လောင်းထည့်ပေးပါ
  • ရေနွေးစိမ်ချိန် ၃မိနစ်လောက်ကြာတာနဲ့ ရေနွေးစိမ်ထားသော ကြာဇံကို ဇကာထဲသွန်ပြီး ရေစစ်ထားပါ
  • တခါတလေ ရေနွေးစိမ်ရန် အသုံးပြုသော ကြာဇံသည် ဆန်အပျော့ အမာပေါ် မူတည်သောကြောင့် အချိန်ကို လိုတိုးပိုလျှော့ လုပ်ပေးပါ
ဆီချက် ချက်ရန်
  • ကြက်သွန်ဖြူ၅မွှာကို အခွံခွာပြီး ခပ်ပါးပါး လှီးထားပါ
  • ဆီကိုအပူပေးပြီး နနွင်းမှုန့်ထည့်ပါ 
  • ဆီပူလာတာနဲ့ ကြက်သွန်ဖြူကို ထည့်ကြော်ပါ
  • ကြက်သွန်ဖြူများ အ၀ါရောင်သန်းလာတာနဲ့ ဆယ်ပြီးဆီစစ်ထားပါ
  • ဆီအေးသွားမှ ကြက်သွန်ကြော်များနှင့် ရောပေးပါ

ဟင်းခါးချက်ရန်
  • ရေ တရုတ်ဟင်းရည်သောက် ပန်းကန် ၂လုံးစာထဲ ပုဇွန်ခြောက် ၇ကောင်လောက်ကို ထောင်းပြီးထည့်ပါ
  • ဆား လက်ဖက်ရည်ဇွန်း တ၀က် ကြက်သားမှုန့် လက်ဖက်ရည်ဇွန်း တဇွန်းထည့်ပြီး ရေဆူအောင်တည်ပါ
  • ရေဆူလာပါက ငရုတ်ကောင်း ၅စေ့လောက်နှင့် ကြက်သွန်ဖြူ ၂မွှာလောက်ကို မညက်တညက်ထောင်းပြီး ဟင်းရည်အိုးထဲ ထည့်ကာ ဂေါ်ဖီ ခပ်ပါးပါးလှီးပြီး ထည့်ပြီး ရေဆူအောင် တည်ပြီးအရသာမြည်းပါ
အသုပ် တပွဲစာပြင်ရန်
  • ဇလုံတလုံးထဲမှာ ဆန်ြကာဇံ တပွဲစာထည့်ပါ
  • ဆီချက် ထမင်းစားဇွန်း ၂ဇွန်း ငံပြာရည် ထမင်းစားဇွန်း တဇွန်း ပဲအကျက်မှုန့် ထမင်းစားဇွန်း တဇွန်း ငရုတ်သီး အလှော်မှုန့် လက်ဖက်ရည်ဇွန်း တဇွန်း ကြက်သားမှုန့် လက်ဖက်ရည်ဇွန်း တ၀က်မရှိတရှိ မကျည်းရည် ထမင်းစားဇွန်း တ၀က်သာသာ နံနံပင်တို့ထည့်ကာ ခပ်ဖွဖွနယ်ပေးပါ
  • အသုပ်အရသာနယ်ပြီးတာနဲ့ ချဉ်ငံစပ်အရသာ လိုသလို ပြင်ပေးပြီး စားပွဲပြင်ပေးပါ
  • အသုပ်ပွဲ ပြင်ဆင်ပြီးပါကဆလတ်ရွက် ငရုတ်သီးစိမ်း ကြက်သွန်ဖြူ ဂေါ်ဖီဟင်းခါးတို့နဲ့ သုံးဆောင်နိုင်ပါပြီ

No comments:

Post a Comment