Monday 2 January 2023

ဝက်နံရိုး မုံလာဥဟင်းချို

 


တစ်နေ့တစ်နေ့ ဟင်းချက်ဖို့ စဉ်းစားရတာ ခေါင်းနောက်တတ်ပါတယ် ဆီပြန်လေး တစ်မယ် ချက်ပြီးပြန်တော့လဲ အရည်သောက်လေးပါမှ အဆင်ပြေမှာမို့လို့ ရှာကြံပြီး ချက်ပြန်တာပါဘဲ။

ဒါကြောင့်မို့လို့ ဒီနေ့တော့ အိမ်မှာအဆင်သင့် ရှိနေတဲ့ မုန်လာဥဖြူလေးကို ဝက်နံရိုးနဲ့  ဟင်းချိုရည်လေး ချက်ဖြစ်တာမို့လို့  ဟင်းချိုတစ်မယ် အလွယ်ချက်နည်းလေးကို မျှဝေပေးလိုက်ပါတယ်ရှင်။ 

ဟင်းချိုရည်ထဲထည့်တဲ့ အသီးအရွက်တွေကတော့ မိမိနှစ်သက်တဲ့ အသီးအရွက်တွေ ထည့်နိူင်ပါတယ်။

ပါဝင်ပစ္စည်းများ
  1. ဝက်နံရိုး - 200 g
  2. မုန်လာဥဖြူ - မိမိနှစ်သက်သလောက်
  3. ဆား - လိုသလောက်
  4. အရသာမှုန့် - လိုသလောက်
  5. ကြက်သွန်ဖြူ - အမွှာကြီးကြီး သုံးမွှာ
  6. ငရုတ်ကောင်းမှုန့် - အနည်းငယ်
  7. ကြက်သွန်မိတ် - အနည်းငယ်
  8. ရေ - 3 cupsဟင်းချိုရည် ချက်ရန်
  9. ရေ - ဝက်နဲရိုးပြုပ်ရန် လိုသလောက် သုံးပါ
ပြင်ဆင်ပုံ
  • ဝက်နံရိုးကို အနေတော် အတုံးလေးတွေတုံးကာ ရေဆေးပေးပါ
  • ဇောက်နက်သော အိုးထဲမှာ ဝက်နံရိုးများထည့်ပေးပါ
  • ပြီးတာနဲ့ ရေမြုပ်အောင်ထည့်ပြီး ပြုပ်ပေးပါ
  • ရေပွက်ပွက် ဆူလာတာနဲ့ ထိုရေများကို သွန်လိုက်ကာ ရေမြုပ်အောင် ထပ်ထည့်ပြီး ပြုပ်ပေးပါ
  • ဝက်နံရိုးများ နူးတဲ့အထိ ရေကိုထပ်ထပ်ထည့်ကာ ပြုပ်ပေးပါ
  • မုန်လာဥဖြူကို အခွံခွာကာ ရေဆေးပြီး  အနေတော် ပိုင်းဖြတ်ထားပါ
  • ကြက်သွန်မိတ်များကို ရေဆေးပြီး ခပ်ပါးပါးလေးတွေ လှီးထားပါ
  • ငရုတ်ကောင်းမှုန့်ကို အဆင်သင့် ပြင်ထားပါ
  • ဝက်နံရိုး ပြုပ်ရည်နှင့် မုံလာဥများကို အဆင်သင့် ပြင်ထားပါ
  • ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  • အားလုံးအဆင်သင့် ဖြစ်တာနဲ့ အိုးထဲကို မုံလာဥများ ဝက်နံရိုး ပြုပ်ရည်နှင့်ရေထည့်ပြီး ပွက်ပွက်ဆူအောင် တည်ပေးပါ
  • မုံလာဥများ နူးလာတာနဲ့ ဆားနှင့် အရသာမှုန့်တို့ထည့်ပြီး တည်ပေးပါ
  • ပြီးတာနဲ့ ကြက်သွန်ဖြူနှင့်  ငရုတ်ကောင်းမှုန့်တို့ထည့်ကာ ဆက်တည်ပေးပါ
  • ရေပွက်ပွက် ဆူလာတာနဲ့ အရသာမြည်းပြီး မိမိစိတ်ကြိုက် အရသာ ရလာအောင် ပြင်ပေးကာ ကြက်ပါသွန်မိတ်ကို ထည့်ပေးပါ
  • အရသာ ပြင်ပြီးတာနဲ့ ဟင်းချိုရည် ပူပူလေးကို သောက်သုံးရန် ပြင်ပေးနိူင်ပါပြီ။ 


No comments:

Post a Comment