အရင်တခါက ဘူးချဉ်ထည့်နည်းလေး တင်ဖူးပါတယ် အဲဒီဘူးချဉ် ထည့်ထားတာကို ဒီတစ်ခါတော့ ကောက်ညှင်းဆန် နဲ့ မွှေးအိနေအောင် ချက်ထားလို့ မာမာပြင်ဆင်တဲ့နည်းလေး မျှဝေလိုက်ပါတယ်ရှင်။
ပါ၀င်ပစ္စည်းများ
- ဘူးချဉ် - 250
- ကောက်ညှင်းဆန် - ထမင်းပေါင်းအိုး ဆန်ချင်ဗူး တစ်ဗူး
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
- ကြက်သွန်နီ - အနေတော် တစ်လုံး
- ကြက်သွန်ဖြူ - အမွှာကြီးကြီး ၂မွှာ
- ဆား - လက်ဖက်ရည်ဇွန်း တစ်ဝက်သာသာ
- အရသာမှုန့် - လက်ဖက်ရည်ဇွန်း တစ်ဇွန်း
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း ၆ဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ကောက်ညှင်းဆန်ကို ရေဆေးပြီး ရေတညသိပ် စိမ်ထားပါ
- ဘူးချဉ်ကို ပြင်ထားပါ
- ငရုတ်သီး အရောင်တင်မှုန့်ကို ကြက်သွန်ဖြူ ကြက်သွန်နီတို့နှင့်ရောကာ မညက်တစ်ညက် ထောင်းထားပါ
- အားလုံးအဆင်သင့် ဖြစ်တာနဲ့ အိုးတလုံးထဲကို ဆီထမင်းစားဇွန်း ၃ဇွန်းကိုထည့်ပေးပါ
- ဆီပူလာတာနဲ့ ရေ ဆေးထားသော ကောက်ညှင်းဆန်ကို ထည့်ကြော်ပေးပါ
- ၂မိနစ်လောက် ကြော်ပြီးတာနဲ့ ရေမြုပ်အောင်ထည့်ပြီး ကောက်ညှင်းဆန် နူးအောင်တည်ပေးပါ
- ကောက်ညှင်းဆန် နူးလာတာနဲ့ နောက်ထပ်ဒယ်အိုး တစ်လုံးထဲမှာ ဆီထမင်းစားဇွန်း သုံးဇွန်းထည့်ပြီး အပူပေးပါ
- ဆီပူလာတာနဲ့ နနွင်းမှုန့် လက်ဖက်ရည်ဇွန်း တစ်ဝက်နှင့် ငရုတ်သီးထောင်းတို့ကို ထည့်ပြီးဆီသတ်ပေးပါ
- ဆီသတ်နံ့မွှေးလာတာနဲ့ ဘူးချဉ်ကိုထည့်ပြီး ဆီသတ်ပါ
- ဘူးချဉ်ထည့်ပြီးတာနဲ့ နှစ်မိနစ်လောက် ချက်ပေးကာ ကောက်ညှင်းချက်ထားသော အိုးထဲသို့ ပြောင်းထည့်ပေးကာ ဆား အရသာမှုန့်နှင့် ရေမြုပ်အောင်ထည့်ပြီး အိုးအဖုံးအုပ်ကာ တည်ပေးပါ
- အိုးမကပ်စေရန် မွှေပေးပြီး ရေခမ်းကာနီးမှာ အရသာမြည်းပြီး လိုသလိုပြင်ပေးပါ
- ရေခမ်းပြီး ဆီပြန်လာပါက ငရုတ်ကောင်းမှုန့် ဖြူးပေးကာ သမအောင် မွှေပေးပါ
- ပြီးတာနဲ့ မွှေးပြီးစားလို့ အရမ်းကောင်းတဲ့ ဘူးချဉ်ဟင်းကို သုံးဆောင်နိူင်ပါပြီ။
No comments:
Post a Comment